تجمع الكروشات اللي ولادتهم في ربيع الاول 1434ه

[سارونة الكويت]

آخ يالبشره والله تعبت نفسيا وجهي جا ا ا ف

شكلي بحط ماسكات مثل ماقالت وفقني لكن الله يعين انا حتى دوامي مطنشته مرضيات وغيابات
يالله عفوك

[وفقني يارب]

سارونه قلبو سوي الي تبين لاتقربين \اي شي مو طبيعي علشان الجنين

[وفقني يارب]

يابنات احس الم بظهري بيموتني كل ماجلست 10دقايق انتم كذا ولاا بس انا؟

[أنا مسافر]

المشاركة الأصلية كتبت بواسطة وفقني يارب

يابنات احس الم بظهري بيموتني كل ماجلست 10دقايق انتم كذا ولاا بس انا؟

انا مثلك من تأخرت علي الدورة وعرفت اني
حامل احس ظهري الم لازم انسدح ، اتعب
اذا رحت لحمولتي ولا جاني ضيوف احس
ما اقدر انسدح واسترخي قدامهم

ولله معتزله الطلعات الشهرين هذي
لاني ما اقدر اطول بالقعده اتعب
من ظهري ، بكريه دعواتكم ولله
مررره خايفه من الحمل والثقل
والولاده الله يسهلهم يااااا رب

[monaooy]

الله يعينك لانه حتى انا كذا
بس حاولي تنسدحي على ظهرك ويكون جسمك كله متواسي الا رجولك ارفعيها شوي واسترخي
واذا انسدحتي على جنبك حطي مخده بين فخوذك
وان شاء الله ترتاحي
انا بعد كل مشوار او شغل في البيت اعمل كذا والحمد لله ارتاح شوي
بس اهم شي تسترخي
وخبريني نفع معك او لا

[أنا مسافر]

اخواتي ليت ننظم لنا جدول غذائي
احس اكلي سيء وجبه وحده باليوم
تكفون عطونا المفيد وتجاربكم السابقة
يا مجربات

الصباح ايش كوب حليب ...الخ
الظهر ايش ...الخ
العصر ...الخ
المغرب ...الخ
العشا ... الخ

حتى لو ما كنتي تمشين عليه علمونا شي
مثالي ويحمس بعضنا بعض ، ولله هالاجنة
محاسبين على تغذيتها ويضيق صدري مره
لما ما آكل يا تروح علي نومه في الفطور ولا غثيان
ولا احس بطني فيه انتفاخ غازات .وشبع وانا ما اكلت شي

علمونا الاشياء المفيده
وكيف انظم جدول الاكل
الله يسعدكم بكريه ولا ادبّر شي :"(

[ام رتيل]

السلام عليكم
سارونه ......الله يتمم لك على خير يااارب الحمدلله اخباري تمام بس انتي من بعد الولاده انقطعتي ودايم البنات يسالوا عنك وانا اغلب الوقت في تجمع الترحيب موجوده على طول ماااقطعت
وووفقني ......ههههههههه الكلاك كان لكم كللللكم وانا ما دخلت الا ادور عليك لاني عارفه انك بتفرفري في التجمعات المهم الله يعينك ويقومك بالسلامه بس استعملي حمض الفوليك والم ظهرك انتبهي منه في بداية الحمل لاتتحركي كثيرحاولي ترتاااحي
شعاااع .....ياااااقلبي عليك كيفك وكيف اولادك ان شاءالله بخير .....تمام والله احسن لك لاتفكري في الحمل الحين لانه صغير الله يحفظه

[ام رتيل]

انا مسافر .....الله يتمم لك على خير انا مو حامل بس قلت افيدك في النظام في بدايه الشهور الاولى مع الغثيان والتعب دايم مايكون لك رغبه في الاكل بس اهتمي بأكل الفواكه والخضار والسلطات والسمك والعصيرات الطازجه والمويا بكميات كبيره في اي وقت حاولي تاكل شي او تشربي عصير هي ما لها وقت معين بس انتي حاولي ماتقعدي كثير جوعانه وطبعا حمض الفوليك مهم في هذي الفتره والله يتمم لك على خير

[سارونة الكويت]

ام رتيل اي والله انقطعت ولهيت مع ولدي بس والله انكم تطرون علي واسولف لزوجي وانبسط معاي الحين يوم درا اني شفتك وشعاع
شخبار اسومه وباقي البنات وين يتجمعون ؟؟؟

[سارونة الكويت]

انا مسافر انا اعوض بالسلطات والحمدالله اشتهيها لان وحامي ع الحامض والمالح

انتي نظمي يومج الصبح عصير طازج اعصري لج برتقالتين واشربيه مع تووست جبنه وطماط حمصيهم واكليهم يمم يمم والله لذيذ

الغدا صحن عيش رز مع صدر دجاجه ومرق بطاط وكوسه وجزر ياسلام طبعا الغدا ماقدر آكله الا ع دفعات ماشتهي لقمتين واقوم
عاد بعد ساعتين او ساعه ونص اكل الدجاجه حقة الغدا غصب مع عصير يمم يممم وسلطه خضرا فيها بقدونس واشبنت ياسلام مع ملح وخل وليمون طبعا المغرب عصير وككاو يممم يممم
والعشا بصراحه ماتعشى اتعب من اللوعه والحراره بالمعده لكن احيانا اكون مومتغديه نايمه فيحوشني جوع بالليل آكل لبنه وزعتر ياسلام خفيفه وحلوه واحيانا اطلب فطيرة زعتر
وآكل حبة اللوعه وانام



ادري طولت وقرقت بس قلت افيدج حبيبتي