ديوانية البحرين - دردشة حوامل البحرين - البحرينيات

[فلونة]

انا تميت اقرى جمن موضوع اهني وغفت عيني واتييني احلام كله علا هل مواضيع ويشتغل الوسواس حتى في الحلم صج الشيطاان ما يخلي احد في حاله اعوذ بالله منك يا ابليس الرجييم

احلام ام،، يعطيج العافية وانا بعد يوم الجمعة الغدى في بيت خالتي واقعد بالاربع ساعات ماميش الا اقعد الا الكرسي شوي واذا تعبت انزل علا الارض وبس هاذي حالتي.. يلا هااانت ان شالله

رووز سوول ،، اشوة دخلتي ها تبين تقصين علي وتولدين قبلي حتى في احلامي جنج ولدتي قبلي والله من حنتي شكلنا بنطول والمستعاان ربنا،، انا اليوم مافيني شدة طباخ وان نزلت تحت بيطلع الغدى من خشمي لانه ماميش شغالة بس باروح اجوف الوضع يمكن اقعد تحت وانتي عليج بالعافية وانا قصدي شريف ها بس انتو فاهميني غلط روحي تمشي ويا ريلج ما يصير يعني :p

[ام السادة]

السلام عليكم ويش اخباركم


فلونه ويش اسوي جبانه حدي وخواتي يدرون عني وكل شوي اختي الكبيرة تتصل فيني تطمن
واني اسوي روحي صدق واقول ليها ما بيطلع الا في حظنش خخخخخخخخ

احلام ام لا ما اخاف ولا شي بس شوي اخاف من لحصان يعني الي يمكن يركضون وراش بس الدجاج والكتاكيت اني اركض وراهم خخخخخخخخخ والحين بتي ما تخاف من شي لا دجاج ولا خيول ولاهم يحزنون يعني شجاعه ازيد من امها ههههه

ام خليل الله يساعدش ويعطيش العافية

روز سول ويش احوالش شكلي اني بعد مطوله بالسيد عكس السيدة اخدت بس اسبوع من التاسع وولدت

[طفلي حياتي]

السلام عليكم
اكره شي في الحياة القعده متأخر اليوم يروح خساره وماشتهي اسوي شي
ابغي اروح ابدل هالشفاطه بحاجتين ثلاث ولاني مشتهيه اتحرك من مكاني حتى اكل اكره اسوي ليي بس هالجبن والخبز اففففففف
النجت المتبقى خليته يستوي والنار مرفعه واحترق فتكينه منه
فلونو اني اخاف من لدياي بس ولد اختي من يوم هو صغير ارسم له ديايه واقلد صوتها واول مره شاف حمامه انبهر عدل ماصدق ان اللي نرسمها في منها حقيقه والحين تعلق بأي شي فيه منقار وجناح واسولف له عن ديايه ومصدق الحين يبغي ديايه منقطه ونربط في ريولها خيط لاتهرب هههههههههههههه مادري ويش شعوره لين شافها
ام الساده تخافين من ويش ؟؟ ترى احنا مسبهين على عمانه لاجربنا الشي ولا ندري ويش بيجري علينا خلها على الله ولحزتها بنضوقه بضوقه هيهيهيهيهيه

[ام السادة]

هلا طفطف ويش فيش شكلش كلش متضايقة خير

بس خلاص اني متوكله على الله والي بيصير بيصير خفت لو ما خفت

[طفلي حياتي]

هلا ام الساده متضايقه من الخربطه اللي اني فيها انام قريب الصبح كل يوم هالحاله واقعد الظهر متكسره عدل ولا اشتهي اسوي شي
بلوه ولا ادري ويش الحل

[أحلام أم]

دخلت أسلم وباشيل علية ولي عودة
ويش هالأصوات إلليي أسمعها في الشارع الله يستر علينه
أم السادة
عجل بس أني الجباااااانة
أول ماإنخطبت زوجي يراويني زراعتهم مايدري ماخذ وحدة خواافه دخلني حضيرة كبيرة فيها غنم وأني لاصقة ورااه وأضحك ومن دخلنه شوي وجو الغنم تحتنه أهرب وأطلع وأقفل عليه بااب الحضيرة هو ويااهم هههههه فشيلة وتم يعايرني
مادري خوفي من الجاج والكتاكيت ليهم قصة أمي العودة أم أبوي كانت تربي دجااج ويش كثر ومسكينه كانت تخلي البيض في زبيل متروس رمل وتقعد عليه الدجاجة علشاان يفرخون ومن قامت الدجاجة هيك اليوم رااح أخويي وأخذ عصاة وكسر البيض وإللي طلعوا قتلهم وحملهم ويضحك يقول ماتت المتوه وصار شكلهم يخوفني من أذكرهم للحيين مع إني كنت في صف الأول
ومرة أمي في البيت الجديد قام أبوي سوى حظيره حليووه ومقسمه وحط عصافير ودجاج وبين الدجاج كان في ديك أبيض شرس يطب علينه وينتفنه تنتيف ويلحق ورانه وصارو الدجاج نفسه يضربون
إيه كل حالة خوف في الكبر لها مصدر خوف وقصة أثرت في الإنسان في صغرة ورافقته وخلته في حالة خوف لايستطيع التغلب على حالة الرهبة لدية وكل حيوان له أني قصة وياااه خخخخخخ جبن جباانه
ياربي زادت الأصوات خارجا الله يستر
أشوفكم في وقت لاحق

[ام السادة]

الله يعينش ويعينا يطفطوف اني بعد يصيدني جدي

ههههههههههههههههههههه ضحكتيني احلام ام

[ام السادة]

يا الله اشوفكم بعدين بروح اشحن الاب توب جارج

[فلونة]

تغديت ومن الكرف الي كرفته انهضم الغدى ولله الحمد ،، واكو اصوات الطائرات تفتر في الاجواء الجميلة والله يستر علا اخواني النتف اتصلت حق امي جان تيودهم الا تقول ماميش احد تغدو وطلعوو

طفلو،، محد قالج سهري لنصوص الليالي متعبة روحج ومتعبة بنتج معاج،، اليوم حاولي ترقدين الساعة 12 عالأقل وحتى لو ماياتج النودة انبطحي وعدي النمل والنجووم :p
طلعتي خطيرة وعندج موااهب ترسمين بعد انا خطي كريه ورسم ماعرف ارسم الحمدلله رب العالمين ماطلعت علا امي ماشالله عليها فنانة

احلام ام،، انا بعد متعقدة من شي اسمه حيوانات طيور او حمام والسبب يوم كنت صغيرة ياب لي ابوي عصفور وخليته في البلكونة و من الجو الحار داخ مسكين ولحقت عليه في آخر لحظة خليته في حظني ومات ذبحت روحي من الصيااح وسويت اضراب علا الاكل و الموقف جنه البارحة للحين صورته في بالي ،، وانتي الله يهداج تحبسين ريلج ويا الغنم عاااد عالأقل ويا طيووور او حمااام :p

ام السادة،، احنا علا قولة طفلو بندش الولادة وما ندري اشصاير علشان جذي يمكن مو مفتكرين نبي نولد والسلام ،، والله انا كل يوم يمر احس بشي غريب وخاطري اجوف هالبطل الي في بطني سليم معافى يااارب

[الفتاة الذهبية]

هلا شخباركم ؟
العفسه قايمة في الشوارع الله يستر