دردشة حوامل القطيف- تجمع بنات القطيف

[تود]

اعرف وحدة عندها لأولادها أي باد واي بود ولها الأي فون واللاب توب والجيم بوي والأكس بوكس والبلاي ستيشن وهي بقدها عينها فارغة تطالع غيرها

اني لوالله تمم لي وجبت بتي بالسلامة مابعلمها على الألكترونيات لأن تعمي العين وكمان تخلي الياهل مايعبر عن شعورة للأم اوالأب فمااحب هالشغلة

ابي بنوتتي دايم تهدر ليما اطفش خخخخخخ

ترى اللي عندهم ألعاب ألكترونية واجد الأطفال يملو ويناظرو غيرهم لدرجة ان مرة ياهلة مسكينة جاية وبيدها لعبة قماش وتطلع موسيقى جا ياهل عندة أي باد 2 وأي بود ومابغى الألعاب حقاته ولمن امة عطته الأي فون حقها مابغاه رماه بالأرض يطالع لعبة اليهالة مسكينة ولمن عطيت الياهلة بالونة أصر انة يبي بالونتها ويوم عطيته مابغى إلايبي حقة الياهلة ظل يحاول ويحاول ليما فقع بالونتها مسكينة وصاحت انقهرت اني وامة عاااااااااااااااااادي ولاكأن ولدها مسوي شي

[مفاهيم الخجل 2]

تود كلامك صح
كسرت خاري البنوته
الله يجيب بنوتك بسلامه يارب

[مفاهيم الخجل 2]

ام نور فتحتي الموضوع واختفيتي هع

[مفاهيم الخجل 2]

ميرندا ويش اخبار المحموص
اني اليوم سويته وكان تماااااام الاني بعد ماطبخت الدجاجه شلتها على جنب وشخلت الماي يعني صار الماي صافي مافيه بصل وصارت تماااام
وشلت اللي فضل قلت بتعشاء به وذكرت هموسه والله اقول قريت مره انها تحبه بس ماتضبطه مع انه بسيط وسهل

[『~ṂǻŖỵąђْْْ』]

سيدة تسألش الدعاء

بنات عندي سؤال شوي مضحك
كيف تحسو بحركة الجنين .؟ باللمس لما تمسحو على بطنكم .؟ أو تحسو بحركه داخل البطن بدون ماتشعرو بها لما تحطو ايدكم .؟

اني لما اطالع بطني من فوق خخ يعني لما اطالعة بعيوني مو من المراية احس يتنفخ بطني يمين شوي ويسار شوي
بس الأغلب يمين حتى ساعات لما اجلس من النوم بطني يكون منتفخ جهة اليمين بشكل واضح حتى اعدلع مايرضى
يقول ليي رجلي خلي ولدي على راحته خخخخ اقول له مخرب شكل بطني
بس لمااحط ايدي نااااادرا ادا حسيت ومايكون واضح لكن عموما لما يتحرك احس به وهو داخل من غير لا اطلع ولا المس

جنووو
ياربي مرة تحمست اعرف النتيجة
ان شاء الله تطلعي حامل
ليش ماتاخذي تحليل حمل رقمي ديجيتال
وشوفي ادا طلع لش براگننت Pregnant يعني حمل ..
وإذا نَت براگننت not pregnant يعني مو حمل

اخذي كلير بلو مرة تمام ويطلع لش طم اسبوع من حملتي

ويارب تفرحينا وربي يفرح قلبش ياعسل

[ليلى محمد]

سلام كروشات
بالنسبة لموضوعك ياام نور
باختصار ( لا افراط ولا تفريط)
وانا الي اعلم اولادي مو اولادي الي تعلمني
من تجربتي مع 3 اولاد
تود .. انتي الي قلتي ماراح تعطي بنتك الكترونيات فهذه مستحيله في هالزمن
وراح تكون اقل من غيرها حتى فكرياً بس الاعتدال مطلوب
تجيني اوقات اطفي التلفزيون والاجهزه في البيت ونجلس جلسه عائليه بدون تقنيات
على الوجبه ممنوع التلفزيون عشان نحس بجو اسري مريح
ممكن اوفر لهم اشياء بس اعلمهم كيف ومتى يستعملوها

فهيمه
الرز ني زي ماقلتي مع الملح والزيت والبهارات الصحيحة وكم شرحة جزر وفلفل حار
والدجاجة بالذات اذا حطيتي فيها خل واخذت وقتها في الثلاجة بسرعه راح تنضج والنار تكون من تحت فرني كهرباء 400 واذا نضج الرز قبل الدجاجة شغلي عليها شويات من فوق تتحمر لوحدها
لان الرز ياخذ عندي من 20-25 دقيقة

[ام نور علي]

المشاركة الأصلية كتبت بواسطة مفاهيم الخجل 2

موضوعش مهم وحلوو
امم الله يجيب اطفالنا بسلامه ونقوم بسلامه ونبلغ فيهم معاريس يارب
اني عشت نفس ماقلتي كل اللي ابغاه يوصلني ولا ازعل اني واخوتي يعني لمن نطلب شي يجينا خلال يومين بسسسس ابووي الله يطول بعمره ماقصر ويانا بش بس صراحه لمن تزوجت عانيت شوي من هناحيه زوجي راتبه يادوب يكفي اغراض البيت والحمدلله الامور ماشيه تمام بس مابربي طفلي على الاسواق ابدا ابد بخليه يقدر قيمه لريال بنفس الوقت مابمنعه او بحرمه من اشياء تناسبه يعني مثلا لما يكون عمره 3 سنوات اكيد بشتر ي اله سيكل يناسب عمره يعني مابحرمه من هشي واقول لالا احنا على قد حالنا ومابحرمه من طلعات ومطاعم وكدا بلعكس يعني بخليه يتعود كل اسوع نطلع البحر ببلاش مايكلف وبشهر مره نطلع الى الالعاب والقلعه وكدا ومرتين بشهر نروح مطعم وبتعامل وياه مع المكافاة يعني لمن يتصرف تمااام اقدم له هديه وبكدا اني مابكون مقصره وياه اي وناويه اخليه يروح حوزات من الصغر ابغاه يتعلق بلمساجد وان شاء الله اذا صار مراهق بخليه ياذن وبعدين يصير ملاء اوشيخ ياارب ان شاء الله نربيهم تربيه صالحه وهذاني ادعي من اول ماحملت ان ولدي يكون من اللي يقرأون على المنابر مصيبه الزهراء عليها السلام واولادها والله يحقق مناي يارب واشوفه ياارب

اني زيش كنت زي مايقولو دلوعة ابويي الله يخليه اي شي اطلبه يجيني
بس مابعود اولادي على هالشي خير شر لاني مريت بالشي وقت الي اطلب ومايجيني شي ازعل وبرطم حتى أول ما أنخطبت قلت لريلي ترى اني دلوعه اي شي اطلبه يجيني طبعا فتره الخطوبه فترة تعارف ودلع واي شي تبغيه يجيش
بس لما تزوجت عرفت قيمة القرش مو اي شي يجي بالساهل اذا علمت ولدي من اول مايفهم يطلب شي ويحصله مابيتعلم القناعه ولا قيمة القرش بس زي ماقلتي كلشي بحدود اذا الشي يطلبه من صالحه ليش ماالبي طلبه بس اذا كان شي كمالي مو أساسي افهمه شوي شوي وبأمكاني اشتريه ليه اذا نجح فرضا لو أخد من الأوائل كشي تحفيزي لا شي اساسي

[ام نور علي]

المشاركة الأصلية كتبت بواسطة مفاهيم الخجل 2

ام نور فتحتي الموضوع واختفيتي هع

رحت مشوار ضروري وجيت عسى بس مامهلت

[『~ṂǻŖỵąђْْْ』]

ام نور
موضوعش يستاهل النقاش
بس مشكلتي بقوم الحين خخخ
رجعتي اقول لكم

صحيح ليالي
تصدقي انش خليتيني اتفائل يعني اني من حملت تخيلت ان جسمي بصير بشع بعد ماكان فنتاستك ~> آوت
خخخ
يعني بنزيد انوثة
خلاص بنات ولا وحدى تضايق كل شي يرجع زي قبل وبنصير احلى لوووووول

على قولة نسيت من
المرأة خُلقت لتكون أماً
يعني كل تضاريس جسمها تكونت بهالطريقة عشان الحمل
سبحان الله

[وسناء]

سلااام اخوياتي اشلونكم
سمعوا انا ماقريت كل الردود بس عرفت الموضوع
انا عندي ولد ثمان سنين يعني خلااص يفهم ويش يبي
من صغره علمنا قبل مانطلع حبيبي اليوم هذه الطلعة حقك العاب مطعم اي شي
مرة ثانية نتفق وياه هذه الطلعه للاغراض البيت والله والله من صغرة صرنا نمشي معاه على هالنظام وفعلاً هالنظام جاب نتيجه وبالقوة يعني مثلا ندخل محل للملابس وفيه العاب (سنتربوينت )مثلا مايمنع يقول ماما اخذ لعبة قلبي من داخل يتقطع بس اقوله احنا ويش قلنا جايين ناخذ كذا ومرت السنوات
الحين لما نتجمع مع بيت عيالي وكل واحد ماسك جهاز وهو بيكسر خاطري طبعا مافيه ام مابيعورها قلبها اتفق معاه ماما حبيبي بعيد ميلادك بشتريك سوني وهو ماطلب انا ابادر من نفسي خلاص تلاقين ابد مايجيب طاري وفعلا احاول بكل عيد ميلاد له اجيب له شي له نفس فيه ومااكسر بخاطره وبنفس الوقت تعلم ان مولازم يطلب وانا البي صحيح في النهاية شريت له بس ماكان منه اهو مني انا احيانا يجي ماما شوفي المدرس ويش حط لي اشجعه اعطيه حاجة رمزية استكرات سيارة صغيرة احاول مااحرمة لكن بحدود صحي في البداية يكسر خااطري لكن اشوي اشوي اهو تعلم خصوصا لما بدينا بالبني بصراحه صعب اشتري له أقوله هالشهر بنشتري حق البيت كذا الشهر الجاي دورك أو اذا سمحت الظروف وحكم انه متعود اني صادقة معاه على طول يقتنع ادري طولت بس اعطيكم درس ههههههه اتعبوا بالبداية وارتاحوا بعدين