ديوانية البحرين - دردشة حوامل البحرين - البحرينيات

[طفلي حياتي]

حلوه روز هبي فلنتاين اتخيل يغرغرونه بشوربه وهو ماله خلق شي سرحان ولا يدري من صوبه
امواله تجمدت ومحاكمات على البنوك اللي بتصرف مليم واحد او بتحول قرش واحد من حسابه

[om khalil]

افتكوا مساكين الفال لينا وتتعدل اوضاعنا

[Roze]

احين ويش بنسوي في الالف محتارين والله
شكلي بسافر فيها سويسرا وفرنسا
او امممم تدرون خاطري في شنطة لويس فيتون اتكشخ بها او لاااا لا لا
بقول لريلي يسوي ليي بها برجه ورا فلتنه

[طفلي حياتي]

ام خليل ماتعرفين احد في لدراز يبيع دياي فرخات يعني
ولد اختي ميت على ديايه اقعد اهر وياه عنها ويتخيلها والحين مصدق ان عنده ديايه
امس يسولف وياي في التلفون ساعه كامله عنها واحسب صدق يابو له ديايه طلع حجيه هرار كله
يقول عطيتها عيش وخليتها في المخزن وصوبها في ماي ولونها منقطه
طلع كله شلخ .. اليوم في بيت يدي يايب ليي ريشة ديايه يراويني اياها وبغت تطير الا يقول لالالا وحملها ومشى بها وي على افادي خاطره في ديايه

[Roze]

اذا فضلت بطلع سياره من الوكاله اوووبها
والباقي بوزعه على الفقاره

[طفلي حياتي]

الله يستر من باجر مايندرا ويش بيحصل وبيجري اني خوفتي على ولاد اختي بس كله اخاف يصيدهم شي

[طفلي حياتي]

الا يشوف روز يقول مليون مو الف خخخخخخخخخخخخ

[om khalil]

روز
استريحي وكملي شقتش ياحظي هههههههه

طفلي
لا ماعرف باسايل لش بيت عمي خبرة في لدياي ولطيور

[Roze]

مشكلتنه فايضه فلوسنه ماندري وين نصرفها
مالها داعي هالالف ابببدن
عفر الكويت لو اني هناك بيعطوني الفين ويا الي في بطني
حتا فرختي يحسبون حسابها هههههههه
بقوم انام واحلم ويش بسوي فيها ههههههههههههههه
اقول لريلي هالالف خلها للحمام الاسباني الي بتركبه قد الديره في شقتنه

[طفلي حياتي]

اي الله يخليش يم خليل
المشكله امه ما تبي لديايه تقول بتلعوزهم اني قلت بس عن خاطره يستانس بها شوي وبنتصرف فيها.. ابوه اخذ له كتكوت وعبده عباده
عاد ييت بيت ابوي واقول له حمود وشخبار كتكوتك الا يقول كتكوتي مات قتلني من الضحك هههههههههههههه قلت له عظظم الله اجرك عيل