【ツ】أحلى تجمع لأحلى حوامل التوائم 【ツ】 ‏الجزء الثالث

أحلى أيام العمر · 04-03-2012, 02:34 AM

اقتباس:

المشاركة الأصلية كتبت بواسطة غربة مشاعر2011

أحلى ايام العمر

ما عليج شر المنبهات اصلا تزيد دقات القلب انتى مارضعتي طبيعي صح

الشر مايجيك حبيبتي غربه انا رضعتهم بس شهر وبالقوه كمان لانه مايشبعو بس قل الحليب يعني مو بكيفي ليه له دخل ؟

سديم ورنين · 04-03-2012, 04:03 AM

لالالا ماتحممل كدا كلكم تيجوو مع بعض احلى ايام العمر ودلوعه عبودي وريتااج اخيراا افتكرتوونااا
ريتاج انا الاسبرين اخذتمه من اول ماعرفت اني حامل ووقفته نهايه الثاامن فايدتوو انه يضخ الدم بشكل اكبر للمشيمه حتى يتغذى الطفل كوييس ويمنع حصول التجلطات بالمشيمه يعني نزولها او انفصالها لان انا بحملي الاول انفصلت المشيمه عشان كداا صرفتوو لي بهالحمل

امااااني دكتورتك مجنووونه وش هالكلام روخي باسرع قت لدكتوره تانيه والله الله يعينك حمللك كله رعب وش هالدكاتره الي تروحيلهم رووحي وطمنينا. لاتقطعين

احلى ايام العمر يمكن معاك ضغط وحصني نفسك حبيبتي النااس مااترحم

أماني آل ظاهر · 04-03-2012, 04:04 AM

مشكورين على تفاعلكم معاي ...

أنا قلت حق زوجي ما ابي ادخل معاها مرة ثانية ، بس زوجي قال ادخلي عندها وآنا بدخل معاج وبنشوف شنو سالفة هالعلة اللي مطلعتها !

خلت موعدي بعد اسبوع على دوامها

ترا الدكتورة مسيحية ودايما تهبل بالناس وتخوفهم ، بس المشكلة انها سجلت فملفي وجهة نظرها ، يعني أخاف كل اللي اتابع معاهم بعدها يخلون فبالهم سالفة شلول الرحم ويشيلونه عني بس لأنها كاتبة جذا !!!

زوجي قال بنروح كذا مستشفى وبنطلب كذا تقرير يخلونه بملفج عسب يكنسلون وجهة نظرها ...
دعواتكم لي يا بنات ....

وسامحوني ما ارد عليكم باسمكم بس قلبي طاير والله من الزيغة ...

أماني آل ظاهر · 04-03-2012, 04:14 AM

إيه والله رعب كله هالحمل وكله مالي خلق من كثر ما يخوفوني

حتى للحين ما شريت شي حق الجماعة !!!
من كثر الضيجة اللي قبضتني من سمعتها ما سألت عن التونز ولا وزنهم ولا أي شي ...!!!

يا بتموتين ، يا بنشيل عنج الرحم !!!

زوجي صاير يعيش كوابيس من وصلت السادس وانا متصبره جدامه مجدر اشكي اخاف ازيغه زيادة ، ولا عندي احد اشكيله ، كان ودي اصارح امي بس امي رح تسوي عزا وتلم الدنيا علي ، لأنها وايد تخاف علينا واي شي يصيبنا ، اهي تتعذب ربي ما يحرمنا منها ، فما اقدر ازيد عليها حمل النفكير بي ومواعيدي مع دكتوراتي المجنونات ...!!!

رتوجة سامحيني ع اللون الأحمر ، صاير دمي هايج من العصبية ههههههه

ام التوينز3 · 04-03-2012, 04:29 AM

اقتباس:

المشاركة الأصلية كتبت بواسطة أماني آل ظاهر

إيه والله رعب كله هالحمل وكله مالي خلق من كثر ما يخوفوني

حتى للحين ما شريت شي حق الجماعة !!!
من كثر الضيجة اللي قبضتني من سمعتها ما سألت عن التونز ولا وزنهم ولا أي شي ...!!!

يا بتموتين ، يا بنشيل عنج الرحم !!!

زوجي صاير يعيش كوابيس من وصلت السادس وانا متصبره جدامه مجدر اشكي اخاف ازيغه زيادة ، ولا عندي احد اشكيله ، كان ودي اصارح امي بس امي رح تسوي عزا وتلم الدنيا علي ، لأنها وايد تخاف علينا واي شي يصيبنا ، اهي تتعذب ربي ما يحرمنا منها ، فما اقدر ازيد عليها حمل النفكير بي ومواعيدي مع دكتوراتي المجنونات ...!!!

رتوجة سامحيني ع اللون الأحمر ، صاير دمي هايج من العصبية ههههههه

انا متابعتكم بس نادرا ارد بس صراحه انقهرت عليك ليش كدا الدكتوره تقول تلعب على اعصابك الله يتمم عليك وماتشوفين شر

أماني آل ظاهر · 04-03-2012, 04:43 AM

اقتباس:

المشاركة الأصلية كتبت بواسطة ام التوينز3

انا متابعتكم بس نادرا ارد بس صراحه انقهرت عليك ليش كدا الدكتوره تقول تلعب على اعصابك الله يتمم عليك وماتشوفين شر

الشر يعديج يالغالية ، والله يبعد عننا القهر

مدري يلعبون معي لعبة ؟

أو فعلا عندي مشكلة بحملي ؟ بديت أخاف

بس يعني ما طلعت هالمشكلة الا الحين ؟

يعني كذا مرة اروح خاص وحكومي محد انتبه للموضوع ؟

عزتي بايماني · 04-03-2012, 04:55 AM

كيفكم بنات
ادري الاحداث كثيرة مرة مايمدي الحق ارد عليها كلها
ام عائشة واسماء وبنت مصر وضوء السحر احساس روعة
الله يتمم لكم على خير وماتشوفون شر
ريماس سديم ام عبودي وسيفو ام التوينز وام التوينز 3 وسوتي الله يسهل عليكم ويتمم
لكم على خير والمعذرة لو نسيت احد
اماني خذوني على قد عقلي المشيمة مو داخل الرحم كيف توصل للمثانة علشان تلتصق فيها
وماتشوفين شر ونصيحة لاتروحين للدكتورة هذي مرة ثانية ونفس ماقالت لك ريماس
روحي لدكتورة ثانية بس لاتقولين لها كلام هذي وشوفي وش تقول
احلى ايام العمر ماتشوفين شر
ام منذر مبروك خروج داليا والله يعينك
دلوعة عبودي ورضاك اخباركم
ريتاج نورتي وش هالغيبة والله يرزقك من حيث لاتحتسبي انتي وكل وحدة تتمنى الحمل
باقي الاخوات الغايبين طمنونا عنكم كل وحدة باسمها سواء الحوامل او امهات التوينز
فكرة الواتس اب حلوة

أماني آل ظاهر · 04-03-2012, 05:07 AM

هلا عزتي بايماني
والله مو فاهمة قصد الدكتورة عشان اشرحلج احسها غبية وما تعرف شي ...

المشكلة بروح عند وحدة ثانية بس هذي سجلت كل شي بملفي واي دكتورة اروح عندها تقرأ الملف قبل لا ادخل ...

شسوي ؟؟؟

soty · 04-03-2012, 05:48 AM

اماني واضح الدكتوره مو فاهمه ابد اول مره نسمع عن ان الرحم ينشال وش هالتخلف انت ابحثي بالنت دوري في احد صار له كذا
وروحي لاي دكتور او دكتوره غيرها مره كويسين ومعروفين واذا دخلتي عندهم قوليلهم الي قالت لك وخليهم يشوفونه بالملف واساليهم وش رايهم
طبعا الفاهم بيقولك الراي الصح والي اتوقع انه ذيك الدكتوره ماعندها اي سالفه
توكلي على ربي ولاترتاعين ياكثر اراء الدكاتره الغبيه وان شاءالله انها خيره عشان تعرفين انها مو كويسه وتغيرين متابعتك عندها ولايصير شي بكرى لاقدر الله وقت الولاده

بنت مصريه · 04-03-2012, 07:03 AM

السلام عليكم بنات ورحمه الله وبركاته
شكرا لكل اللي ردوا عليه جزاكم الله خير الجزاء...
حابه اسال البنات اللي في السابع والثامن والتاسع واللي ولدوا علي خير ...مين فيكم جاها طلق مبكر ...وكيف تعاملت مع الامر....واهم شئ اسال عن اليوتوبار فيه حدا اخذه اثناء الحمل؟؟؟
الله يسعدوا اللي عندها خبر ترد عليه ..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
▪ ≡ ツ】 ● 需 قمة السخافه 需 ● 【ツ≡ ▪	كاتمة الاحزان	المـنـتـدى الـعـام	12	03-04-2013 09:08 PM
••• 【♥】اعرفـ شخصـيـتكـ الكرتونيهـ مـنـ اجوبـــتــك【♥】•••	زوجي كل حياتي	ملتقى عضوات حوامل	41	08-27-2012 03:49 AM
【♥】【♥】【♥】حملة : أنا حامل بأذن الله ^,^【♥】【♥】【♥】	حبة السكر	منتدى علاج العقم و تأخر الحمل	136	05-29-2012 03:17 PM
【ツ】 اللقاء الأول .. ترى كيف سيكون شكله 【ツ】	لغة صمتي	إستفسارات حوامل من الشهر الرابع إلى الشهر السادس	22	05-27-2012 03:25 AM
••• 【♥】حلا اتعب وانا اقول كشخه بالصور【♥】•••	زوجي كل حياتي	قسم التغذية	19	04-19-2011 09:44 PM