دردشة بنات فلسطين, دردشة حوامل فلسطين, تجمع بنات فلسطين

[maisa odeh]

عيون المها كيفك حبيتي ليش ما بشوفك بالمره ع المسنجر
ومشالله عليه ادم العمر كله ائدامه الله يحميه صوري وورجيني صوره

[عيـ‘ـون المهـ‘ـا]

هلا ميســ--ــا
حبيبتي انا بخير نشكر الله ,,انتي كيف امورك و امور الحمل و العيله
ان شاء الله تكونو قضيتو عيد مميز
و الله مشغوله بتعرفي فترة اعياد و ما دخلت المسنجر الي مده
و 3 اياااام بتعرفي طلعات و زيارات ,,
ادوم بسلم عليكي و ان شاء الله اكيد راح انزلو صور,,

[احساس أنثى]

مساكم عسل ياحلوين
تسلمولي ع تعليقاتكم ع زوزو ربي يخليلكم اولادكم يارب

ربي يخليلك اياه يارب ادومي ياعيون المها انا حماتي مره حطت على شفايف زوزو شوية مربى كيف سار يلحس فيها ههههههه شكلو بحب الحلو :)

[maisa odeh]

تسلمي حبيتي الله يخليك ويسعدك والله وانا كمان الواحد بنشغل بس العيد هاد ما كان حلو يعني ما حسيت بعيد بسبب وفاه عمي يعني

حملي متعب الحمدلله عم تصيبني الحرئه كتير وشو ما عم اكل عم اتعبني ومش نافع فيها شي وزر ضهري بوجعني ل درجه اني بعكز عليه والله من الوجع مش عارف شو سببه

[حواء مثالية]

الله يسعد مساكم كيفكم يا بنات

[احساس أنثى]

سلامتك ميسو يالله ربي يقومك بالسلامه

ومساكي حواءتي

[مسك السنين]

بنات بدي اسئلكم

وسوري ع التفسير

هلا انا بحس في بداية الرحم ضغط قوي وكانه حاجة وحتطلع خلص

هل هدا راس البيبي ولا طلق مممممم

وبصير معي بفترات متباعدة كتير متل مغص الدورة مممممممم

والافرازات بالتاسع بتكون شفافة ولا بيضاا مممممم اصلو حسيت مبارح بافرازات بيضا

[مسك السنين]

عيووووووووون طمنينا عنك الاعصار بعيد عنكم ولا كيف
الحمدلله ع سلامتكم ويارب يحمي المسلمين بكل مكان

[عيـ‘ـون المهـ‘ـا]

احسـ-ـ-ـاس
أكيد الصغار بحبو الشي الحلو =) يجعل كل ايامو لزيود حلوه

ميسـ-ـ-ـا
و الله شاعره معك عم بتزكر كيف كنت حامل بالتوم يالله مرت الايام بسرعه رغم اني كنت اشوف اليوم بشهر ..و انتي هلآ في التامن راح الكتير وضل الئليل ربي يتمم الك على خير
ان شاء الله ينعاد عليكي العيد الجاي بالفرحه و يكون احلى
عيد بوجود مارياااا بينكم صحيح ضليتك على هاد الاسم

مسـ-ـ-ـك
اعصار ساندي بعيد عنا و في احتمال ضئيل جدا انو يمر على توليدو ((قل لا يصيبك إلا ما كتب الله لكَ))
تسلمي على السؤال ربي دائما يطمن بالك بحملك و تئومي سالمه

[جارة القمر]

يسعد صباحكم

احساس:

ما شالله ما شالله عنوووووو ابو الزوز عريس وامور ولبسو حلوووو الله يخليلك ياه يارب


مسك::

حبيبتي يالله شو كان يصير في هيك من اخر التامن هادي توسعات
البيبي بيضغط لتحت ومرات من الالم اقول ازا زاد بدي روح للمستشفى

فما تخافي بس راقبي حالتك ازا كانت المغصات نفس الالم وما زادت بيكون عادي لكن ازا
كل مغصة بزيد الالم بتكون ولادة


عيون المها ::

كل عام وانتي بخير يا ام ادم

ميسو::

كل عام وانتي بخير ...كيفك ؟وكيف الاولاد؟؟ انتي باي شهر صرتي؟

حواء:
كل عام وانتي بخير كيف كان العيد معك ؟؟ وست برلنت ؟؟

متى دوامك ببدأ
؟؟

---
انا اليوم اول يوم دواااااام وامبارح طولت بالسهره فنفسي انااااااااااااام