تجمع اللي بيولدون في شهر ذو الحجه

[حبيبة موني]

عسله
اسألي دكتوره ثانيه احسن لانو لو عندك التهاب لازم تتعالج من بدري ،، عشان البيبي


بناااااااااااات

ايش بتجيبو هدايا العيد لازواجكم << محتاااارة

[ام عبدالله 86]

سلامتك يادادو ماتشوفي شر يارب ...
الشيخة وتوتة منورين التجمع لكن متى موعد الولادة بالميلادي وجنس النونو ....

ريمية يعني يوم 10/11/2011 صح ...؟؟؟؟؟


وبالنسبة لهدية العيد افكر في سماعة الجوال لاسلكية اللي فيها بلوتوث و...عشان لما اكلمو وهو في الطريق جدة _ ينبع ماينشغل بالجوال

[أنت حلمي]

أنا معاكم ولادتي يوم 12/10 هجري

ان شاء الله

والله إني خايفه من هاليوم.

[اجوان]

اهلا بالبنات الجدد اللي معانا نورتوووو,,

عسله ,,
احسن علاج تشربي مويه كثير مره اهتمي اشربي لترين يوميا مهمممم ,,انا جالسه احاول اكثر شرب مويه مع اني طفشت من روحات الحمام الله يكرمك بس جالسه اتصبر..


حبيبة موني,,
والله الرجال يحيروا بهداياهم ,,انا زوجي اهديتو كل شي قلم وعوده والله يكرمك جزمه ماركه والحين في مناسبتين عيد زواجنا وعيد ميلادو في شوال والله مدري ايش اهدي :\
وماشالله تبارك الله كل شي عندو مو ناقصو شي..
هوا يحب الشوكولاته شكلي بالعيد راح اهديه شوكولاته زي الاطفال ههههههههههه



انا انشالله موعدي الاحد الجاي ياللللله من زمااااان مارحت الدكتوووور اخر مره رحت كنت دوووبي داخله الخامس ,,بس الحمدلله مااحس اشتكي من شي .

بنات بليز خففوا كلام عن الولاده والله بطني تصير تعورني :""""(

[عسله]

من ناحية الهديه ع قولت اجوان كل شي اهديته في
فترة الخطوبه
لنا سبع شهور متزوجين الله لايحرمني منه
بس فكرت في حاجه نفسه فيها
خاتم فضه بحجر عقيق

/
وادا ع هرج الولاده هيا لاصقه فينا ههههههه
قماري
ان شاءالله 9 في دي القعده اكون في التاسع
ولد خالي زواجه في 23 دي القعده
انا ماودي اروح وماما وام زوجي يقولولي احضري شويه وروحي
لي البهدلا فستان وكوفيره وانا من دحينا فاتحه فمي من التعب هههه
ايش رايكم بالله؟

[عسله]

ام عبدالله
حلوه فكرتك في الهديه الله يديمكم لبعض

[اجوان]

عسله,,
انتي وقتها ماحيكون ليكي خلق تشوفي احد ,,والله وفريها على نفسك ولا تروحي لانك راح تطفشي من الاساله والنظرات فوق ماانك طفشانه من نفسك وقتها :\

[Dado]

تسلمي ياتوته عالنصيحه
انا انشالله يوم الاحد حدخل السابع.. على حسب حسبتي لانو الدكتوره ماحددتلي يوم معين

عسله
حبيبتي نصيحه روحي شوفي دكتوره تانيه لانو التهابات البول مرره خطيره وممكن تسبب ولاده مبكره .. حبيبتي والله مابدي اخوفك بس عنجد لازم تروحي دكتوره واهم شي زي ماقالت اجوان تشربي مويه مررره كتير .. لترين كل يوم وهدا الشي لحالو ممكن يكون علاج التهابات البول

اخت زوجي دوبها تخرجت طب وبدأت تدريب بقسم الولاده وقالتلي يجونا كتير حريم يعانو من التهابات البول عشان كدا لازم مره تشربي مويه كتير..

بصراحه عني انا ما اقدر اشرب لترين جدا صعب وعلى طول بنتفخ بس بحاول فد مافيا وطول لوقت ماشيه بقارورة المويه اللي اكبر مني لووول*

[عسله]

المشكله والله تعبت تعبت وانا كل شويه عند وحده
لدرجه وحده تقولي عندك نقص في الصفايح الحمرا
دكتوره تانيه تقولي لاتشيلي هم كدا الحمل
ودكتور يقول اهم شي الهيموغلوبين عندك تمام
انا دحينا ماحروح عند احد لين ترجع الدكتوره في شوال
حمسك ع المويه والله يستر

[Dado]

الله يعينك يارب
هو صح كل دا اللي يصير معانا من الحمل بس برضو لازملو وقايه وخليكي عالمويه لانها مهمه ومفيده فوق ماتتصوري..

تعرفي انا بامريكا كل موعد دكتوره .. عمري ماجيت موعد وشفت شكل مألوف لوووول