تجمع حوامل ليبيا

[يقين]

ام نوزه وينك طمنينا علي شيبانيك ربي يفك اسره ياااااااارب ان شالله ربي يفرحكم بطلوعه عن قريب

[يقين]

هاتو وين من يوم ما وريتها صوراي هربت يا غبيني مسكينه المرا حامل واني نعرش فيها والله مانتحشم هههههههههه

[يقين]

تموره صحيتي عالشعر انردهولك في وليد ان شالله

[ام وسونة]

هايات عالحلوات

زيتونتي صحة البازين تعرفي نموت فيه

ميمونة ان شاء الله حوشكم ديمة مرسى يارب

ام ناريز وبي يطمنكم على شبانيك

وخيه متفائلة بالنسبة لدكار النخل واللقاح

راهو حاجة ممتازة وهلبا ناس مجربينه

خشي اقري علهم في النت وشوفي فوائدهم

[ام وسونة]

وخيه يقين المفروض حتى راجلك اعتدر

عالعزومة وخلى خوه يمشي بروحه اهي

فرصة تقعمزوا فيها بروحكم من غير عازول

[يقين]

اهلين ام وسونه كيف حالك وحال وسن ان شالله تمام تي وين يا وخيتي بعدين تقعد بايخه بكل وسلفي يفهما فكينا وبعدين راجلي ما يقدرش يعتدر الراجل صاحبه هلبا
اسمعي يا ام وسونه امبارح مقعمزه انهدرز اني وياه قتله اني عييت عارفه بمجرد ماقالي من شني عييتي نعجت قتله عييت من الكساد هههههههه والله زي ما نحكيلك يام وسونه المهم قتله عييت من الكساد انتم واخدين النت والتلفزيون واني مكسده نبي واحد منهن
قبل بنقوله عييت من الخدمه شوي خفت الله غالب ربي يعاوني وخلاص والله عييت بكل وربي عالم فديت من الحبس علي اساس اليوم الجمعه بنطلعوا علشان هوا فاضي اهو صاحبه عزمه

[ميراس]

السلام عليكم كيف حالكم كلكم باهي ياتمورة باهي عقابها تعزير كنت دايرة معاك هدنة وانت لعبتي فيها والبادي اظلم

[ميراس]

يقونة قلبي معاك هادي محبة وقروب دم شادينها توكة في جرتك ام وسونة شن حالك اليوم شفتي تمورة كيف نازلة فيا شن رايك شن نديرولها

[يقين]

ام وسونه انت مواليد كم

[يقين]

اهلين مروسه سلمك وسلم قليبك الحنين غير قوليلي شفتي صورتك ولالا