【ツ】أحلى تجمع لأحلى حوامل التوائم 【ツ】 ‏الجزء الثالث

[ام التوينز3]

ا

احلى توينز
اقري قران واستودعيهم ربك وربي مايكتب الا الخير انا في بداية الاسابيع كان جنين اصغر من الثاني يمكن بخمس ايام تقريباً ويوميا كنت اشرب موية زمزم وادعي ربي يحفظهم والحين اللهم لك الحمد حجمهم متقارب
ربي يتمم لك ويتمم لكل الحوامل يارب *[/quote]

تسلمين مشكوره على الرد الله يقدم ما فيه الخير

[احلى توينز]

السلام عليكم امهات التوائم ..
بارك الله لكم في جمعتكم وحفظ لكم مافي ارحامكم إنه على كل شي حفيظ
اخباري .. والله إني خايفه يا حرييم ادعولي الله ييسر امري إن شاء الله .. امس رحت للدكتوره وقالت لمن سوت التلفزيون إن موية الجنين زايده شوي .. والله يابنات إني خايفه وسألتها قالت إنتي سوييتي تحليل بول وطلع عندك املاح كثييره ..وانا على طول البول فيه املاح ما ادري من ايش واحس بعوار في جنبي اليمين ورجلي اليمين .. وقالت يمكن المويه الزايده سببها من زيادة الأملاح عندك .. هي حاولت تطمني بس انا ما ارتحت لكلامها ابدا .. واحس إني قلقانه وخايفه .. ياترى بنات وش سبب هالمويه الزايده مع إني في نص الرابع .. هذا شي .. والشي الثاني . فيه وحده منكم صار لها مثلي .. وعدت امورها على خييير .. امانه معاكم يا امهات التوائم . ردوو على .. وإذا تعرفون كييف ممكن ننقص مويه الجنين قولوو .. والله احس بضيقه من كلامها .. ونفسيتي تعبت بس من البارحه .. حسبي الله الذي لا إله إلا هو عليه توكلت وهو رب العرش العظيم ...

[احلى توينز]

انتظركم على احر من الجمر .. اي وحده عندها معلومه تخص موضوعي امانه معها ما تقصر .. وربي مانمت زين من البارحه بس اتقلب وطول ليلي خايفه ... ردو على الله يطمنكم على أجنتكم يارب

[الخمائل]

احلى توينز
الله يطمن قلبك باللي يسرك عاجلا غير اجل
انا بتكلم بخصوص الاملاح الزايده بتحليل البول ..من واقع تجاربي المريره
كنت كل ماحللت قالت املاإاإح انتي ماتشربين مويه خالص؟فكنت ابكي من الالم ومن كلامها لاني اشرب قد مافيني
فتوكلت ع الله وشريت من العطار شعير القهوه وحمسته مثل البن وطحنته وغليته والله العظيم الالم اللي ماكان يروح الا بمسكنات ومضادات حيويه اختفى
وجلست اشرب 3اكواب في اليوم منه اسبوعين وجاء وقت تحليلي قالت سليم التحليل مره
كنت اعاني من شدة الالم لدرجه كانت تحولني لطبيب يفحص الكلى عندي من شدة المي في جنوبي واسفل بطني مارفع ظهري منه

اما بخصوص موية الجنين والله ماعندي علم فيه
اتمنى من الله العلي القدير ان يسبغ عليك لباس الصحه والعافيه والسكينه وان يهدء من روعك ..
استودعتك الله

[احلى توينز]

اختي الخمائل
جزاك الله الف خيير يالغاليه .. والله يعطيك لين يرضيك ويطمن قلبك على غواليك يارب .. حبيبتي والله انا مثلك الدكتوره تقول اشربي مويه 8 اكواب وانا والله إني بموت من القهر والله إني اشرب 20 /او 23 كوب في اليوم خلاص من كثرت المويه يجيني غثيان بس ماكو فايده .. بس بتوكل على الله وأخذ بنصيحتك يالغاليه بس كيف الدكتوره قالت عايدي وما يضر في الحمل .. ووش اقول للعطار او الصيدلاني ..

انا في إنتظار باقي البنات يجاوبوني على زيادة ماء الجنيين ..
الله يحفظلكم ما في ارحامكم لا تهملون اسألتي ..
اكرر شكري لك اختي الخمائل وربي يبارك لك في توأمك يارب ويحفظهم لك إن شاء الله

[ام منذر]

ماتشوفين شر يالغاليه
احلى توينز الله يطمن قلبك ويسهل حملك وولادتك يارب
بالنسبه لزيادةمويه الجنين لاتخافين منها لانك بالشهور الاولى
فتنقص من نفسه بإذن الله
اما قهوةالشعير ممتازه للمسالك البوليه والاملاح
حاولي تجيبينه اليوم واشربي منه وبعد اللبان المر مره ممتاز
انا جربته المره هذي وانا حامل بالتوائم

والله يهون عليك ويطمن قلبك وكثري الاستغفار

[الفراشة الجميلة]

أحلى توينز بخصوص زيادة الموية أنا صارت معي وكنت تقريب في بداية الثامن قالت لي ان عندي زياده في مويه واحد من الاجنه وبصراحه خفت وكنت ابحث بالنت عن هذا الموضوع وكانوا يقولون يتشوه في الجنين وخاصه المرئ او يكون في الام سكر طبعا أنا حللت وطلعت ولله الحمد مافيني سكر وخفت مره لا يكون في الجنين تشوه مع انهم أخذوا أشعه تفصيليه وسويت 4دي وكلها تقول ان الاجنه ولله الحمد سليمين بس كنت عايشه بقلق شديد وعطوني إبرة الرئه 4جرعات قالت عشان لو حصل ولادة مبكره بسبب زيادة المويه ولما رحت ادكتورة ثانيه قالت في زياده بس بسيطه وهذا لازم في حمل التوام لا تقلقين الخلاصة أني ولله الحمد وبفضل الله ولدت في الاسبوع 38 اسبوع وبعمليه وطبعا لو ماولدوني كان ما ولدت بس هم قالوا خلاص التوام هذا حدهم 38اسبوع وانا بعد تعبت مرررره وفرحة انهم بيولدوني وجبت ما شاء الله ولدين مثل قمر كاملين وخالين من التشوهات الي عيشوني في قلق مستمر ولله الحمد والشكر
لاتخافين ولا تقلقين وان شاء الله ماراح يكون الا الخير بس انتي توكيل على ربك في جميع أمورك واستودعي نفسك واجنتك رب العالمين وراح يحفظهم ربي بإذن الله
والله يهون عليكم ويقومكم بالسلامه

[الفراشة الجميلة]

وعلى فكره أختي نسيت أقولك اكثررررررررري من شرب المويه مفيده في كل شي حتى من الولادة المبكرة بقدرة الله أشربي على قد ما تقدرين خي عندك قرورة مئوية صحه جنبك واشربي كل دقيقه واذا خلصت عبي ثانيه صدقيني المويه جداً ممتاز حتى من التهابات البول والأملاح والزلال وكل شي والف سلامة عليك

[Haif]

أحلى توينز

الف سلامه عليك و على البيبيات يارب البنات يفيدونك انا ماعندي علم
بس اشربي موية زمزم لانها لما شربت له و روحي دكتوره ثانيه علشان تطمنين وماتعيشين في قلق
وربي يحفظ لك توينزك ويتمم حملك وتشوفينهم بحضنك بصحه وسلامه يارب

[الخمائل]

المشاركة الأصلية كتبت بواسطة احلى توينز

اختي الخمائل
جزاك الله الف خيير يالغاليه .. والله يعطيك لين يرضيك ويطمن قلبك على غواليك يارب .. حبيبتي والله انا مثلك الدكتوره تقول اشربي مويه 8 اكواب وانا والله إني بموت من القهر والله إني اشرب 20 /او 23 كوب في اليوم خلاص من كثرت المويه يجيني غثيان بس ماكو فايده .. بس بتوكل على الله وأخذ بنصيحتك يالغاليه بس كيف الدكتوره قالت عايدي وما يضر في الحمل .. ووش اقول للعطار او الصيدلاني ..

انا في إنتظار باقي البنات يجاوبوني على زيادة ماء الجنيين ..
الله يحفظلكم ما في ارحامكم لا تهملون اسألتي ..
اكرر شكري لك اختي الخمائل وربي يبارك لك في توأمك يارب ويحفظهم لك إن شاء الله

اللهم اميييين ولك بالمثل وزياده
بالنسبه للشعير الدكتوره ماصرفت لي ..انا اخذت بنصيحة الوالده وهي ماتضر الحمل مره بالعكس فوائدها كثيره ومنها تمنع الامساك وتدر البول وتقلل من الحرقان الحموضه
فيه علب مطحونه جاهزه عند العطارين خذي منها اللي مكتوب بدون بهارات بعضهم يضيف عليها بهارات فهوه
الحمدلله انا مستمره عليها من حملي الثاني وجبت بنت مثل القمر واستمريت عليها بحملي الثالث وجبت ولد ولله الحمد ماله اي اضرار ع الاجنه ابدا
استودعتك الله