الغاليات بنات فلسطين اتفضلو هون.....

ام عبدالله لولو · 11-05-2013, 02:55 PM

الله يسعدك يارب يا ام عمر هههههه الحمد لله بس والله اول شهرين علبني غلبة ما بعلم فيه غير الله الحمد لله دائما بفتحلو ع طيور بيبي بس ما بخلي وجه ع الشاشة يعني كل ما يجاول يلف راسو ببعدو بس بخليه يتعلم مهارت مكان الصوت شطور الله يرضى عليه السريرو من يومه لليوم ما بنام فيه بنام حدي ع التخت وبحب يرضع انا نايمة حدو

ام عبدالله لولو · 11-05-2013, 02:58 PM

دودو ابني بحكيلك خالتو ام عمر حطيلي صورة عمر صاحبي ههههههه مش من امو انا مالي دخل ههههه

~{{ DoDo }}~ · 11-05-2013, 03:23 PM

ام اسيد
والله اول شهرين لازم واساسي انه البيبي يطلع عين امه
هههههه هم اصعب شهرين صراحة
بعدين بيروق وبيصير يفهم انه في لعب وبيصير يشوف منيح
وتلفت نظرو الاشياء عشان هيك بيهدى
انا كمان بسمعو اصوات دايما وبشغله اشياء وبينبسط
حلو كتير وصيري العبي معه بالخرخيشة
حاولي تسمعيه صوتها وبيصير شوي شوي يرفع ايديه بدو يلقطها
لحد ما يصير يمسك
انا كنت ادربه عالرخيش واالعاب واهزلله اياهم يصير يحرك حالو ويرفع ايديه بدو يمسك
لحد ما صار هلا بيمسك لحالو بس لسا بيفلت شوي لانه بدو يحط كل اشي بتمو طبعا
بدو انتباه

بوسيلي اياه اسيد وقوليلو بس انزل الصور عالاب توب رح احطله ههههه
لاني شغالة من الموبايل والاي باد اغلب الوقت مع قلة الفضاوة

~{{ DoDo }}~ · 11-05-2013, 03:28 PM

صحيح ام اسيد ما سالتي الدكتور ع مكان العملية تعتك ؟
انه لسا يابس
لانه انا بسمع بيصير هيك وبيكون خدلان لمدة سنة بعدين بيرجع الجلد طبيعي

حواء مثالية · 11-05-2013, 06:10 PM

سلام عليكم

كيفكم يا حلوووووووووووووووووين نحنا بخير الحمدلله رحت عند اهلي يومين بنحضر لعرس اخي ان شاء الله
اولادي تمام الله يسعدكم يارب

بالنسبة لمكان العملية ما حسيت انه هيك عادي اسالي الدكتور افضل

والي سال عن القطب انا الحمدلله على الاسبوع كانو نازلين اذا اعتنيتي فيهم صح بسرعة بنزلوا بدهم نضافة وتكون المنطقة ناشفه وما استخدمتلهم اي شي

دودو يسعد مساكي ياقمر ومنورة التجمع والله طلتك غير شكل ما تغيبي

لولو الله يحفظها القمر ويخليلك اياها يارب وانتي كمان ممنوع تغيبي

هلا ايام الشتى والجمعة معكم غير شكل

انا ليوم عامله مقلوبه

وام اسيد زوزو لسه ما اخد طعم الشهرين اعطوني موعد جديد يوم الخميس ان شاء الله

ام عبدالله لولو · 11-05-2013, 08:21 PM

مساء الخير يا صبايا
الله يسعدك يا دودو بدي اروح ع الدكتور بس حاسو كانو نفاخ لانو بطل يابس
حواء الف مبروك يارب عقبال اولادك
تم مروان وينك ونور وفوفو مالكم اليوم

فوفو89 · 11-05-2013, 08:46 PM

يسعد مساكم

انا هنا ام اسيد
تسأل عنك العافية

هلا حواء
كيفك ومبروك عرس اخوكي وعقبال عند زوزو

بالنسبة للي عاملين عملية ،، مرت عمي حامل بالسادس وهذا ثالث حمل الها ،، وهي كل ولاداتها عمليات ــ حكتلي انه مكان العملية بيصير يوجع بالبرد والشتا،، وكمان لما تحمل ومع زيادة وكبر حجم البطن بتصير قاع بطنها يوجعها مطرح العملية

والله انا لما ولدت طبيعي وتعذبت حكيت ياريت لو اني ولدت بعملية

وين ام مروان اليوم ؟؟
شكلها بتطبق بالدروس ههههه

فوفو89 · 11-05-2013, 08:53 PM

انا بكرا بدي اروح ع الدكتورة في نابلس اتطمن ع وضع القطب
وكمان بدي اخذ بنتي ع دكتورالاطفال اتطمن عليها واشوف وزنها
لانه لما طعمتها طعم الشهر ما وزنوها ،، وحابة اعرف وزنها

حواء مثالية · 11-05-2013, 09:14 PM

مساكم عسل

الله يبارك فيكم يا رب عقبال اولادكم يا رب

هاتو شي ندردش في

ام عبدالله لولو · 11-05-2013, 09:18 PM

اهلا فوفو منورة ههههههه ضحكتيني ع تطبيق الدروس هههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين , دردشة حوامل فلسطين , تجمع بنات فلسطين	ايلاف	إستفسارات حوامل من الشهر السابع إلى الشهر التاسع	5318	06-15-2013 12:38 PM
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM