ديوانية حوامل البحرين

[بنت الأياويد]

مشكلة المسيدين الي احب اروحهم كله زحمة سبيجة الانصاري الروح فوق الروح ونوف النصار نفس الحالة بشوف اذا ريلي يه بالسلامة بروح وياه ، بس مشكلتي اني اطبخ وعقب الفطور ينهد حيلي يبيلي راحة بس بشوف على الوضع

[أم حماني]

انا السنه مارحت سبيجه الانصاري .. غريبه زحمة على انه كبيررررر ماشاء الله بس الناس من كل مكان ايوون له ... اعرف وحدة تتعنى من مدينه حمد عشان تصلي فيه ... اذا ماتقدرين شتسوين بعد حبيبتي صلي بالبيت ... لا كلف الله نفسا الا وسعها ... انا امي كل يوم تهاوشني ماتبيني اروح بس والله ارتااح اكثر على انه ريلي تورم وتتنفخ وايد ...

[بنت الأياويد]

ريحي روحج وخلج كله يالسه ، امس كلت هريس باركي لي هههههههههه

[فرح عمري]

هلا والله كروشات

وش اخباركم وش مسوين

تسلمين والله روز ما قصرتي راعية واجب

بس شلون اخذه واخليه في توقيعي <<< اقرع ويتشرط هههههههههههه

الله يسهل لك امورش يارب

ام حماني احلى شي الواحد يفطر في مكان ولا يسوي شي

اني الله يخلي لي امي تسوي كل شي اقوم كأني الملكه

بس التعب لا صرت في بيت عمي احتار وش اسوي من الفشله لان ما اقدر اغسل مواعين

ولا اكنس معاهم

اخر عمل اسويه اني اغسل الفرن هههههههههههههههه

اسوي ساعات حلويات بسيطه او سلطات عن العين والنفس

بس اريح شي في بيت الماما <<< الله يحفظها


يؤؤ الظاهر اهذر بروحي

خل اصبر على ما تجون اهذر وياكم

[بنت الأياويد]

احنا موجودين سولفي اخذي راحتج

[أم حماني]

فرح عمري

لا احنا موجودين ههههههههههه
عفيه عليج تسوين حلويات وسلطاااااات ... انا الوحيده الخايبه الي ما اسوي شي ههههههههههه
بخصوص شريط الحمل سوي رايت كلك ,,, وانسخي ال url مال الصورة وبعدين روحي لوحة التحكم وعدلي التوقيع وحطي الصورة
بس!!!!!!!


ان شاء الله شرحي وااضح

[بنت الأياويد]

ماتشوفون حلقات؟

[فرح عمري]

بنت الاياويد

انا نساتي جايه ع اللحم

بس استغرب من نفسي الهريس اكله عادي بس ابعد اللحم عنه

بس اي اكله او لحم جذي ما اكله مستحيل

بس استفدت ان ضعفت من النساه مع اني مو متينه بس خبرك البنات لو كيلوين على بالهم عشره هههههههههههههههه

[أم حماني]

انا الحين اطالع اميمه في دار الايتام ... وبعد اطالع ليله عيد ,,, وطفاشوو .. هاي اهم الحلقات عندي

[أم حماني]

وووي فرح عمري ... انا نزلت مع النساة 8 كيلووو وكلهم رجعوا دبل ههههههههههههه