【ツ】أحلى تجمع لأحلى حوامل التوائم 【ツ】 ‏الجزء الثالث

[أماني آل ظاهر]

ريماس ربي يعينج بمواعيدج
بس يالغالية انتي مسوية تحليل السكر صح ؟
لأن اذا ما مسويته لا تسوينه بعد ابرة الرئة لأن ابرة الرئة ترفع السكر وايد

وطمنينا عليج


أنا عندي يوم الأحد موعدين ، مع الدكتورة ومع دكتور السكري

والله يعين شو بيقولون هم الاثنين ...

[ام منصور]

مرحبا
شحالكم جميعا

اختي الغاليه بنت مصريه
جزاج الله الف خير يا قلبي وربي يتمم لج ويتمم لي ولجميع خواتي في المنتدى وخارجه ويثبت حملنا ويرزقنا بالذريه الصالحه ان شاء الله وبالولاده الميسره
اللهم امين
الف مبروك يالغاليه ام عاشه وربي يهنيج بشوفتهم بخير وصحه ان شاء الله

ريماس ربي يتمم عليج بالصحه والعافيه ياقلبي

رضاك يالله شدي حيلج وعيدي التجربه
اللهم لك الحمد كما ينبغي لجلال وجهك وعظيم سلطانك
نحمد الله ونشكره على نعمه الحمل ونعمه الذريه
وبنتحمل كل شي عشان هالذريه وربي ياجرنا على كل تعب وووهن

حبيت اشكر خواتي الغاليات اللي شاروا علي بالادويه للحرقان
ربي لا يحرمني من تواصلكم يالغليات
حصلت شي عجيب
(لبان الذكر ) عجييييييييب على طول يشل الحرقان
انصحكم تجربونه

انا طالعه اجازه وراجعه بعد اسبوعين
اشوفكم على خير بتابعكم من الفون

[رضاك ربي]

المشاركة الأصلية كتبت بواسطة ام منصور

مرحبا
شحالكم جميعا


رضاك يالله شدي حيلج وعيدي التجربه
اللهم لك الحمد كما ينبغي لجلال وجهك وعظيم سلطانك
نحمد الله ونشكره على نعمه الحمل ونعمه الذريه
وبنتحمل كل شي عشان هالذريه وربي ياجرنا على كل تعب وووهن


انا طالعه اجازه وراجعه بعد اسبوعين
اشوفكم على خير بتابعكم من الفون

ان شاء الله حبيبتي الله كريم

اجازة سعيدة يارب

[REEMAS]

اماني اي انا سويت التحليل بس باخذ النتيجه وان شالله ما يطلع عندي سكر كفايه الضغط

[أماني آل ظاهر]

ريماس الحمد لله انج مسوية فحص السكر ، وان شاء الله ما يكون مرتفع

اليوم الصبح تعبت وايد وما جدرت اوقف واحس لما اتحسس اسفل بطني ان راس الجنين في يدي مرة واضح ووايد نازل

ياترا هالشي طبيعي ؟

ادعولي اوصل للتاسع ... وايد خايفة

[عزتي بايماني]

كيفكم بنات الله يتمم لكم على خير ويسهل عليكم
ريماس الله يتمم لك على خير وتشووفيهم لابسينها وهم وانتي بصحة وسلامة
اماني ماتشوفين شر
ام عائشة الله يتمم لك على خير ويسهل عليك ويوصلك للتاسع على خير
ام منصور اجازة سعيدة

ام منذر طمنينا عن بنتك انا هموسه كانت نفس الشي بس مااستعجلوا على نقل الدم
قالوا ننتظر اذا شفناه يزيد ماتحتاج ولو بقى ثابت والا نزل نعطيها دم وهي كان دمها احيان 7 ونص
7 و2 ومرة نزل 6 و9 بس بقى نفسه ماتغير وهالحين تستخدم حديد احطه لها بنص الرضعة
وعندها موعد يوم 5 ابريل يمكن يسوون لها تحليل لان اخر مرة يمكن 2 مارس
وان شاء الله يلقونه زين
وبنت ام رفا كان بيعطونها دم بس ممادري عطوها والا لا

[سديم ورنين]

السلام عليكم
ام عااااايشه ربي يسهل عليك وتذكرري ان كل شي مكتووب ومقدرر لاعتراض ع اقداااره الله رايد مايكملون الثامن
احمدي ربك الثامن مو مثل السابع يعني انشالله مايحتاجوون حضاانه
ريماس قالتلك الدكتوره ان ابره الرئه ترفع الضغط حبيت اخبرك

[الخمائل]

اهلين حبيباتي
تسلمين صفاء الروح واماني ع الرد
والله ادري ان كلن بهمه سرا
انا من جده مافيه وحده بالتجمع مثلي؟
علشان اسألها عن المستشفيات والاسواق وهيك شي
يارب يقوم كل وحده منكم بالسلامه وتشوف البيبيات متعافين قدامها

[غربة مشاعر2011]

هلا كروشاات

ريماس الله يحفظج

أماني طمنينا بعد الموعد

ام منذر اخبار بنتج

ام منصور أجازه سعيده

انا إخباري الحمدلله بس رجلي تألمني ويا الجبس والثقل بس الحمدلله على نعمة العيال والتؤام رزق من الله عشانه يهون كل شي

[REEMAS]

صباح الخير...صباح التعب والله يعينا مافي رقاد عدل لا مع الحمل ولا بعده بس حلو على قلبنا وكل شي يهون لهم
سديم ورنيم لا ما قالت لي بس قالت لي انه يرفع السكر بسالها ان شالله قبل ما اخذها يوم الاحد ومشكورة انج نبهتيني
ام عائشه طمنينا وما راح ننساج من الدعاء بنات ادعو لعائشه الدعوة في ظهر الغيب مستجابه
باقي البنات وينكم ليش مختفين