【ツ】أحلى تجمع لأحلى حوامل التوائم 【ツ】 ‏الجزء الثالث

[أماني آل ظاهر]

هلا بنات

شلونكم ؟

ضوء السحر ربي يرزقني واياج ولادة طبيعية ، انا زوجة ولد عمتي وام زوجي بالتوائم ولاداتهم طبيعي ...
بس بالنهاية يعتمد على وضع الأجنة .

سدومتي ... انا باذلة جهد عشان ارفع الحديد بس انتي تقولين ان احسن طريقة هي ابر الحديد ...موعدي الأسبوع الياي رح اشوف الوضع واسأل الدكتورة .

اليوم زوجة اخو زوجي ولدت والله رزقها بولد وعندها من قبل ولدين ، باقية انا واخت زوجي ، رح تكون مفاجأة لهم التوأم اللي رح يكون اول توأم في العايلة ، ومو الأخير لأني اشك ان زوجات حمياني رح يسوون المستحيل عشان يجيبون توأم ههههههههههه

ريماسوه انتي توسوين مثلي وانا للحين ما شريت شي ولما يقول زوجي نروح السوق اقوله لما يوصلون ، بس المفروض نتوكل ع رب العالمين ، وربي اللي رزقنا اياهم بلا حول منا ولا قوة قادر على حفظهم وحمايتهم ، والحمد لله دخلتي السابع يعني وصلتي مرحلة الأمان ، انا رفيجتي ولدت بالأسبوع 31 وجابت بنتين قمر ما شاء الله ، ووالله لما شفتهم ما صدقت عيوني ، ما شاء الله جمال وطول وجسمهم مب نحيل ما تقولين بنات سبع ، احسن من عيال التسع وصج ما ابالغ ، بس الواحد يتوكل على رب العالمين

حتى من كثر التعب اللي احسه صار زوجي يوميا يحلم اني ولدت ، من كثر ما يشوفني تعبانة يبيني ارتاح ، بس مثل ما قالت رضاك / لما تتذكرون انكم رح تربون طفلين وتجوفونهم يلعبون ويكبرون جدامكم بوقت واحد يهون عليكم التعب ...


أسما ف : سلامتك الف سلامة من الصداع ، والله الصداع بروحه هم في الحمل
بنت مصرية : هلا فيج في التجمع ، اسلوبج روعة في الرد وربي يحفظج ويتمم حملج على خير .

أم عايشة حبيبتي ربي يخفف عنج وان شاء الله ما تولدين الا بالتاسع .

أم منذر سلامة بنتج ما تشوف شر وطمنينا عليها .


غربة مشاعر واحساس روعة ربي يخفف عنكم ، سمحولي وايد الخبط ما بينكم مدري ليش .


ادعووووووووووووووووووووولي يزيد عندي الحديد

[ام محمد قطر]

مرحبا بنات

حبيت اسأل في اي اسبوع يبين حمل التوام

[الخمائل]

اهلين كروشات
دخلت افكر احد رد ع مشاركتي ..ولكن للاسف ..
مدري ..حسيت مو مرغوب فيها

[ساعة صمت]

المشاركة الأصلية كتبت بواسطة صفاء الروح

هلا حبوبات بقول لكم قصتي و الي صار لي امس

انتوا مثل خواتي و لازم افضفض ليكم ...

رحت انا و زوجي بسوي التراساوند 3 دي عشان اطئمن على التوأم

في البداية قالت الدكتوره انهم بخير و الحمد الله كلشي تمام

بعدها قالت ليي انتي متاكده بس توأمين ؟!! انا اشوف اكثر

طبعا خفت و ما اعرفت شقول اتقول احتمال ثلاثه او اثنين ؟ و بعدها اتقول

انا اشوف اشياء كثيره ... طبعا انا ما اتمالكت نفسي بدات اصييح من الخوف

و هي اتقول لالالالا بس توأمين اولاد و هم بخير و مو مشكله لو وصل الثالث معاهم

و تالي اتقول لا ما اعرف ؟؟؟؟ ما ادري من الي لازم يعرف ؟ بصراحه خوفتني الدكتوره

و طلعت من عندها اصيح من الخوف ... زرت قبلها اربع دكاتره و كلهم خبروني اني حامل

بولدين , رجعت البيت و نفسيتي كلش تعبانه و ما قدرت اكل شي من التفكير و زوجي بعد كان

احاتي ... قررت اخر شي ازور دكتورتي في الخاص و الي اراجع عندها ... طبعا سوت لي

الترواساوند و طمنتني اني التوأم الحمد الله بخير و ما فيهم الا العافيه و كلشي تمام

و عطتني موعد لحفص السكر ... و طلعت من عندها مرتاحه .

كل الي قالته انهم كبروا و صاروا يلعبون مع بعض و اياديهم و رجايلهم اتكون قريبه من بعض

فصير خربطه بينهم .. بس و لله الحمد كلشي تمام

شفتوا شلون سوت فيني دكتوره الاشعه ؟! و غير هذا اخدت مبلغ كبير

طبعا عشان اغير جو رحت شريت لتوأمي اشياء عشان انسى الكلام الي خوفني بحط لكم

الله يخليهم لج ويحفظهم ياا رب
ياحلات التوم والله

[ساعة صمت]

المشاركة الأصلية كتبت بواسطة ام محمد قطر

مرحبا بنات

حبيت اسأل في اي اسبوع يبين حمل التوام

معرف حبيبتي انا بكريه
وداخلي بيبي واحد
يمكن من السادس او حتى الخامس
وبعدين اذا كانو كيسين ع طول يبينو من بدايه الحمل
بس اذا كان كيس واحد وفيه تؤم عاد الله اعلم متى يبينو

[صفاء الروح]

المشاركة الأصلية كتبت بواسطة ام محمد قطر

مرحبا بنات

حبيت اسأل في اي اسبوع يبين حمل التوام

أنا بين معاي من الاسبوع السابع

[صفاء الروح]

المشاركة الأصلية كتبت بواسطة الخمائل

اهلين كروشات
دخلت افكر احد رد ع مشاركتي ..ولكن للاسف ..
مدري ..حسيت مو مرغوب فيها

لا اتتحطين في خاطرج حبيبتي ..اكيد مرحب فيج بينا

بس تعرفين الحوامل كله داخين و مو ممركزين

مرحبا و اهلا و سهلا بج معنا في تجمع حوامل التوأم

[صفاء الروح]

المشاركة الأصلية كتبت بواسطة ساعة صمت

الله يخليهم لج ويحفظهم ياا رب
ياحلات التوم والله

مشكووووره حبيبتي ما اتقصرين

[REEMAS]

صباح الخير اخيرا ركبنا نت في البيت اله يسامح شركه الاتصالات الي عندنا
ام عائشه طمنينا عنج والله قمت احاتيج او خلي احد يدخل بدالج يطمنا
رفيقه دربي ام عبودي وسيفو وينج مختفيه اكيد من الثقل
الاسبوع الجاي بيكون اسبوع مزحوم لي يوم الاحد باخذ ابرة الرئه عند دكتورتي الخاصه ويوم الثلاثاء بيكون موعد عند دكتور الحكومي باخذ نتيجه تحليل السكر ويوم الاربعاء بيكون موعدي مع استشاريه الاجنه بتشوف قلب الاجنه وهاي الموعد اللي خايفه منه الله يعدي الاسبوع الجاي على خير

[أماني آل ظاهر]

أختي الخمائل هلا فيج
نورتي منتدانا
لو تلاحظين كل وحدة مننا تدخل بهمومها فما تركز
ساعات تحصلين وحدة تسأل وحدة والثانية ما ترد عليها بسبب زهايمر الحمل
يعني هذا وايد منه


ومبروك عليج التوام وتابعي الأخوات هنا