【ツ】أحلى تجمع لأحلى حوامل التوائم 【ツ】 ‏الجزء الثالث

[soty]

بنت مصريه ان شاءالله بسال الدكتور بموعدي الجاي
طيب بنات كيف نفسياتكم مع حمل التوام
واذا ولدتو كيف ناوين توصلون الخبر للناس
والله الواحد صار يخاف على نفسه

[ام منذر]

صبااااح الخييير كل الكروشات والامهات
كيفكم لي فتره مادخلت اشتقتلكم
الله يهون عليكم جميعاً ويرزقكم ولاده سهله ميسره
رفيقاتي ضوء السحر وسديم ورنين سباااااق هاه
ههههههه كنت معكم وسبقتكم يالله نشوف من اللي تعملها اول

اما عن اخباري فأروح ازور بناتي بالحضانه
بس امس مت من الرعبه قال الدكتور لازم تجي الام بسرعه نسوي تحليل دم
لانه دانه عندها الدم 6 وشوي اظن وبيحطولها دم
هل هذا الشي يضر الطفل
ياقلبي وحده من البنات هنا كانت بنتها ناقصه دم بس والله نسيت
منهي بس كيف كويس يعطوها دم مايضرها
الله يخليكم طمنوني

[REEMAS]

صباح الخير أخباركم حوامل أنِـَّ;;)ـْا إلحمدلله بخير بس مانمت أمس من حرقان. المعده اللي صار بس يجيني وقت النوم مع أني أحاول ما. أتعشى شيء ثقيل خبز وجبن واكل بعدها حبوب الحرقان وقبل النوم اشرب حليب بإرد بس مافي فائدة بس أحط رأسي عالمخذة يجيني وألا أني تذكرتك يأم منصور الله يعينا
وباركولي أخيرا جهزت أغراض لتونز طبعا البركه في أمي اللي اسحبتني بالغصب وخلصت أغراهم شريت ألوان تصلح لولد ولبنت بس أحس أمي وأيد بالغت بالعدد. لكل واحد وكنت فرحانه وانا اشتري بس تعرفون وسواسي أول ما وصلت البيت اشتغل وخفت لا سمح الله يصير لواحد فيهم شيء واقعد أبكي علئ أغراضه نفس حملي اللي فقدته من قبل وحسيت أني استعجلت وشريت يإرب لا تحرمني من شوفتهم بين أيديني واجي واشتكي لكم منهم
والحين يابنات صايدني ألم في ظهري اعتقد من مشي أمس بحاول أريح اليوم. وما أتحرك علشان ما يزيد واد ما خف بروح اشتري ?ي كريم للألم
باقي الكروشات أخباركم وكيف الحمل وتعبه معاكم

[الخمائل]

السلام عليكم
كيفكم ي أحلى حوامل
انا عضوه جديده ..حبيت اشارك معكم ..واستفيد من خبراتكم
اول شي ابي وحده تحسب لي موعد الولاده
دورتي 15-2-1433
سويت اشعه وقالت الاستشاريه انه كيس واحد لكن تؤام
بعد اسبوعين زياره للطبيبه ..لانها قالت كل3اسابيع زياره ..عديت اسبوع باقي الاسبوعين
طبعا تابعت مشاركاتكم ..الاغلبيه مثلي قلق من الجاي ..الله ييسر امورنا
عطتني مثبت دوفاستون3مرات باليوم مع حمض الفوليك مره وحده
والوحام شاد حيله معي واغلب وقتي منسدحه اتعب من الجلسه
عندي3اطفال اصغرهم عمره4سنوات

هذا كل اللي عندي الحين ..مافي بالي شي اكتبه ..الا الله يتمم ع كل حامل حملها ويسهل وضعها

[صفاء الروح]

المشاركة الأصلية كتبت بواسطة reemas

صباح الخير أخباركم حوامل أنِـَّ;;)ـْا إلحمدلله بخير بس مانمت أمس من حرقان. المعده اللي صار بس يجيني وقت النوم مع أني أحاول ما. أتعشى شيء ثقيل خبز وجبن واكل بعدها حبوب الحرقان وقبل النوم اشرب حليب بإرد بس مافي فائدة بس أحط رأسي عالمخذة يجيني وألا أني تذكرتك يأم منصور الله يعينا
وباركولي أخيرا جهزت أغراض لتونز طبعا البركه في أمي اللي اسحبتني بالغصب وخلصت أغراهم شريت ألوان تصلح لولد ولبنت بس أحس أمي وأيد بالغت بالعدد. لكل واحد وكنت فرحانه وانا اشتري بس تعرفون وسواسي أول ما وصلت البيت اشتغل وخفت لا سمح الله يصير لواحد فيهم شيء واقعد أبكي علئ أغراضه نفس حملي اللي فقدته من قبل وحسيت أني استعجلت وشريت يإرب لا تحرمني من شوفتهم بين أيديني واجي واشتكي لكم منهم
والحين يابنات صايدني ألم في ظهري اعتقد من مشي أمس بحاول أريح اليوم. وما أتحرك علشان ما يزيد واد ما خف بروح اشتري ?ي كريم للألم
باقي الكروشات أخباركم وكيف الحمل وتعبه معاكم

مرحبا حبيبتي ..

لا اتحاتين و لا اتوسوسين ...

الله اوصلهم ثنينهم لج بالسلامه ان شاء الله ...خلج اختي دائما متفائلة و ما بصير الا الخير

و تعب الظهر اكيييد من المشي و الثقل انا امس طلعت اشتري اشياء بسيطه و ما حسيت اني

طولت بس الم الظهر كان فظيع ... بس الحمد الله ريحت شوي و راح

[ضوء السحر]

هلا ام منذر

حبيبتي بنت عمتي نزلت بنتها بداية السابع و كانوا يروحون لها يومياً يعطونها دم

لان لازم دم طازج ما يعطونهم من بنك الدم

بالنسبة للولادة احس بقاووم شوي بس لمتى

الله اعلم ،،،


اختي المفروض بكرة ولادتها و للحين مافي بوادر شكلها مطوله

[اسماء ف]

حبيت اقولكم صباح الخير بس لاني ما لي رغبه اقعد ادام الجهاز من التعب والصداع الله يهون

[رضاك ربي]

الله يكون معكم حوامل وتهون ان شاء الله ربي يتمم لكم بالخير


ريماسوووووووووووووووووو مباركين ويلبسوهم بالهنا ويهرون (يستهلكون) ملابسهم بالعافية ولاتوسوسين نفسك اول ما اشتريت ماكنت مصدقة وربي ما حرمني من تمام فرحتي لاتنسي قراءة سورة يس سلامي لوالدتك ربي لايحرمك منها تمنيت والدتي ترافقني بالتجهيزات حمدلله ربي يسلم امهات المسلمين جميعا

ام منذر استودعيها لرب العالمين واكيد الاطباء مايسوون الا اللازم وترى وايد اطفال احتاجو دم

باقي الكروشات استانسوا والله تجربة الحمل رااااااااااااااااااااائعة بكل تعبها وسهرها والنتيجة اروع من التجربة تذكروا ان طفلين بيربوا امام عيونكم ويترقبون حركاتكم بعيونهم سبحان الله

[صفاء الروح]

هلا حبوبات بقول لكم قصتي و الي صار لي امس

انتوا مثل خواتي و لازم افضفض ليكم ...

رحت انا و زوجي بسوي التراساوند 3 دي عشان اطئمن على التوأم

في البداية قالت الدكتوره انهم بخير و الحمد الله كلشي تمام

بعدها قالت ليي انتي متاكده بس توأمين ؟!! انا اشوف اكثر

طبعا خفت و ما اعرفت شقول اتقول احتمال ثلاثه او اثنين ؟ و بعدها اتقول

انا اشوف اشياء كثيره ... طبعا انا ما اتمالكت نفسي بدات اصييح من الخوف

و هي اتقول لالالالا بس توأمين اولاد و هم بخير و مو مشكله لو وصل الثالث معاهم

و تالي اتقول لا ما اعرف ؟؟؟؟ ما ادري من الي لازم يعرف ؟ بصراحه خوفتني الدكتوره

و طلعت من عندها اصيح من الخوف ... زرت قبلها اربع دكاتره و كلهم خبروني اني حامل

بولدين , رجعت البيت و نفسيتي كلش تعبانه و ما قدرت اكل شي من التفكير و زوجي بعد كان

احاتي ... قررت اخر شي ازور دكتورتي في الخاص و الي اراجع عندها ... طبعا سوت لي

الترواساوند و طمنتني اني التوأم الحمد الله بخير و ما فيهم الا العافيه و كلشي تمام

و عطتني موعد لحفص السكر ... و طلعت من عندها مرتاحه .

كل الي قالته انهم كبروا و صاروا يلعبون مع بعض و اياديهم و رجايلهم اتكون قريبه من بعض

فصير خربطه بينهم .. بس و لله الحمد كلشي تمام

شفتوا شلون سوت فيني دكتوره الاشعه ؟! و غير هذا اخدت مبلغ كبير

طبعا عشان اغير جو رحت شريت لتوأمي اشياء عشان انسى الكلام الي خوفني بحط لكم

[um ranim]

بنات الله يخليكم جاوبوني بسرررررررررعة ابرة الرئة وين تنضرب باي مكان باليد او فين بالضبط؟ الدكتورة طلبت مني اسويها وانا ماسالتها وين؟الله يسعدكم جاوبوووووووني