تجمع الحوامل اللاتي سيلدن بشهر ربيع الاول 1432 ‏

كآبتشينو · 01-17-2011, 03:47 AM

اهلين فقيره اخبارك ؟

واخبار البيبي ؟

غزاله شقرا · 01-17-2011, 03:58 AM

كابتشينو ولدك البكر ولدتيه في نفس موعد الولاده المتوقع ولاقبل او بعد الموعد؟

فقيرة وأرجيه · 01-17-2011, 04:01 AM

الحمد لله بخير يسلمكم ربي ..
لكن الليلة جاني شي غريب أول مرة يصير معي مع ان هذا الحمل الثالث لي ..
بالبداية وانا منسدحة جاني نبض قوي في الجزء الأسفل من الرحم خرعني .. والله يابنات ان رحمي ينفض من قو النبض قعد تقريبا ورحمي ينبض لمدة 4 أو 5 دقايق .. وحركة الجنين خفّت وبعدها كأن الجنين طلع راسه فوق مع انه كان تحت ... وصار الجزء الأسفل فراغ .. وقتها تأكدت انه صار راسه فوق ... وبعدها اختفت حركة الجنين ...
استغفر الله واعوذ بالله من الشيطان ووساوسة ..قلت بس ..أكيد مات .. ...
مسكت الرحم وقلت اللهم يامن لاتضيع ودائعة استودعك نفسي وجنيني .. والله من خلصت من الكلمة وقف النبض على طول ..لكن مافيه اي اثر لحركة الجنين ..قمت اكمل شغلي واستغفر وانا بالي مشغوووووول ...
قعدت ساعة وانا اشتغل والحمد لله الذي بنعمته تتم الصالحات رجعت حركة الجنين ...
الله لايضيع لنا تعب لا دنيا ولا آخرة ... يارب

غزاله شقرا · 01-17-2011, 04:05 AM

لا توسوسين يا فقيره ان شاء الله مافي غير الخير
ـ بس على شان ترتاحين راجعي اقرب موعد بالمستشفى على شان تتطمنين على البيبي

فقيرة وأرجيه · 01-17-2011, 04:10 AM

لا والله خلاص دام رجعت حركة الجنين تطمنت الحمد لله ..
والمستشفى خلاص ماأبغى أروح له الا وقت الولادة ان شاء لله .. اهم شي مادام الحركة موجودة خلاص أنا مرتاحة ..تسلمين لي والله ياغزالة ..

غزاله شقرا · 01-17-2011, 04:14 AM

بس غريبه ما دامك بالتاسع يا فقيره المفروض مراجعتك كل اسبوع ليه ماتبين تراجعين؟

كآبتشينو · 01-17-2011, 04:15 AM

غزآاله
بولدي البكر ولدته بثآني اسبوع من التاسع .. ولدته بدري ومآكنت متوقعه اولد بهالاسبوع ..

فقيره .. ياربي خوفتيني عليييك .. ان شاءء الله مآلك شر .. انتبهي لنفسك ولآتجهدين نفسك

غزاله شقرا · 01-17-2011, 04:19 AM

انا بنتي نفس الشيئ بثاني اسبوع من التاسع

فقيرة وأرجيه · 01-17-2011, 04:27 AM

تسلمون والله كلكم ..
غزاله .. يعني شبيسوون فيني ... بس بيحطون لي الجهاز اللي يقيس حركة الجنين بس .. فماله داعي اروح ...
..
الا بسألكم بنات تحسون بالجنين إذا نزل راسه تحت ؟؟
أنا في بكري ماحسيت بشي ..
في حملي الثاني كنت اتغدا والا شي ياربي ثقيل ويتحرك يروح لجهة الجنب يم الظهر وبعدها ينزل تحت بحركة ثقيلة .. قمت وقفت على ركبي قال زوجي شفيك قلت مدري .. ولما رحت المستشفى قالوا هذا الجنين ينزل راسه تحت ... سبحان الله إحساس غيـــــــــــــر ..
وفي حملي هذا شكله قلب وانا نايمة لأني متأكدة كان تحت .. وأنا كنت أنام على ظهري عشان كذا ماحسيت فيه .. ولما قمت حسيت انه نزل لأن ماعاد فيه ضغط على المعدة وفراغ فوق وتحت ثقل .. رحت الطبيبة قلت لها تصدقين نزل الجنين قالت والله .. أما نشوف .. قالت فعلا نزل ..
...
وانتم بنات ؟؟

كآبتشينو · 01-17-2011, 04:28 AM

ان شاء الله يارب مآتطولين بالتاسع هالمره مثلي ..

الله يقومنـآ بالسلآمه يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هنا تجمع حوامل الشهر (الاول والثاني والثالث)	سماسم	إستفسارات حوامل ثلاثة شهور الأولى	11468	01-01-2012 04:08 AM
تجمع الحوامل	نعومه	إستفسارات حوامل من الشهر السابع إلى الشهر التاسع	312	12-16-2011 10:23 PM
حامل بشهر الاول...؟	mlaak al.lil	إستفسارات حوامل من الشهر السابع إلى الشهر التاسع	20	05-14-2011 11:09 PM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM