دردشة بنات ليبيا , دردشة حوامل ليبيا , تجمع بنات ليبيا

[يقين]

مشالله تبارك الله لاقوه الا بالله
ربي يباركلك ويثبت حملك
بس لازم تاكلي عاد مش كويس هكي

[ام روفيدة]

الدكتورة قالت لي خليك فجيتيريان الشهور الاولى من الحمل يعني خضرة وفاكهة ومعاهم حبوب الفيتامينات الخاصات بالحمل وبعدين نبدا اندخل في الاكل بشوية بشوية لأن ليا فترة 3 شهور ما ناكلش إلا في حاجات محدودة أو بالاحرى ما ناكلش فقالت لي ما نقدرش نبدا ناكل في كل شيء على طول لأن الجسم رح ينفلت واحتمال ايجيني سكر الحمل ويزداد الوزن بشكل مش طبيعي والمعدة أصلا ما تتحملش جميع انواع الاكل لأنها خاوية ليها 3 شهو ر فضروري نرجع ناكل بالتدريج وبالنسبة للرياضة والهرولة على السير قالت لي خليه مشي مش هرولة وما ايضرش 3 ساعات مشيء ما ايديروش شي بالعكس قالت لي لازم منها الرياضة في فترة الحمل وهما اهني ايديروا حتى في دروس سباحة للحوامل من الشهور الاولى إلى نهاية الحمل لكن اني ما نمشيش لأنهم لادين ولا ملة وما يستروش في رواحهم برى في الشارع كيف في احواض السباحة ؟

المهم توا برنامجي كالاتي :
أول ما انوض الصبح نفطر على اربع كاسات ماء كالعادة

بعدين ناخد طاسة زبادي مخلوط بعسل

وللغداء خضرة مبوخة البطاطا ممنوعة طبعا ونخلط معاهم زوز مثلثات جبنة قليلة الدسم

وللعشاء تفاحة وبرتقالة وهو هدا

والمشي 3 ساعات على السير

[يقين]

ربي يكون في عونك ويحفضلك جنينك ويحفضك
باهي قوليلي ماتجوعيش

[يقين]

ام روفيده
ني بنهبللللل من فاطمه الجراي قعدت تقلب فيه ويطيح بيها وماعاش ينفع بيها بكل
قبل كان مساعدني والحضانه معاش نرفع فيها في امراض وهم كاثر هالايام هوا الحضانه ممنوع ادخليلها اي طفل مريض ولكن ني قولت تقعمز في الحوش احسن
وتوا متعبتني عالاخر بنهبل وخلاص

[ام روفيدة]

لا والله الايام الاولى من الرجيم بس تعبتني الدوخة والرعشة شوية امتاع العشرة الايام الاولى بعدين عادي بدي جسمي ياخد على حرق السعرات الحرارية بدون أكل وبالهرولة على السير كنت نحرق في الف وثمانين سعرة حرارية يوميا لكن توا لما غيرتهم 3 ساعات مشي بديت نحرق في 924 سعرة حرارية والجوع نسيته نهائي كلمة جيعانة ما عاش انفكر فيها بكل خخخخخخخخخخخخخ ربي يعيني ويعين كل من تبي اتنقص وزنها الزائد ااامين

[ام روفيدة]

المشاركة الأصلية كتبت بواسطة يقين

ام روفيده
ني بنهبللللل من فاطمه الجراي قعدت تقلب فيه ويطيح بيها وماعاش ينفع بيها بكل
قبل كان مساعدني والحضانه معاش نرفع فيها في امراض وهم كاثر هالايام هوا الحضانه ممنوع ادخليلها اي طفل مريض ولكن ني قولت تقعمز في الحوش احسن
وتوا متعبتني عالاخر بنهبل وخلاص

يا حبيبة اشكيلي ونبكيلك حتى اني حزومي بيهبلني حالة امداير فيا مشااااغب بمعنى الكلمة وما يسمعش في الكلام ربي يهديه وليدي ويهدي بنيتك ويمشوا في طوعنا اللهم اامين

يا حبيبة ما فيش غير الصبر والدعاء بس الصغار اتجيهم فترات ايكونوا صاعبين وفترات على ما أحلاهم

يمكن حتى من القعاد في الشقة وما اتشوفش في هلبة ناس أكثر شيء إنتي وبوها حتى الشيء هدا يأثر في سلوك العيل راهو

[يقين]

وهاداعقاب الكعك خخخخخخخخ

[ام روفيدة]

المشاركة الأصلية كتبت بواسطة يقين

وهاداعقاب الكعك خخخخخخخخ

تسلم دياتك يا يقونة كعك ايسفه جوعتيييني وحسني بنعطي الضوء الاخضر للحلو وما صارش من الرجيم خخخخخخخخخخ (( والله لو يعطوني مليون ما ناكل ونقطع مشواري يلي مشيت النص فيه وما بقي إلا القليل ههههههههه ))

[يقين]

لالا ربي يكمل عليك ريجيمك ورشاقتك وشن اديري بالوزن الزاي غير عذاب
وحتي قعدت ننسل مانيش عارفه شالسبب

[ام روفيدة]

وين باقي العويلة أني خشيت انهدرز وكلهم هربوا عليك حالة وخلاص حتى يقونة غطست

تعالوا باركولي انا حااامل وربي يرزق كل متمنية ونخص بالدكر أخواتي الغاليات أم ورد وأم وسونة وميمونة ياااربي فرحهم كيف ما فرحتني ياارب اللهم ااامين