تجمع حوامل ليبيا

[عيون زوجي]

[أم أجنادين 80]

كيف حالكم اليوم
انا زعلت ولاوحده علقت علي صور الحنه واعطتني رايها شن اندير ماعدا ام وسن

ونزلتكم موضوع مكياج لمن طلب تتعلمه هدا الرابط

http://forum.hwaml.com/t82210.html

شكرا عيون علي الرد حبيبه

[عيون زوجي]

ام وسن غالي الايجار ممكن المانيا ارخص من تونس العاصمه احنا كنا في شقه ايجارها 70يورو في اليوم لانها حلوة ونظيفة وفي ناس ساكنين في اماكن ب 20 و30 يورو يوميا
ال 70 وقتها حوالي 120 او 125 ليبي
ربي يعاونها زوزك لانه كل الفليسات يلي دسهم في الوسع وعقاب التعويض متاع شقتكم الاولى كملتهم مريته بسلامتها واصحيحه على قليبها مشاوير ومطاعم ومولات ورقيله سخفني ابو وسن

[تمر حنة]

السلام عليكم ورحمة الله وبركاته
كيف اخباركم
اول حاجة نبي نتقدم بأحر التهاني واطيب الاماني لحبيبتنا الغالية يقيــــــــــــــن بمناسبة قدوم سلفها الثاني والف الف مبروك وعقبال مايزوروك عزوزتك فطومة وشيبانيك يااااااااااارب هههههههههه باش نشوفوا قريناتك كيف يطلعوا ههههههههههه ياشماتتي فيك يايقين

[تمر حنة]

كيف حال الغالية ام وســـــــــونة وصحة الصبغة اسمعي نوضي بخري زوزك راهو عيــــون معيانة وانا حذرتكم منها مرارا وتكرارا

عيــــــــــون كيف حالك وحال صغيويرتك وشن صار معاك لقيتي لبسة حلوة للسفر والا مازال ماشريتيش

[تمر حنة]

ام اجناديــــــــــــن انت كلك ذوق ماشاء الله عليك مش محتاجة مشورتنا بصراحة يسلم ذوقك انت وام وســــــــونة اشطر من بعض

[عيون زوجي]

ام اجنادين تصدقي والا لا اني ما انحبش الحنه
متزوجه ليا 4 سنوات الا شوي
حنيت في عرسي واسبوعي ومنها لحد شهر 6 يلي فات حنيت حنه ليبيه بالمزود يعني بالنقش السوداني الحق حلوة فيه مراه تشاديه تجيك للحوش بالتليفون ممكن اسمها اشجان واليد او الرجل ب 10 دينار
يعني 3 مرات فقط فقط
حتى بنتي تعيط تبي حنه وانا ما نعرفش حتى كيف نعجنها مش ننقشها ولا نلصق لصقتها

[تمر حنة]

ام ناريـــــــــــز ياغالية ربي يطمنكم على شيبانيك ومادام حاله باهي الحمد لله سيوره يطلع علاش بيشدوه مافيش داعي انتم ماتنكدوهاش هلبة فيه عايلات فاقدة ثلاثة واربعة شباب زي الورد في الاحداث الفاتت وربي مصبرهم لذلك احمدوا ربي انه صحيح وحاله باهي واصبروا وادعوا ربي يعجل بالفرج
لكن اسمعي آخر سفرة نزلتيها عجبتني بصراحة مع اني ماعرفتهاش الاكلة لكن البصل الاخضر زايد فيها النص

[عيون زوجي]

شرفتنا ام 7 لسانات ويارب نشوفوا قرونك لما صاحبتك المصرية تزورك وتنور حويشك في ماليزيا وتلحقك في صبراته
اسمعي يا ام ال7...تعرفي وحدة اسمها بهيجه تسكن في شعبيه صبراته تقريبا جهة شارع المزينات ومتزوجه من واحد اسمه محمود من الزاويه بنيه قنينه بيضاء واسمينه لكن الحق ماشاءالله اعليها
كانت تبي تحضر الماستر في جامعه الفاتح وممكن ما صارش منه

[تمر حنة]

نحـــــــــــــــــــــــــــن هنــــــــــــــــــــــــــــــــاااااااااااااااا اااااااااا