تجمع حوامل ليبيا

[عيون زوجي]

ام اجنادين تصدقي والا لا اني ما انحبش الحنه
متزوجه ليا 4 سنوات الا شوي
حنيت في عرسي واسبوعي ومنها لحد شهر 6 يلي فات حنيت حنه ليبيه بالمزود يعني بالنقش السوداني الحق حلوة فيه مراه تشاديه تجيك للحوش بالتليفون ممكن اسمها اشجان واليد او الرجل ب 10 دينار
يعني 3 مرات فقط فقط
حتى بنتي تعيط تبي حنه وانا ما نعرفش حتى كيف نعجنها مش ننقشها ولا نلصق لصقتها

[تمر حنة]

ام ناريـــــــــــز ياغالية ربي يطمنكم على شيبانيك ومادام حاله باهي الحمد لله سيوره يطلع علاش بيشدوه مافيش داعي انتم ماتنكدوهاش هلبة فيه عايلات فاقدة ثلاثة واربعة شباب زي الورد في الاحداث الفاتت وربي مصبرهم لذلك احمدوا ربي انه صحيح وحاله باهي واصبروا وادعوا ربي يعجل بالفرج
لكن اسمعي آخر سفرة نزلتيها عجبتني بصراحة مع اني ماعرفتهاش الاكلة لكن البصل الاخضر زايد فيها النص

[عيون زوجي]

شرفتنا ام 7 لسانات ويارب نشوفوا قرونك لما صاحبتك المصرية تزورك وتنور حويشك في ماليزيا وتلحقك في صبراته
اسمعي يا ام ال7...تعرفي وحدة اسمها بهيجه تسكن في شعبيه صبراته تقريبا جهة شارع المزينات ومتزوجه من واحد اسمه محمود من الزاويه بنيه قنينه بيضاء واسمينه لكن الحق ماشاءالله اعليها
كانت تبي تحضر الماستر في جامعه الفاتح وممكن ما صارش منه

[تمر حنة]

نحـــــــــــــــــــــــــــن هنــــــــــــــــــــــــــــــــاااااااااااااااا اااااااااا

[عيون زوجي]

ام ناريز....يلي كاتبه ربي بيصير ويلي مش مداير شي اكيد رح يطلع والكل وعدوكم برجعته مسئله وقت بس وربي يهنيكم ويفرجها اعليكم

[ام وسونة]

اهلين زيتونتي نورتي المنتدي والله زايده معاك

اهلين ام اجنادين كيفك وامتي بتحني

وخيه عيون اني راجلي قانونه اصرف مافي الجيب ياتيك مافي الغيب

ههههههه وبعدين هو يدس في الفلوس علاش مش ليا اني هههههه

وبالنسبة للايجار هما مغليين الايجار لان عارفين الليبيين في حاجتهم

ومايسكنوش الافي المكان النضيف والراقي تعرفي الشارع اللي

اني فيه كله ليبيين لدرجه التونسيين اللي يجوا من خارج العاصمة

مايلقوش وين ياجروا ههههههه خوتك الليبيين مسيطرين عالوضع

[عيون زوجي]

هالووووووووووووووووو....وينك
تمورة....مانسمعش فيك...الو......مافيش تغطيه
الووووووووووووووووووووووو

[تمر حنة]

لا ياعيـــــــــــون مانعرفش وحدة اسمها بهيجة
اسكتي المصرية من هذاك اليوم راجلي حلف عليا معاد تدخلي حوش وقاللي كان كلماتك مرة اخرى وقالت تبي تجي قوليلها تعبانة وإلا اي سبلة وهي غير زايداتك هم وحرقان دم هههههه فرحت وقلتله سمعا وطاعة من عيني اليمين قبل اليسار وانا متحملتها لان زوجها صاحبك بس مشي قاللي لالا كان حرج ان شاء الله يطربق نتفاهموا انا وياه
لكن انا خوافة ونتحشم كل مرة انقرر نبي انقوللها تعبانة ولما تتصل نلقى روحي نعزم فيها هههههههه راني خوافة مش فالحة إلا فيكم انتم لساني زي السراق وفي حوشي نعيجة

[ميمونة]

السلام عليكم


كيف حالكم عيــــــــــــون شن الجو شورك ماقريتش تعليقي عالمزينه ارجعي للخلف بليز

يقين شن حالك ربي يصبرك وخلاص

هلا بتموره شن هالوك الحلو

ام وسونه --شن حالك وحال راجلك وبنيتك وصحه الميش

[ام وسونة]

اهلين ميمونة تسلمي يارب