دردشة حوامل مصر - دردشة بنات مصر - تجمع حوامل مصر

dr.princess · 12-16-2010, 02:42 AM

الحاجات دى ب 350 كتيييييييييير اوى
فعلا معقم الببرونات ده غالى انا شفته هنا ب 300 او 400 ريال بس ابقى خلى بالك لان اختى ياااما حرقت ببرونات وبوظت حلل تنساهم على النار ونلاقى دخات وروايح ولا الحريقة ربنا يستر

somia · 12-16-2010, 02:43 AM

فعلا والله يا لولو من يومين كنت عند الدكتورة ففيه محل هدوم مناسبات اطفال فقلت ادخل اشوفه عشان صحبتي محتارة في خطوبة اخت وجها مش عارفة تلبس بنتها ايه والله يا بنتي الفستان شكله وحش قوييييييي تحس انه من ايام اجدادنا وبكام بحوالي 150 جنيه وهوه يمكن ميكملش مثر قماش

dr.princess · 12-16-2010, 02:45 AM

سمية لو كنتى فى المنصورة كنت قلتلك على المحلات اللى اختى بتجيب منها
انا برده لسه مش عارفه هجيب منين قدامى محلين كده غالبا هجيب منهم

gogo · 12-16-2010, 02:45 AM

بس علفكره مصر اسعارها ارحم من بره كتير

somia · 12-16-2010, 02:46 AM

أه والله يا لولو وكان معاهم علبتين مثبت واستحلاب والحديد ...
والله يا بنتي ربنا يستر لان الاسعار فعلا حرام اجيبها تاني

dr.princess · 12-16-2010, 02:47 AM

ايوه انا عارفة الاسعار دى يا سمية اصل مرات عمى رايقة اوى مش بتجيب لبناتها غير الفستان مش اقل من 200 و 250 جنية وده العادى مش مناسبات ولا حاجة
اختى كمان كانت لسه بتشتكيلى من اسعار الهدوم الشتوى بتاعة الاطفال بتقولى ناااار

somia · 12-16-2010, 02:48 AM

أرحم ايه يا بنتي دا حتى المستشفيات اسعار الولادة فيها زادت انا مش عارفة الواحد يعمي ايه فعلا ربنا يعين ازواجنا على الاسعار دي

dr.princess · 12-16-2010, 02:49 AM

والله يا جوجو انا لسه منزلتش اشوف حاجات البيبى فلسه معرفش الاسعار هنا عاملة ازاى ربنا يستر

somia · 12-16-2010, 02:50 AM

لا يا لولو ده يبقى حرام فعلا ...فستان عادي كمان انا عندي قرايب ليا بيعملوا كده بس انا فعلا بستحرمها بس المشكلة ان الاسعار فعلا ولعت قوي ربنا يسترها مع الواحد

gogo · 12-16-2010, 02:53 AM

والله يابنتى الطب ف مصر ارخص كتير من بره انا كنت بروح لدكتوره هنا كشفها بالمصرى 400 جنيه ولما عملت عمليه بعد الاجهاض دفعنا فيها6000 جنيه
مصر دى نعمه انا عرفت كده لما رحت بره