دردشة بنات فلسطين, دردشة حوامل فلسطين, تجمع بنات فلسطين

[عسولة فلسطين]

مساء الخير
الله يسعدكم يا بنات ويبارك فيكم يارب ويقيمنا سالمين احنا وبيبيهاتنا
هههههههه والله يا عيون المها هاتيلك اسماء حلوة شبه بعض
حاسة والا اسم عاجبني
لا انا كل وحدة منهم بكيس ومشيمة يعني ما بيطلعوا شبه بعض

[احساس أنثى]

مسا الورد للجميع

كيفك عسوله وين هالغيبه عسا المانع خير؟

بدك اسماء شبه بعض؟؟ يعني يارا ولارا

مي ومها

[جارة القمر]

عسولة ما شالله البنوتات حلوين

من الاسماء لانا ودانا يلا على السلامة

[عيـ‘ـون المهـ‘ـا]

ام يــــــــــــامن
..*..*..*..

سلامتك منيح لاقيتي حل للحموضه
نورتــي الصفحه عن جديد
طمنيني كيفو الامور يامن ,, بلش التقل عندك وألا بعد

عســولة فلسطـــين
..*..*..*..

ايه منيح الى كل وحده في مشيمه و كيس منفصل
احيانا اللي في كيس و مشيمه وحده بيتغذى جنين
على حساب الجنين التاني ,, لهيك كتير اللي في مشيمه وحده
احيانا بيكون عندهم فرق في الوزن لانو كمية الدم مش متساويه

المهم بالنسبه للاسامي البنوتات فيه كتير متل
ليـــان , بيــــان
تــــالا , ديـــالا
رنيــــم , ســـديم
ريمــــا , ديمــــا
سمــــا , سنــــا
روان , رزان
رغـــد , شهـــد
لمــــار , ميــــــار

نئي ياللي بدك اياه هههههه ,,, و اكيد في كتير بس هاد ياللي خطر على بالي

و للجميع لكم مني كل التحيه

[حواء مثالية]

صباااااااااااااااااااااااااااااااحوا بنات

[بينك روز]

صباح الخير يا بنات
الحقوني وزني زايد 8 كيلو بشهر
والدكتور حكالي لازم اعمل حميه
يالله ليه هيك بسير معي
حاسه حالي محطمه

[احساس أنثى]

صباح الفل ياحواااااااااااااااء

اليوم عاملين بيتزا يلي عبالو مايحرم حالو تفضلوا معنا

[حواء مثالية]

هلا واغلا نورتي

لي هيكصاير معك ما حكالك الدكتور انا بعرف الطبيعي تزيد الوحدة كيلو واحد بالشهر

شوفي انا عكسك تماما يعني من الشهر الاول للسادس مازدت بالعكس لاني للهلوقت كان بعدو الوحم نعي وهو لهسه بس اخف من اول انا بنص السادس وهيني خلصت الساابع زدت كيلو ونص يعني بتقدري تحكلي انه وزني ضل طبيعي لدرجة انه الحمل يادوب باين ولما اكون لابسه جلبااب او عباية ما ببان بلمره

بس الحمدلله وزن بنتي ووضعها ممتاز

الي بدي احكيلك اياه انه دكتوري حكالي طبيعي هالشي ومن ست للتانية بختلف الوضع انتي اعملي مثلي كلي كل الشخلات اللي بتفيد الجنين هيك هو الي بيستفيد اكثر

[حواء مثالية]

انسيت احكيلك شغلة بينك روز انتبهي ليكون الميوان عند دكتورك خربان ههههههههههههه توزني بصيدلية احتياط كثير بتحصل لانه 8 كيلوا رقم مبالغ في جدا

احساس صباح كلشي حلو بالدنيا يسلموا على البتزاااااااااااااااا شو اخبارك والحمل

[بينك روز]

يييييييييييي يا احساس
بنقول بدنا نعمل حميه جايبه بيتزا
يلا صحه وهنا
يسلمو حواء على كلامك ريحني شوي
بس بجد 8 كيلو مصيبة صح ولا لأ
وعملت كل التحاليل الي حكالي عنها وطلع كل شي تمام
مافي لا ضغط ولا سكر ولا زلال ولا اي شي
بس لازم اخفف من الخبز والرز والمعكرونه والمقالي والشوكولاته والشيبس
والاكل اكله بالملعقة ما اكل معه خبز خالص
يالله تعبت بجد
على فكره الي بشوف انه وزني 8 كيلو مابسدق بحكولي لا شكلك طبيعي وجسمك متناسق مو ظاهر عليكي سمنه