دردشة حوامل اهل فلسطين الغاليات ^_^

[سما الدنيا]

كيفكم صبايا انشاء الله اتكونو بخير وصحة وعافيه...هلا جارة القمر كيفك والله يتمملك على خير حملك ولكل الصبايا ...انشاء الله رح حاول بعد هالساوس عني ..مبارح كنت بيت حماي ..وما شاء الله وانا قاعده عندهم كان يتحرك بشكل مو طبيعي ولما روحنا خليت زوجي يشتريلي علبة شوكلاته كامله لحتا كل ما بدي اشوفه يتحرك اكلي تلات حبات او اكتر...الله يعينا عباقي الاشهر يا رب ويعين الجميع.........

[جارة القمر]

مسااااااااااااااااااا الخير يا ستات

دمعة مش عارف شو بدي اقلك
ربي ما يحرمك انت وزوجك من الاولاد يارب

وان شالله يطلع التحليل خطأ


وين ام العروس حوااااااااااااااااء
ا
والله ضحكتيني من حماتك انه بيتها بفركش الخطاب
يلا ان شالله هاد العريس يكون من نصيبها

وان شالله يساعدوك يارب بالترتيب والجلي لانه شي بيكسر الضهر وخاصة بعد يوم من الشغل
ازا ما ساعدوك قوليلي بيكون عندك خلال ربع ساعه وبساعدك .........

صحيح شو ضيفتيهم؟؟؟

------------------------
اليوم روحت على البيت الساعة 3:15 وبلشت اعمل بطاطا محشية بلحمه -مخشي_
حسيت حالي بعدها مش قادرة اوقف
وما قدرت اكل منه ..........الا لرتحت اكلت وبعدها تنشطت وعملت كريم كرمل ياريتكم
جنبي لناكل سوا يا احلى خوات


سما الدنيا انت خلصت الاعراس اللي عندك اخوك وبنت حماك؟
وشو صار بالنسبة للشغل اللي طلعلك؟؟

وصدقيني انك لتولد على خير ان شالله رح تصيري تقولي ابني ببطني ائمن من وهو برا
لانه وهو ببطنك بتاخدي وين ما بدك ما بتطري تحطي عند حد
وبياكل وبيشرب ببطنك من دون ما تخافي عليه لكن لينولد بتصير تحسي انه مش مكتفي من الحليب وانه ما بزيد وزنه وانه تشردق وغير نكدهم وهن صغار
ههههههههههههههههههه رح اعقدك ..............صدقيني هادا اللي حسيته لما اولدت ابني

[تهاني القمر]

جارة القمر انا تمام الحمدلله ومشتاقلكم كلكم
صبايا
اانا رحت عند دكتورتي وقالتلي وضعك تمام كتير
بس انتظري ايام التبويض وخلص
بس انا بايام التبويض بتنزل علي افرازات غامقققققققة
سما الدنيا الله يطمنك ع جنينك
وع حواء ربنا يتمملك ع خير
غموض انثى ربنا معك
جارة القمر الله يعينك
عسولة فلسططين احلا شي طبخاتك ههههههه
دمعة ربنا يرزقك الحمل الطيب احيانا الاجهزة هاي مابتكشف الحمل منيح
الا بعد 4اسابيع

صبايا بدي احسن صيدلية بغزة ويستحسن يكون فيها دكتور قولولي لانو بالشمال بعيد عنكم مابفهمو حاجة

[Dr.Reem]

السلام عليكم كيفكوا يا احلى صباااايا وكيف الحوامل كروشاتن وحشتوني انا اول وحده تفتتح التجمع اليوم يلاااا جمعه مباركة ان شاء الله صبايا ماتنسوا قراءة سورة الكهف
يااااااييييي اليوم الجووو كتيررر حلوو ماشاء الله مشمس مع برودة بدة تمشااايه اتغدينااا اليوم سمك مشووي بالفرن مع سلطة خضراء وعصير برتقال ورز بالشعريه وحلينا بفواكهه وريحنا بعدها شويه وهلاا حانطلع نفرفش شووويتين بالحديقة ونتمشى قبل مايشرررف يوسف حبيب ألبي ويشغلناااا هههههه

[احساس أنثى]

ربنا يكتبلنا يلي فيه الخير انا وانتو والجميع بكل شي ببالكم

ويسعد مسااااااااااااكم انا اليوم كنت بالصباحية وبكرة اشهار لبنت عمتو لجوزي

ماشاء الله الأفراح مو مبطلة هههههههه

ربي يوفق اللجميع يارب ويسعد كل الصبايا

عقبال عند اخت جوزك ياحوااااااااااااااااااااء

ماسمعنا اخبار عنك ؟؟ وين غايبة

[حواء مثالية]

الله يجعله ياريته صباح الخير يارب

كيفكم بناااااااااااااااااااااااااااااات والله الكم وحشة هات ارد عليكم اول بعدين بفش قلبي فيكم هههههههههههههههههه

جارة القمر
حواء:والله اشتقتلك كيفك وكيف البوبو الجميل هههههههههههه هاد انت زيي بشتهي الحامض والمالح وببعد عن الحلويات
وما تسالي عن وجع الراس بحس مرات انه في متل الضربات او النبض فيه بس قالي الطبيب اني اشرب سوائل وخاصة مي
والنوم عليم بالله اني وانا مروحه من الشغل عيني بفتح فيهم بالغصب وانا اسوق
الله يسترني ...............

الله يسعدك وانا كمان كثير كثير مشتاقة الحمدلله وضعي كويس معدتي مغلبيتني شوي بس اذا شربت عصير ليمون بكون الوضع اهون وجع راسي خف شوي الحمدلله وهلا صرت انظم وقت نومي لانه ما بنفع اتم طول الوقت نايمه


وين ام العروس حوااااااااااااااااء

هيني اجيت هههههههههه والله شعور حلو
ا
والله ضحكتيني من حماتك انه بيتها بفركش الخطاب ..... شايفه الله يسامحها
يلا ان شالله هاد العريس يكون من نصيبها ........ ان شاء الله شكله كويس هالاكم يوم ببان معزومين صبايا اذا مشي الحال

وان شالله يساعدوك يارب بالترتيب والجلي لانه شي بيكسر الضهر وخاصة بعد يوم من الشغل

مبدأيا ما حد ساعدني انا ضيفت كل شي بتعرفي بهيك مناسبات ما بطولوا الناس وعشان احط الضيافة كاملة كنت اضيف واجلت الجلي لبعد ما يروحوا حكن بنات حماتي هن راح يجلن بس اطلعنا على الساعة كانت 12 وانا كنت طافيه قلتلهم خلص انا بجلي الصبح قالن راح يجن بكرا يساعدني وحكن ما تلمسي ولا شي وكان تاني يوم عطلتي الي هو الجمعة جمعة مباركة عليكن بنات والله هلكت ما صدقت وانا انام

ازا ما ساعدوك قوليلي بيكون عندك خلال ربع ساعه وبساعدك .........

لا اجت العروس تاني يوم جلت معي وانا بيتي مفرش ما بده شي مسحت غبرة وكلشي تمام

صحيح شو ضيفتيهم؟؟؟

والله كلشي بخطر على بالك بالبداية وصلوا بردانين عملت شاي وحطيت بسكوت بعدها عملت قهوة وحطيت قطع شوكلاته بعدها فواكه وبعدها كولا ومكسرات وبعدها عصير

سما الدنيا
كيفكم صبايا انشاء الله اتكونو بخير وصحة وعافيه...هلا جارة القمر كيفك والله يتمملك على خير حملك ولكل الصبايا ...انشاء الله رح حاول بعد هالساوس عني ..مبارح كنت بيت حماي ..وما شاء الله وانا قاعده عندهم كان يتحرك بشكل مو طبيعي ولما روحنا خليت زوجي يشتريلي علبة شوكلاته كامله لحتا كل ما بدي اشوفه يتحرك اكلي تلات حبات او اكتر...الله يعينا عباقي الاشهر يا رب ويعين الجميع.........

منورة ياقمر انا حكيتلك من هداك اليوم طبيعي كلشي عندك هيك عرفتي لي ابنك ما بتحسي في مرات بده يطلع مشوووووووووووووووووار ههههههههههههههههههه من هسه بتطلب ههههههههههههههههههه

دمعة ياقلبي ان شاء الله ربنا بعطيكي يارب انتي طولي بالك ما تستعجلي وخلي املك بربنا كبير

تهاتي وعسولة د. ريم غموض الله يسعد طلاتكم ما احلاها

كل الصبايا هلا كيفكم انا اليوم على مقعد العمل والله نفسي اترك بس شو اعمل انا مخي ابصر كيف اذا ما اجاني شغل بحكي زهقان وبدي اشتغل واذا اشتغلت بمل بسرعة يمكن لانه مش مجالي ولا بتخصصي عشان هيك الله يرزق الجميع يارب وان شاء الله تجيني فرصة منيحة قريب

[احساس أنثى]

والله صابرة وراضية ياحواء

الحمد لله على كل شي

ويسعد صباحك ... ياعسل









تهاني شو الدكتورة يلي رحتي عليها ؟

[حواء مثالية]

بعين الله يا دمعة شو شرفت ولا لسه

الله يسعد اوقاتك حبيبتي

[عسولة فلسطين]

كيفكم يا |أحلى خوات
حواء الله يجيب لها اللي فيه الخير >>> وان شاء الله بنفرح فيكي وانتي قايمة بالسلامة انتي والبيبي يااااااارب
جار القمر>>نورتي والله ههههه ع فكرة انا بالطبخ انسي أنا لسه بتعلم
دمعة>>>حبيبتي يمكن التحليل تبع البول الله يعزكم غلط وانا صراحة ما بأثق فيه خلي عندك أمل وان شاء الله يارب ما تشوفيها، والله يكتر الأفراح يارب
غموض أنثى>>>كيفك ان شاء الله بخير،،وان شاء الله بتضلي منورانا ومبسوطة معنا
أنا لأني بعرف وحدة من غزة وسافرت ع تونس بس هي جوزها أصله تونسي ففكرتها انتي
سما الدنيا>>>الله يقومك بالسلامة يااااااارب والحمدلله انه تحرك بس ضلي قولي يارب ،ربنايحفظلك اياه يارب
تهاني>>>أنا أكتر صيدلية بحبها وبحسهم فهمانين الحلو فارم> هاي موجودة عند رمزون الأزهر.... من وين انتي من الشمال؟
يارب ما أكون نسيت حد هههههه
بنات بدي اسألكم،ايش يعني لما وحدة تحلم في حضرتي ههه انه أضل اقرأ سورة البقرة ع بطني عشان الحمل ؟؟؟؟

[حواء مثالية]

هلا عسولة منورة ياقلبي الله يسعدك يارب ويسمعنا عنك الاخبار الحلوة دايما ياقمر