قصه ولادتي
قبل بولادتي بيومين كنت تعبانه
يوم الاربعاء متضايقه من نفسي وزهقانه لانه البيبي كان تحت فجاه صار فوق تحت اضلاع صدري اليسار هو راسه تحت بس جسمه فوق مو نازل بالحوض
جلست امشي واكثر مشي عشان ينزل بس ما اشوف نتيجه من بدايه التاسع
يوم الاربعاء بالليل ماقدرت انام احس تعبانه واجد قالي زوجي اوديك الطوارئ قلت له لا بيقولون مافيني شي
وكان ينزل عندي افرازات بس هذا شي طبيعي
والخميس الصباح زاد الالم وماقدرت انام فجلست وانا اعاني من الالام واحس مو قادره امشي واتحرك بسرعه
رحت العصر السوق عشان اشتري لبيبي سرير بس ماشفت شي عجبني
ورجعنا الشقه وبالليل طلعنا عشان امشي لعلا وعسى ينزل تحت في الحوض
بس مافي فايده شفت التعب قام يزيد
وطبعا ليله الجمعه مانمت من الالم وقالي زوجي اوديك قلت له لا بصير احسن
وصباح الجمعه جلست وكنت قاعده ع السرير يجيني الم مثل الدوره يروح ويرجع حسيته منتظم كل نص ساعه يجي
وبعدين حسيت افرازات تنزل مني طفشت منها واخذت مناديل وامسح واشوف سائل لزج مخلوط بشعيرات دم
انا هنا خفت قلت شكلها سداده الرحم نزلت
وكل مالها الالام تزيد عندي
واروح انسدح ع السرير ويجيني الالم واقوم اجلس ع السرير عشان ابيه يوخر الا اسمع شي انشق من تحت وطلع ماي واجد
واقعد زوجي واقوله قوم نزل ماي ودم جلس مرتاع هههههه مو عارفين وش نسوي رحت البس ودق على امه عشان تجي معاي ونطير بسرعه للطوارئ
واول مافحصتني الدكتوره بالسونار قالت لي ما احد قالك عندك ماي زايد قلت لها لا ما احد قالي والدكتوره اللي اتابع عندها حسبي الله عليها ماقالت لي انه الماي زايد عندي لانه انا والكل مستغرب من بطني صاير كبير حيل مو طبيعي شكله ... طلع كله ماي زايد
وهنا ارتاع اقول شنو يعني وكيف واشلون
وجات تفحصني من تحت بقيت اموت يالم مره وقالت لي مفتوح الرحم عندي 3 سم وقالت لي ع طول تنويم وينوموني عندهم وانا منومه كنت اتعذب من الطلق كل ماله يزيد عندي ويصير الوقت بين كل طلقه قريب مره كنت احسب كل 6 دقايق يروح ويجي والله تعذبت ويجبون لي الغدا غصبت نفسي اكل لانه ماعندي طاقه من الالم الواحد ماله خلق شي ولا اكل
وكان الماي ينزل تحت وانا اتوجع واصيح ابي اولد وارتاح
وجات الممرضه قاست لي قالت لي 5 سم وتوديني غرفه اسمها غرفه الولاده هنا ركبو لي مغذي وحطو لي التخطيط
وانا بموت من الوجع والالم كل ماله يزيد وكل شوي الدكتوره تفحصني تقول لسه 5 سم وتقول الراس بعيد والله العظيم اني تعبت من الالام احس طاقتي راحت وانا اصيح واصارخ
وجلست تضغط ع بطني عشان البيبي ينزل بالحوض بس مانزل وفحصت مره ثانيه ودخلت شي مثل الحديد وقضته ونزل ماي واجد ودم وقام الالم يزيد عندي اتوقع ثواني بين كل طلقه وطلقه
وبعدين الممرضه تشوف التخطيط وتقعد تصارق قالت اي ماي قورد نت قود يعني مب زين التخطيط
وتشق الورقه وتطير عند الدكتور وهنا انا خفت وارتعت اكثر
وجا الدكتور شرح لي الوضع قالي الجنين فوق ونبضه كل ماله ويضعف اكثر
وقالي كل مازاد الطلق عندك زاد ضعف نبض الجنين وقالي لازم عمليه وهنا خلاص مو جايه اصدق اللي اقوله بس شفت شاشه التخطيط اشوف الرقم ينزل وما اسمع صوت النبض ضعيف مره
وانا اتوجع واتالم حسيت اني بموت وختموني ع اوراق العمليه ويطيرون بسرعه لغرفه العمليات وانا اتوجع واتالم وبعدين تخدرت وماحسيت بشي
وبعدين الحمدلله خلصت العمليه
وكنت ذاك الوقت مبنجه وكانو يكلموني بس كنت اسمعهم ولا اقدر ارد عليهم ولا افتح عيني ولا شي حسيت نفسي ميته وقلت شكلي مت وبعدين قام يفك البنج مني بشويش وقمت اكح اكح اكح حسيت روحي رجعت مره ثانيه شفتو الواخد لمن يغرق ولانقذوه يكح عشان يتنفس هذا اللي جاني وبعدها فتحت عيوني وودوني غرفه التنويم
وكل مافك عني البنج حسيت بالم العمليه ومايخف الا بمسكنات تعبت وتعذبت حسيت اني ولدت مرتين طبيعي وعمليه
والحمدلله الحين احسن بس تعبانه من العمليه صعب اتحرك واقوم واجلس بس الحمدلله ثم الحمدلله ثم الحمدلله
هذا اختصرت قصتي قد ما اقدر عشان ماتملون وانتو تقرون
والله لايحط اي وحده مكاني ولاتذوق اللي ذقته
والله يسسهل عليكم دعيت لكم كلكم ولكل حامل بتسهيل الولاده
بس ابي دعوه منكم انه اتعافى بسرعه وارجع زي ماكنت
الحمدلله على كل حال
ونسيت اقولكم اني بكر
وولا دتي 19/4/1434
03-06-2013, 08:15 AM
رد: تجمع بنوتات كروشات ••جمادي الاول 1434•••مارس 2013•••
حصووووص 
جديد منتدى إستفسارات مرحلة الولادة
العرض العادي
