【ツ】أحلى تجمع لأحلى حوامل التوائم 【ツ】 ‏الجزء الثالث

[ام منذر]

وااااو وصل الشريط للتاسع
يعني ان شاءالله بناتي مايطولون ويطلعون
انا مخليته عشان كل شوي اشوف وين وصلت
تخيلوا لوانا حامل للحين كان دخلت التاسع
رفيقت دربي ضوءالسحر وسديم ورنين
شوي وتدخلون التاسع الله يهون عليكم

[ضوء السحر]

ام منذر حبيبتي

باقي لي تقريباً اسبووع

والله انتظر يجي التاسع بسرررعه

ابي أولد خخخخخخخ

والله من جد التعب مو طبيعي

و الآلام تتحذف من كل حدب و صوب >>>> عجبتني هههه



الله يسهل ياااا رب علي و على كل البنات

و ان شاء الله يطلعون بناتج بالسلامة بأسرع وقت و تلمينهم

و ما يحرمج منهم

[حرم عدوله]

كيفكم بنات انا حامل بتوينز بالتاسع بس انا تنفخت مرررره وصرت احس بشد تحت وبالقوه امشي مره خايفه هذا غير الم الضهر ياربي رحمتك

[غربة مشاعر2011]

والله كلنا منفووووخ الحمدلله والشكر على نعمة التؤام والعيال الله يكمل علينا بخير ويسعد قلوبنا عقب التعب بشوفتهم بخير اللهم امين

[سديم ورنين]

السلااام عليكم
ام منذررر يالله بااقي اربع اساابيع ويطلعوون بنااتك ربي يصببرررك
وانا وضوء السحر نفس الشي بااقييلي اسبووع وادخخل. التااسع مدري ليه حااسه ان ضووء السحر حتسووويها قبلي هههه ...يلااا هاااااانت مابقي شي يارب سهل علينا ويكتبلنا الي فيه الخيير سواء طبيعي اوو عمليه
ضوء. السحر ماحددولك نوع الولاده وادا روسهم تحت او لاا .....تخيلي انا من الرابع للسابع روسهم تحت ويوم دخلت الثامن راح واحد.راسه فوق والتاني تحت والدكتووره تقوول نحددلك وقت الولاده وانا ابي عملييه خايفه اولد الولادتيين ...بكراا مووعدي بالحكووومي بقولها ابي عمليييييه خلاااص

[سديم ورنين]

ام رفااا اخيررا طليتي علينا انتي ودلووعه عبوودي وحشتوووووونا .....
حرم عدوله انا جاني نفس الالم الي تقولي عليه تحت زي الششد ماقدر امشي كتيير وادا جلست يااادوووب اقوووم ورحت لدكتوورتي قالتلي هذا طبيعي لان اربطه الرحم بتنشد واعطتني حبوب مسكنه وحمدلله رااااح الالم بعدهاااا
وع التنفخ الي تقوولي عنه سويتي تحليل الزلال هو الي يخلي الجسم يتنفخ
ريمااااااس بسك وسواااس خلاااص استودعيهم الخاالق انتي تبينهم طول الوقت يتحركوون يمكن نايمين او هادييين ...احلى تونز الحركه حسيت فيها بنهاايه الخامس بس مو مراا. قوويه زي دحييين بالتامن

[ضوء السحر]

سديم و رنين

الله يسهل علينا يا رب و يتمم هالايام ع خير


والله للحين ما قالوا لي متى بولد احس خلاص تعبببببت


و بالنسبة لتوينزي واحد منهم من بداية السادس مستقر بالرحم

و الثاني اخر موعد لي قالوا لي 2 راسهم تحت

يعني يستنجدون طلعوووووووننناااا

خخخخخخخخخ


و لا قالوا لي اذا عملية او طبيعي

بس أنا ابي طبيعي مابي عملية

[أماني آل ظاهر]

السلام عليكم ورحمة الله وبركاته

شحالكم كروشات ؟ وحشتوني صج

أكيد طلع اسمي من ذاكرتكم بسبب زهايمر الحمل ونسيتوني

عموما آخر أخباري ما تطمن كلش وابيكم تدعولي حيل لأني وايد تعبانة ، واليوم زوجي يقول متنفخة ، الله يكون فعونا جميعا

طلع عيني السكري ، وصابتني انيميا ، والدوخة والصداع كل يوم تقريبا اذا مو كل ساعة ، وبآخر سونار كان الأجنة وزنهم ضعيف بسبب حمية السكري

والمشيمة عندي حيل نازلة وواحد من التونز ريوله تحت

تصدقون لما داومت الكل استغرب اني بالسابع لأن بطني نازل وايد ، وزميلاتي اللي بالثامن والتاسع بطنهم بعده فوق ودايما اقولهم هذا بسبب نزول المشيمة من غير كبر بطني طبعا لأنهم تونز ، وعموما خلاص ما رح ادوام لأني تعبانة ومو قادرة اتحرك والله يستر .


وللحين ما جهزت للتونز اي شي مو قادرة اطلع ، اخاف اولد بأي لحظة لأني خلاص احس موصلة مع اني بالسابع بس ، ادعولي اولد بالتاسع


ع فكرة الأسبوع الماضي خذيت ابرة الكورتزون لأن الدكتورة بالحكومي قالت اني معرضة للولادة المبكرة بأي لحظة ولازم أخذها ، بس رفعت عندي السكر حيل وألحين باذلة جهد عشان انزله وعسى ينزل قريب لأني ما ابي يزيدولي جرعة الأنسولين ، تعبت منها ومن الالتزام بمواعيدها لأني ما أحب التزم بشي ابدا واحب التسيب ، ولولا التوام ما كنت بخذ انسولين ، لأني ما اقدر امشي عشان احرق السكر ، المشيمة عندي نازلة جدا واذا مشيت عشر دقايق متواصلة أتعب على طول .



ادعولي يا جماعة ، حتى التعليقات من اهلي واهل زوجي تعبتني
لأن اختي حامل ومو مبين عليها التعب ، واخت زوجي حامل وبعد مو مبين عليها التعب
وكلنا بالشهر السابع وكلهم يداومون الا انا
ودي اصرخ واقولهم انا غير لأن حملي بتوأم ، وانا عندي ولد وادري ان الحمل المنفرد اسهل
بس زوجي يقول تحملي من يشوفونج جبتي توأم بيعرفون


مو مهم يعرفون ................. المهم يحسون !!!


اسمحولي ع الاطالة قاعدة افضفض


وادعولي

[رضاك ربي]

الله يهون عليكم مابقالكم من الحمل ويتمم لكم بالخير

[@سميتك غلاي@]

ماشاء الله عليكم

ابي اسالكم كيف حملتوا توأم ؟

هل من الله كذا ... او انكم استخدمتوا منشطات ؟
او اطفال انابيب؟؟؟؟