دردشة بنات فلسطين, دردشة حوامل فلسطين, تجمع بنات فلسطين

جارة القمر · 05-13-2012, 09:38 PM

بنات خير وينكم.....................

سوسهs · 05-13-2012, 10:54 PM

تفضلي شاركينا

http://forum.hwaml.com/t113581.html

تقبلو مروري سوسه

بينك روز · 05-13-2012, 11:23 PM

مرحبا جارة حبيبتي معلش طولت عليكي بالرد
بس والله كتبت الرد وخلصت ولسه بدي ابعته لهيه الكهربا قطعت
يلا مش مشكله
المهم
انا احيانا بطبخ باليل ولما اروح من الشغل بكمل الطبخه واحيانا بطبخ لما اروح
بس بدي اسئلك بما انك موظفة بسير انتفاخ برجليكي ولا لأ
لانه انا من يوم ما فوتت بالشهر السادس وانا رجليه نافخين وهلا هفوت بالسابع ولسه على الحال زي ما هو
والله خايفة يكون في شي معي
انا لسه معادي بالعيادة يوم التلاتاء

حواء مثالية · 05-14-2012, 12:05 AM

يسعد اوقتكم كيفكم شو الاخبار مشتاقلكم

انا بخير الحمدلله

بنات بدي اسالكم مبارح بالليل صار معي الم اسفل بطني مركز بالجهة اليسار اول مره بحس في اجاني متقطع واكثر من مره من مبارح بالليل واليوم خلال النهار انا هلا بنهاية السابع الاسبوع الجاي بفوت بالثامن موعدي لسه باول سته عند الدكتور حد صار معو هيك شي

عسولة فلسطين · 05-14-2012, 12:22 AM

يسعد صباحكم يا صبايا
كيفكم نفر نفر
والله كتيييييييييييير اشتقتلكم ولاخباركم
سهى الحمدلله ع سلامة زوجك والف سلامة عليكي ما تشوفي شر ربنا يقومك بالسلامة يارب انتي وامورتك

انقطعت عنكم فترة لأنه ست زوجي توفت وهما بمنقطة بعيدة شوية فنمت عند اهله
اليوم رحت ع الدكتور وقالي انه توأم بنات الله يحميلي اياهم يارب ويتمم خلقتهم على خير

طمنوني عنكم وسلامي للجميع

عيـ‘ـون المهـ‘ـا · 05-14-2012, 05:28 AM

صبـ ـاح معطّـــر بأحلـــى انــواع البخـــور

صبـ ـاح اهديكـ ـم فيه كل انـواع الزهــــور

سهــــــــــــــى

اول شي بهنيكـي برجعة زوجك ربي يديمه الكم
و الف لا بأس عليكي حبيبتي معافيه ان شاء الله
و سلامة مجد الف سلامه لعيونه
ان شاء الله ما تشوفي شر ابدا في حياتك
و دائما تزورك البسمه و الفرحه
دعواتي الك ربي يقيمك سالمه و تزين جنى بيتكم
و تفرحوا بشوفتها
نتمنى نكون جنبك و نشاركك فرحتك بس اتأكدي فرحتك هي فرحتنا
رغم بعد المسافات لكن قلوبنا معك

عســــــولة فلســـــطين

ربي يتغمد فقيدتكم برحمته و يجعل مثواها الجنه ان شاء الله
تعازي الحاره

و ربي يبارك الك في توأم البنوتات ربي يحفظ الك اياهم و يتم خلقهم
يالله دوري على اسمين حلوين و لا بقين لبعض
مممم كتير فيه اسامي بنات حلوين
دائما بدي اسألك و بنسى انتي كيسين منفصلين و مشيمتين
و ألا كيس واحد و مشيمه وحده للتوام ؟؟؟؟؟

بينك روز · 05-14-2012, 09:28 AM

صباح الخير صبايا كيفكم شو الاخبار
عسولة مبروك حبيبتي التوأم البنات
بجد البنات حلوين
يتربوا بعزك يارب
حواء حبيبتي مابعرف ليه هيك صار معك
انا لسه بآخر الاسبوع بفوت بالسابع
الله يكون بعونا يارب

إم يامن · 05-14-2012, 10:28 AM

صباح الخير صبايا كيفكم صرلي فترة غايبة عن المنتدى تعبتني شوي الحموضة اسبوع كامل حرقة واستفراغ زهئت حالي من كتر الاستفراغ وجي كله نقط حمرا ههههههههه
مع انه كنت بستخدم دوا للحموضة ومريحني بس كنه ماعاد جاب نتيجة معي لغاية مااكتشفت الاتي

كنت حاطة على ام بي سي 3 تعت الاطفال وجابو برنامج عن الغازيات ومن من بينات هالشي قال انه المشروبات الغازية بتعدل حموضة المعدة

الله وكيلكم دغري طلبت من السوبرماركت سفن اب وشربت شي اربع شفطات منه ومن يومها ماشفت الحموضة تخيلو ونمت الليل كله مع انه طول فترة حملي انقطعت عن المشروبات الغازية هلأ لما بحس بدها تجيني الحموضة دغري شفطة وحدة وخلص وبرتاااااااااااااااااااح يومين تلاتة خييييييي ولا اضل بالحرقة هاي قضيت على الحموضة

عسولة فلسطين مبروك توم البنات تشوفيهم عخير يارب

واحلا صباح لعيون المها وسهى و جارة القمر و بينك روز

وكل الصبايا

جارة القمر · 05-14-2012, 12:55 PM

مراحب بنات:

حوائتي والله من بداية الحمل
بتصيبني حاله الم شديد اغلبه بجهة اليسار واحيانا اليمين بس لفترة بسيطه بيستمر هذا الالم
سألت دكتورين مش دكتور واحد منهم قلي البيبي ضاغط على المصران والتاني فحصني وقلي ما في شي
بس انا بقول ممكن انه لازم تشربي مي بزيادة ...........
والله اعلم

بينك روز انا الحمد لله ما تنفخو اجري بس بنت عمو لزوجي وهي حامل بنفس عدد اشهر حملي هديك مسكينه
كتير تنفخو اجريها وجسمها لانها موظفة وطول الوقت بحالة جلوس ..........وكانت تتناول كتير موالح فكان السائل يتجمع بجسمها هلا هي وقفت الموالح بتقلي انها صارت افضل ..........انتي اسألي دكتورك افضل

ام يامن انا والله ما نفع معي السفن اب كنت بعرف هالطريقة
بس لما كنت احكي قدام حماي عند لحموضه
قلي طريقة متل السحر ههههههههههههه اعطاني كمشة لوز ني يعني اللي بشتروه للطبيخ
وفعلا ولا كانه كان عندي حموضة الحمد لله
بالعادة ما عندي بس من اصناف اكل معينه بتصيبني يومتها كنت اكله
ليالي لبنان بس على طريقتي ..................

حواء مثالية · 05-14-2012, 01:23 PM

نهاركم فل بنات كيفكم يارب تكونوا بخير

عسولة مبارك توام البنات

هلا بنات مين عليها الدور بالولادة بعد سهى بلشت ساعة الصفر عند الاغلب هلا الله يتمملنا على خير كلنا يارب ويسهل علينا

بنات سالت الماما عن الي بصير معي حكتلي هلا ببلش رحمك يتهيأ للولادة اهم شي ارتاح هسه بروح الوجع انا الي يومين بطلع من البيت اول مبارح رحت قدمت امتحان التربية ولفيت شوي بالسوق مبارح كمان اطلعت على السوق شكله مع التعب

جارة منورة ياقلبي

احساس وينها متخبية

لولو حمادة وسما اشتقنالكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
بنات فلسطين الغاليه..كيف تعيشون؟؟	دلع	منتدى الحياة الأسرية والزوجية	18	07-17-2010 05:18 AM