الغاليات بنات فلسطين اتفضلو هون.....

~{{ DoDo }}~ · 11-04-2013, 03:14 PM

يسعدلي مساهم الحلوين اللي منشطين الدردشة وبيفتقدوني
يخليلي اياكم يارب
معلش صبايا سامحوني والله العظيم وقتي ديق عالاخر يادوب بفتح الفيس عالسريع
ما بلحق افتح المنتدى
انتو عارفين الوحدة بالغربة من غير شر لا في اهل ولا في قرايب ولا في حد يساعد
وكلو فوق راس الواحد حتى زوجي مسكين طول النهار دوام وشغل ويتدوب بنفضى نقعد مع بعض المسا

ام اسيد ونور وام مروان وفوفو وجارة منورين
وباقي الصبايا مشتقالكمكلكم

هبة وعسولة حمدلله ع سلامتكم ويتربوا الكتاكيت بعزكم ودلالكم يارب
لولو مشتقالك كيفك وكيف صابرينا القمرة شو اخر تطوراتها
وحلا اشتقتلك كيفك وكيفهم الزعران اكيد مطلعين عيونك اسم الله
وحواء شو الاخبار وكيف الحلوين الصغار

باقي الصبايا كلكم كلكم ان شاء الله تكونوا بخيييييير

انا اخر اخباري واخبار الافندي
الحمدلله كملنا ال 4 شهور على خير
اليوم كان عندو تطعيم ال 4 شهور مسكين اخد ابرتين برجليه وقعدت ابكي معه
اعطيته ادول وهيو منكد شوي وبحاول انيمو واضل مراقبة الحرارة
وزنه هلا اسم الله 7 وشوي وطولان عن الشهر الماضي 3 سم بس نسيت اديه الطول هههههه
ومحيط الراس كمان كبران وكل الامور بخير الحمدلله
طبعا دكتورتي نصحتني عالخمس شهور ابلش اطعميه
بس انا بلشت ادوقو دواق شوية فواكه خضار اشيا طرية ع طرف لسانو عشان يتعود ع طعم الاكل
وبفكر اجيبله سريلاك الرز خلال هالكم يوم واشوف شو الوضع
وطبعا الاشي المميز انه الافندي بيسنن تخيلوا اللهم صلي عالنبي عشان هيك كان مجنني نكد باللي كل يوم
وانا مش منتبهة انه سنانو اللي تحت شاقين
واللي فوق ورمان مكانهم بدهم يشقوا
كنت متوقعة وقلبي حاسس انه ابني رح يسنن بكير ههههه الله يستر مع الرضاعة خايفة يصير يعضني

اممممم المهم نومه تحسن شوي والدكتورة اعطتني جل التسنين عشان ادهنلو منه بالليل ازا توجع او بالنهار ازا حك سنانه

اللي عندهم اطافيل قولولي متى سننوا وكيف الوضع؟

وشو طابخين اليوم انا عاملة ملفوف تفضلوا

وتحية خاصة لام اسيد حبيبة الشعب والله انك عسل

كبريآء أنثى ـآ · 11-04-2013, 06:07 PM

دودو هلا يا عسل كيفك ؟؟ ان شاء الله بخير
مممم أنا اليوم بنتي صار عمرها 4 شهور و20 يوم والحمد لله بلشت تقعد
واذا نيمتها بتصير ترفع راسها بدها تقوم هههههههههه
مممم وطبعا ما بطعميها اي شي بس رضاعة طبيعية
بس بدوقها تدويقات من الطبايخ والفواكه والخضار واشي زي هيك

ام عبدالله لولو · 11-04-2013, 06:21 PM

مساء الخير يا صبايا
يا اهلا وسهلا بحبيتي واختي ام عمر شو اخبارك والله كل يوم ببالي الحمد لله انو كويس ابنك ماشاء الله بعين الله شو بدك تعملي ههههه ازا ع الشغل الي بالغربة وغيره نفس الشي ظلك فوتي بنتسلى زي زمان والله الكم وحشة وهادك ايام اله وحشة ع شو طابخين وشو بدنا نفطر هههههه
ام مروان يا عسل انتي والله غصب قمت ههههه بس هلا هيني هون يلا اشوف شطارتك واقعدي تا اندردش ان شاء الله جربتي الوصفة هههههه تبعتامبارح
نور وينك انتي وفوفو يلا تعالو
دودو ياريت اضلي تفوتي

كبريآء أنثى ـآ · 11-04-2013, 06:36 PM

هههههههههههه ابتداء من اليوم راح أجربها
بس زوجي عندو يومين بالأسبوع بيروح الشغل بالليل وبروح تاني يوم الصبح شو وقتها بدي أعمل ؟؟

ام عبدالله لولو · 11-04-2013, 06:46 PM

هيمي جاية بس احكيلي اي ساعى بروح

كبريآء أنثى ـآ · 11-04-2013, 06:53 PM

الساعة 7 ونص الصبح بكون عندي

ام عبدالله لولو · 11-04-2013, 07:16 PM

اسفة حبيبتي بس والله اتاخرت عليك كنت بنشر الغيسل
كويس ع السبعة انتي اي ساعة بطلعي من الغرفة او اهل بيت بصحو
بيجي وانتي بعدك جوا ولا كيف

كبريآء أنثى ـآ · 11-04-2013, 07:16 PM

مممممممممم وين غطستي يا دبة ؟؟؟؟؟؟؟؟؟

كبريآء أنثى ـآ · 11-04-2013, 07:17 PM

ممممم لا لالا إحنا هون بنصحى متأخر يعني ع 11 أو 11 ونص بطلع من غرفتي
يعني زوجي بيجي بحط حاله وبنام وانا بكون نايمة

ام عبدالله لولو · 11-04-2013, 07:28 PM

هههههههه والله شكلك دبة يا عيني حبيبتي اعتبريني زي اختك اما يكون زوجك مداوم بصحى ع الستى بتحمم وبلس وبعمل مكياج من الاخر وبلبس شي قصير وناعم وعطر وبقعد استنى فيه بدلعو وبغتجو وبنيمو وبعدها بدي انام بنام بدي اطلع اخلص شغلي بطلع بصير خاتم بيدك الرجال هاي اشغلة الوجيدة الي بموتو فيه يعني بلا حياء من الدين واله حكيتلك لانو حسيتك حايسة مع زوجك وكمان بحضرلو شاي فطور خفيف وبحطو بالغرفة ابل ما يجي وهيك وادعيلي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين , دردشة حوامل فلسطين , تجمع بنات فلسطين	ايلاف	إستفسارات حوامل من الشهر السابع إلى الشهر التاسع	5318	06-15-2013 12:38 PM
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM