تجمع الحوامل اللاتي سيلدن بشهر رجب 1432

[ست الحبايب أمي]

بنات قريت عن الزعفران تحطينه بمويه دافية وتشربينه
وش رايكم أشربه ولا لا بصراحة مليت ودي أطلع لأهلي خواتي يدقون علي متجمعين كلهم وأنا ماعاد فيني حيل على شغل البيت والضيوف ودي أسافر وأرتاح
يارب هونها علي وعلى كل البنات ونولد بسلامة ياكريم يارحيم

[غلاي امي]

ست الحبايب ها بشري اخبار الحلبه والعسل معاج

[ست الحبايب أمي]

والله ولاشئ كأني بغيت أحس بشوية مغص بعدين إختفى

[ست الحبايب أمي]

الحمدلله ولدت وبنتي هلحين تتضارب مع أخوها نسيت أقولكم عمرها ثلاث سنوات بس لتفآءل أقول كذا
ويارب مثل ماهون علي ولادتها يهون علي وعليكم
أول شي في ولادت أخوها أقسم بالله شارفت على الموت وصار يجيني خرعه أول ماأسمع إن فيه وحده حامل ولا كان فيه أمل أعيد الكره وأحمل بس إرادة الله فوق كل شي حملت وكل الأشهر التسعه وأنا تفكيري في الولاده كيف راح تكون
دعوت الله في كل الأوقات تيسر ولادتي
وحانت الساعه اللي كانت مرعبتني طووول فتره حملي كان يوم الأربعاء
صحيت الظهر على ألم الطلق بس كان محتمل نسيت أقولكم كان عندي موعد لطلق الصناعي يوم الجمعه لان مفوته على شهري خمسه أيام بعد محاولات الدكتور أولد عمليه قال الولاده اللي قبل تعبتك وكان حجم البيبي كبير ومانزل إلا بشفط قلت لا يادكتور اللي الله كاتبه بيصير وأصريت على الولاده طبيعي قال براحتك
نرجع لليوم الموعود جلست إلين العصر رحت المستشفى كشفت الدكتوره قالت مفتوح 2سانتي إرجعي وأمشي
حمدت الله لقيته مفتوح علشان أقدر آخذ من الخلطات اللي مجهزتها
وهاذي الأشيا راح تفيدكم بعدالله سبحانه
أول شي أخذت كاسه دافيه وحطيت عليها زعفران وشربتها أخذت حبه من فاكهه الأنناس طاااااااازج وأنا أمشي مره أكل ومره أستغفر وأطلع وأنزل مع الدرج
ورحت للمستشفى الساعه11في الليل قالو لسا 2سانتي
قلت وش أسوي طيب قالت بكره العصر بعطيك طلق صناعي لان ماعندك بوادر ولاده قريب وانتي لازم نعطيكي تنويم سبحان الله رحت أمشي في المستشفى ومره أجلس وقضيت ذيك الليله والألم نفسه وسمعت أذآن الفجر قمت صليت ورجعت أجلس على الكنبه ماقدرت حسيت فيه شي بيطلع رحت الحمام مافيه شي وشوي ويجيني ذاك الألم عرفت الولاده قربت قلت ماراح أقول للمرضات علشان لاينزلوني الكشك بدري وشوي وحسيت نفسي أدفع وأصيح ذيك الصيحه وأضرب الجرس لسستر وجاتني بارده قالت نبغى نكشف ونشوف نبض الجنين
وكشفت وصااااااااااااحت وسكرت رجولي وراحت جابت معاها تقريبا ست سسترات ويصيحون فيني لاتدفعين
تري الرحم ماشاءالله مفتوح عشره ونزلوني الكشك ربع ساعه وأنا وآلده وأنا والله ماني مصدقه كأني في حلم
ودعواتكم الله ييسرلي ولادتي هاذي مثل مايسر اللي قبلها ولكل وحده دعت لها بالمثل وآسفه على الإطاله بس حبيت أطمنكم إن الولاده تيسير من الله والزعفران والأنناس كثير ناس نصحوني فيه وأنا بعد أنصحكم فيه وتعالوا أحكينا كيف صارت ولادتك
هذي قصة وحدة في عالم حواء قريتها اليوم

[ست الحبايب أمي]

بسألكم الأناناس ماينفع المعلب
يعني لازم طازج
لأن الطازج أحيانا يكون سامج ماله طعم

[ست الحبايب أمي]

ياربي وينكم ياكسولات

[ست الحبايب أمي]

أستغفر الله العلي العظيم وأتوب إليه

[ست الحبايب أمي]

سبحان الله وبحمده عدد خلقه ورضا نفسه وزنة عرشه ومداد كلماته سبحان الله وبحمده عدد خلقه ورضا نفسه وزنة عرشه ومداد كلماته
سبحان الله وبحمده عدد خلقه ورضا نفسه وزنة عرشه ومداد كلماته

[ام رتيل]

حبيبتي الله يعطيك العافيه الزعفران اللي معلب
ويتاخذ في الصباح ولا؟؟

[ام رتيل]

معليش داخله عرض هههههههههه