تجمع الكروشات اللي ولادتهن في رمضان 1433ه

روح البنفسج · 06-26-2012, 12:27 AM

خدي من الصيدليه فوط صحيه خاصه بالاولاده انا في ولادتي الاولى اخدت ريلاكس من فام
وفي ناس يحبوا ياخدوا قطن لحاله ومعاه شاش وانتي تسوي لنفسك فوط منه ...
و خدي كمان مفارش قطن بيد باد ليكي على شان السرير و كمان تنفعك للبيبي
وخدي كمان اندر وير اللي يكون استخدام مره وحده زي حق المستشفى
و كمان خدي بيتادين للتعقيم و هو احسن مطهر
وللجرح والخياطه خدي كريم اسمه افوميب نفس الميبو بس بدون ريحه
و اسالي دكتورتك توصف لك كريم للصدر عشان ما يوجعك مع الرضاعه لو ناويه ترضعي البيبي
و للبيبي طبعا تاخدي مجموعة جونسون و قطره لعيونه او مس
و بودره للسره ومسحات كحول
هادا اللي انا فاكرته وعلى فكره اتاكدي من المستشفى الللي راح تولدي فيه لان البهم يعطوكي هادي الاشياء مع الولاده وتاخديها معاكي

مناير999 · 06-26-2012, 12:29 AM

يس حبيبتي بكريه وحايسه مدري وش بيصير احس الايام الجايه مجهوله
مدري كيف الولاده والنفاس

مناير999 · 06-26-2012, 12:32 AM

مشكوره روح ملقصرتي
فعلا المطهرهذا دايم اقرا يمدحونه بس لما رحت الصيدليه نسيت اسمه

ميدوري · 06-26-2012, 12:32 AM

روح

مو هيك يا قلبي
بس انتي سالتي مين في جدة
و الي ردوا مش من جدة

و غريبة مو متحمسه للملابس
بس اتوقع لانك مو بكرية

قبل كم يوم كنت متحمسه اشتري اشياء لما بدأ ولدي يتحسن
ملابس الاطفال تدننن و ما نشبع من التقضي

لكن انتكس للاسف و ساءت حالته و انسدت نفسي عن كل شي
يارب يتحسن و اشتري له كل الي نفسي اشتريه

هالمرة ما راح استبق الاحداث و اجلس افكز ايش ناقصني و اتحمس
بنتظر لحد ما اتطمن صح

و يارب يتحسن
خايفة ارجع شقتي و اشوف الملابس الي شريتها له و ابكي

آلاس

ربي يطمن قلبك
و طمنينا

مناير

ملبوس العافية

نور

حلوة الشنطة

روح البنفسج · 06-26-2012, 12:49 AM

البكريات وما ادراك ما البكريات ....
كلنا مرينا بنفس الاحاسيس المجهوله والغامضه ...
حبيبتي اكثر شي ينفعك الدعم النفسي والمعنوي ....
لازم زوجك يوقف جنبك ويطمنك ويهتم فيكي ...
و كمان خلي امك قريبعه منك واذا عندك اخوات متزوجات راح تسنفيدي من تجاربهم ويخففوا عليكي ...
و اولا واخيرا وكلي امرك لله وخلي ثقتك في ربك كبيره انه ما راح يكتب لك الا الخير وبييسر امورك كلها بمشيئته ....
ميدوري
انا مو ماني متحمسه بالعكس ...
انا عندي بنت وجاييني باذن الله ولد ونفسي اقضي له ملابس اولاد مع ان ملابس البنات احلى بمليون مرررره ....
وكمان نفسي اشتري اغراضي الخاصه من بدري انا وحده ما احب الحوسه والبهدله والفرفره في الاسواق وهي زحمه ...
ودحين اخر الثامن وداخلين على التاسع مررررررررررررررررررررررررره تعب ما اقدر خلاص اتاخر الوقت على التقضيه و زوجي ما طاوعني من الاول ...
اتوقع لانه مو قادر يفهم الاحساس بالحمل وتعبه والمعانه

الرشا · 06-26-2012, 12:50 AM

ميدوري .. خلاص هانت بس هالاسبوع ويتحسن حالته لانه بيكمل 9 شهور
بس انتي توكلي على الله. ولاتخافي وقوي قلبك
ولاتشتري شي الين تتحسن صحته ازين لك
ويارب تشتري كل اللي نفسك فيم

انا هالمرة أشتريت قطن وشاش بسوي الفوط بالبيت أحسن وانظف بعد ماسمعنا هالبلاوي اللي يلاقوها فيها
وطبعا كريم الخياطه ابيض وعليه خط برتقالي .. ممتاز للجروح
بالاضافه الى ماذكرته روح

ميدوري · 06-26-2012, 12:57 AM

مناير

لو بترضعي طبيعي
اشتري كريم بالمرز لتشقاقات الحلمة
مره كويس و خفف لي من وجع شفاط الحليب

و كمان كوتكس الليلية
بتكون كبيره و بتنفع وقت النفاس

هذا بعد التجربة

و كمان نور و نسومة
تكلمو عن حمى النفاس

انا لسه الحليب قليل
بس الدكتوره تقول ان سببهها ان الحليب يبقى في الصدر
لان البيبي ما يرضع كمية كبيرة الايام الاولي

فالحل
تاخذي شفاط و تشفطي نهاية كل يوم
بالبداية او يومين ما بعرف المهم ما يتجمع حليب بصدرك
بعدين ينتفخ و يتحجر و تعاني من حمى كمان

و كمان لو لاحظتي بقع زرقاء
اعملي للصدر مساج و خاصة مكان البقع و اشفطيه بعد الرضاعة

ميدوري · 06-26-2012, 01:00 AM

الرشا

الله يسمع منك و يتحسن

لكن انا بعد ماولدت قالوا لي ان عمر البيبي 30 اسبوع فقط
و باقي 10 اسابيع علشان يكمل التاسع

مع اني على حسابي كنت بالاسبوع 32

انثى من عطر · 06-26-2012, 01:05 AM

كروشاتي حبيباتي

كيفكم ؟؟
وكيف النونوات؟؟

قريت الواجب
يااااطوووله
و نسيت كوووول اللي فيه

اممم
بس اللي منزاين ملابس و شنط
تتهنوا فيها انتو و البيبيات

المهم

مناااير
لقيت لك حل مع تبع مشاوير
شوفي ياعسل
عندك حل من اثنين
الاول
تسوي لها حظر من الجوال نفسه
من ضبط المكالمات
او تضغطي على اسمها في السجل
يسير ما عاد تجيكم لا اتصالاتها و لا رسايلها
و الخدمة ذي من نفس جهاز الجوال
يعني لا زوجك رح يحس
ولا راح ياخذوا عليها رسوم

الطريقة الثانيه
خدمة جوال كنترول
و هي خدمة مقدمة من شركة الاتصالات و هي عليها رسوم شهريه اظن 10 ريال
اي رقم تدخلينه في القائمة
نفس الشي لا عاد تجيكي منه لا رسايل و لا اتصالات
بس اول ما تفعلي الخدمة راح تجيكي رساله انهم فعلوا الخدمة
انتي اتصلي على موظف 902 و استفسري عن طريقة تفعيل جوال كنترول

وسلامتك

روح البنفسج · 06-26-2012, 01:09 AM

ميدوري
يعني انتي تشوفي كوتيكس افضل فوطه ؟؟؟؟
انا جربت ريلاكس من فام لانها هي اللي لقيتها بالصيدليه ...
ما ادري اذا فيه احسن منها ولا لا...
هو عموما مهما كان نوع الفوطه ما راح تحسي براحه ابدا مع الجرح والخياط وغير ان التدفق يكون غزير ومزعج[/color][/color][/color]

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الكروشات الينبعاويات حياكم	تاج الحورية	إستفسارات حوامل من الشهر السابع إلى الشهر التاسع	19	04-16-2012 05:03 AM
تجمع الكروشات اللي موعد ولادتهم شهر * رمضآآن * 1432	ابغى نونو بحضني	إستفسارات مرحلة الولادة	42975	09-01-2011 06:36 AM
تجمع الكروشات الي بيراجعوا وبيولدو في مستشفى الاطباء المتحدون	aro0ora	إستفسارات المستشفيات و عيادات نساء وولادة	8	02-07-2011 06:23 PM