تجمع الكروشات اللي ولادتهن في رمضان 1433ه

[raneen]

صباح الخير على الكروشات
انشاءالله كلكم بخير

ام حماده/ياقلبي والله مو قصدنا نقلقك او نزود عليكي ياقلبي الله يسهلك يارب والددكاتره اكيد ادرى منا

الاس/الله يطمن قلبك حبيبتي والله مانسيتك من امس وانا بالي معاكي


ياربي امس نمت الساعه 1 وبنتي صحتني على 5ونص حاسه نفسي تعبانه بس عيني ماتغمض

[الرشا]

صباخ الخير حبيباتي
انا من أمس العصر رحت للمزرعه ونمنا هناك وتونا ردينا
يووووه حر مووت
اتذكر المكيف وانقهر
قمت ورشيت المزروع والارضيه بالمويه وبعدهآ تغير الجووو
أهل زوجي يقولون.وش بها ذي الحرمه على اخر الليل شكلها انهبلت خخخ
بس ماعلي من احد وتونسنا انا وعيالي وبرد الجو ونمنا

أخباركم .. وايش جديدكم
لسا ماقريت الواجب. .. بشوف احد فقدني <<<<< براااا

[الرشا]

ياهلا بنسووومه والحمدلله على السلامه ياحووورمه
بسالك وخيتي سوعال
انا احس تحت ان كان مويه بتنزل بثقل مره الا الم رجولي على بعض
يقولون ذي علامة نزول المشيمه
صحيح هالشي &#191;&#191;&#161;&#161;
من فترة مارحت المستشفا عندي واحد يومه بسنه
كل يوم بكرة .. فطمنيني

قريت مقتطفات من الواجب عالسريع
لي رده لكم بعد مأصحا ان شالله

[مناي طفل اضمه]

صباح الخير بنوتات
حمدالله ع السلامه نسومه وصراحه سفرتك تجيب الضغط الله يعوضك خير
ام حماده انت توكلي ع الله واستخيري والله ماراح يضيعك
ميدوري الله يقوم ابنك بالسلامه وتشوفيه بخير وصحه وعافيه
الاس الله يطمن قلبك ان شاء الله

[مناي طفل اضمه]

بنات بحكي لكم موقف صار لي امس مع زوجي ماادري هو يستاهل ولا انا صايره حساسة بزياده
بس والله راسي بينفجر من كثر مابكيت البارح
المهم اللي صار انه طلعنا تغدينا برا احنا واخته وزوجها واخوه وزوجته وبعد الغداء كنت مره طفشانه وضايق صدري ماابغى ارجع البيت ولمحت له بهالشي بس مااهتم
رجعنا البيت واخذت الجوال اكلم امي سولفت معاها ربع ساعه تقريبا وقفلت قولتله امي تسلم عليك قال لي كم دقيقة كلمتيها وهو قالب وجه قلتله خير ان شاء الله بتحاسبني على مكالماتي مع امي وانا والله وربي يشهد هي الوحيدة اللي اكلمها مااكلم غيرها
قال لي الجوال مو للسواليف والكلام الفاضي انا خلاص وصلت معاي اصلا متضايقة من اول وهو زاد علي بالكلام
قولتله لو اجلس اكلم امي اليوم كله هذا شي مايعنيك وهو عصب وطلع وانا حاولت امسك نفسي مااقدرت جلست ابكي حسيتني مره انقهرررررررت
انا جوالي فاتورة بس في الشهر ماتوصل 150 ريال معاي حق ازعل ولا لا

[روح البنفسج]

مناي طفل اضمه
حبيبتي لا تكدري خاطرك .. عادي بسيطه وبتصير .. طيب انتي ليش ما كلمتي امك بالتليفون الثابت اوفر لك ... وبعدين يمكن زوجك رجع البيت لانه تعبان او كان يبغى يقعد معاك لحالكم او يبغاكي تدلعيه شويه ......ههههههههههههههه

[ميدوري]

مناي

معك حق تتضايقي
لكن كل هالبكاء بسبب النفسية و الحمل

يعني صح يقهر كلامه
بس الرجال دايما يقطو علينا كلام جاف و مرات كثير ما يكونوا يقصدوه

يمكن زوجك اتضايق لانك ما انبسطي في خرجتكم
و يمكن جا بباله انك ما تحبي اهله مثل اهلك

طبيعي تحبي اهلم و ترتاحي معهم اكثر
بس الرجال ما يفهم

[raneen]

مناي

معاكي حق تزعلي

بصراحه الرجال جفصين فالكلام يمكن هوه حس انك مانبسطتي بالطلعه
وشافك مبسوطه وانتي تكلمي امك فاتقهر ورما الكلمه رمي

وبعدين ترى مع الحمل النفسيه تسير حساسه بزياده ومن اقل كلمه نبكي

الله يريح قلبك وفكرك

[مناير999]

نور
يعني مو اوت لت
بصراحه ماعرف هالماركه واتوقع لو بتشتري منهاماحد بيعرفها
بس عموما اسعارها حلوه

والمفروض تستعجلي تخلصي اغراضك ماتدري متى الولاده ربي يكتبها
والاعشاب والصيدليه لاحقين عليهن لسه ماجهزت شي
خالتي ام زوجي ماقصرت
تقول بتعطيني هي خبره بهالامور
وبقولكم وش قالت تستفيدون
لابدا الطلق القوي تعملي كبو اخر شي قبل تروحين للمستشفى يساعد بمشيئه الله على فتح الرحم ومقاديره ماعرفها اذا جابتها صورتها تستفيدون وكتبت مقاديرها
وبعد تشربي كاس حليب دافي مع 7حبات الحبه السوداء مقري فيها والحليب تحركي معه ملعقتين عسل اصلي انتبهوا
وزيت زيتون دافي مقري فيه تسخنيه وتدهني البطن والظهر والمناطق السفليه والمهبل لتسهيل الولاده وتصبح المنطقه لينه
اخر شي كلي تمرات وخذي شنطتك وانطلقي للمستشفى
والله يرزقنا الولاده الميسره



ارجوان
طلعتي اصيله ماتعرفي الخيانه ظلمناك هههه
وبانتظار الصور صوري لنا ملابس الكتكوته واغراضها
مافيه غيري شغاله تصوير ازعجت التجمع



الرشا
انبسطي ياعمري
تعجبني اجواء المزارع احسن من الاستراحات اللي تجيب الهم
بس اذا مافيه مكيف صعب
ليش ماتطلعوا غرف وفيها تكييف بالمزرعه اذا صار حر تدخلوا لها



رنين روحي نامي وريحي
لو النوم هالفتره متعب الله يكتب لنا الاجر


مناي
لاتزعلي ياقمر
كلهم هييييك هم يسولفون بالساعات كلام فاضي واحنا كل شي يستكثرون علينا

زوجي من سافر اكلمه كل شوي لانه رايح بالسياره والمسافه بعيده 9ساعات وبتطمن عليه
قالي ايه لان الاتصال بلاش تدقين كل شوي
تخيلي بدل مايتشكر او يحس اني مهتمه هذا رده سكرت الخط بوجهه ويدق ومطنشته
ماعندهم ذوووق ابداا ومزحهم رزح



واصلا كملت معي لاني متضايقه وسالته عن الحرمه يقول ماوقفت اتصالات ودخل اجتماع ودقت عليه مرتين ويجي يقفل جواله
ارسلت وشلون يطاوعك قلبك تقفل بوجهي
اااه الحقيره
قلت له عطني رقمها بتصل على الهيئه وقفونها عند حدها وجلس يضحك واخذ السالفه ببرود يقول هيئه مره وحده لو ابي ارسلت لها دوريه وشالوها
قلت لا والله تلف على هالعساكر المساكين وتهدم بيوتهم مالها الا الهيئه ويضحك ويقول تراك معطيتها اكبر من حجمها

عاد اسولف مع امي عنها قالت انتبهي ما اصرت الا انها عارفه ان كثر الدق يفك اللحام والزن هذا يجيب نتيجه مجربه مع غيره
واخوي يقول جيبي رقمها واوريك فيها
بس المشكله مارضى يعطيني اياه وهو بجواله *

[ورود المحبه]

مرحبا كروشات كيفكم يارب الكل بخير
مناي
ياعمري لاتزعلين ولاتضايقين نفسك لو نبي ندقق بكلام ازواجنا كان من زمان منجنين الله يهديهم بس
اهم شي صحتك انتبهي لها (اسمعو من يقول هههههههه ليتني افهم نفسي بس )
مناااااااااااااير
خلي زوجك يغير رقمه وذ مايقدر يقفله لفتره ويطلع رقم ثاني موقت علشان يتواصل معك الله يكفيكم شرها ولا تنسين الدعاء