دردشة بنات ليبيا , دردشة حوامل ليبيا , تجمع بنات ليبيا

[سورينام]

عندي ساره لما عمرها سنة و4 شهور جبت فراس ولما فراس عمره سنة وشهرين جبت نور ... والله في البداية تعبت هلللللللبه وقريب انهرت .. وبعدين عاوني فيهم ربي وباركلي في وقتي واتعودت الحمد لله

[عيون زوجي]

سوري يا احبيبه يا غاليه استاحشتك هلبه هلبه تحتي 600 دينار حق الغساله تعالي نقسموهم

[سورينام]

حق على ذكر الغسالة ... علاش بتشريها والله انحس فيها الا زايده .. قصدي انتي في جميع الاحوال بتخشي للمطبخ واتنضفي الماعين من بقايا الاكل وبتنظفي الرخام واللافاندينو والغاز والطاولة .....و...و....و ... يعني جاتك عالغسل بس يا بخيلة ... لا لا لا أني من رأي تفوتيها وتشريلك حاجة أنفع ..... وده رأي في القضية طبعا......

[عيون زوجي]

باهي شنو رايك في المكنسة يلي تغسل في البساطات

[سورينام]

خخخخخخ .. اسكتي ساكته مش كان راكبني الرعب المدة اللي فاتت نحساب روحي حامل وك عليا .. اتحركي من مكانك يا عيون عارفاتك تتمنيلي فيها ....
المهم ىيا حنة الدورة عطلت عليا 12 يوم ... واني جميع الوساوس ركبتني حاشاك..ليييين شرفت ... قريب درتلها عرس بالزمزامات هههههه لما شفتها قعدت انقول الله اكبر الله اكبر هههه اتقول حررت مصراته

[أم سعد]

السلاااااام عليكم

[عيون زوجي]

ههههههههههههه حقه نسيت نسئلك انتي وين كنتي مغطسه ماعادش خشيتي بكل

حتى اني زيك موعدها يوم 15/3 وجتني امس بس يوم 29/3 معناها عطلت 14 يوم

بس ماخفتش لاني هالشهر ماصار شي اخخخخخخخخخخخخخ

[سورينام]

المشاركة الأصلية كتبت بواسطة عيون زوجي

باهي شنو رايك في المكنسة يلي تغسل في البساطات

اسمعي اني مانعرفش حد شاريها لكن زمان لما كنت نخدم اتجينا شركة النظافة تغسللنا في بساطات المكاتب متاعنا وكانو يستعملو فيها .. الحق مش عااااااادية في نص ساعة البساط ايولي زي الفل ونفتحو عليه الرواشن والا المكيف ربع ساعة وايولي تمام التمام .. لا قيم وا انشر ولا كد ... لكن انحس فيها غالية هلبة .. المهم انتي لقطي علي فلوسك واشريها والله حيرلك من متاع الماعييين

[عيون زوجي]

هلا ام سعد......كيف حالك وحال ميار وخوها

[سورينام]

وعليكم السلام ام سعووودي .. كيف حاله هو وميوووره وأبوهم .. وشن قاعدة تسهري والا بدت ترقد بنوتك ؟؟
عيون كنت مغطسه والله امي مريضة كنت نمشي انعاون فيها عالقضية لان اختي تخدم .. وامي مسكينة جاها التهاب في مفاصلها اداير فيها حالة ربي يشفيهانا ويشفي كل مريض .. بتمشي لتونس في العطلة توا ان شاءالله .. وانشاءالله خييير يا رب ...