دردشة حوامل دولة الجزائر- تجمع بنات الجزائر

[nacèra]

حباباتي عندي مشكلة وحبيتكم تعونوني فيها المهم
انا طفلة وحدة بين زوج ذكورة وكيما علبالكم بلي ماما ميتة وكي ماتت وليت نحس بلي خوتي ولادي ماشي خاوتي درت كلش علا بالهم
المهم عندي عرس خويا في سبتمبر ولا زم نروح بكري لدارنا باش نوجد راكو عارفين العرس شحال واعر وكلش راه يستناني
قلت للراجلي كي نعيد العيد لكبير لا زم نروح للبلاد قالي ماتروحيش وحدك لا زم يجي كاش واحد من داركم يديك قلتلو انا بابا مريض ومايقدرش على السفر وخاوتي كل واحد عندو شغالاتو
قلتلو نروح في الطيارة قالي لوكان حتى في الطيارة لازم يكون معاك واحد ما تروحيش وحدك
(مسكين يغير بزاف ؟) دابزت انا وياه ودرنا حالا وليت انا نعلت بليس وقلت كي يجي الوقت يفرجها ربي و بلاك يهديه ربي
حبيتكم تنصحوني واش الندير

[بليدية]

الله يفرحك يا اختي المازة بي الحمل العاجلا يارب نتي واخواتي
انا نعرف عقلية زوجي ميحبش لى يبقااا زنزن عند راسو على الموضوع لى فات

[allmaza]

المشاركة الأصلية كتبت بواسطة nacèra

حباباتي عندي مشكلة وحبيتكم تعونوني فيها المهم
انا طفلة وحدة بين زوج ذكورة وكيما علبالكم بلي ماما ميتة وكي ماتت وليت نحس بلي خوتي ولادي ماشي خاوتي درت كلش علا بالهم
المهم عندي عرس خويا في سبتمبر ولا زم نروح بكري لدارنا باش نوجد راكو عارفين العرس شحال واعر وكلش راه يستناني
قلت للراجلي كي نعيد العيد لكبير لا زم نروح للبلاد قالي ماتروحيش وحدك لا زم يجي كاش واحد من داركم يديك قلتلو انا بابا مريض ومايقدرش على السفر وخاوتي كل واحد عندو شغالاتو
قلتلو نروح في الطيارة قالي لوكان حتى في الطيارة لازم يكون معاك واحد ما تروحيش وحدك
(مسكين يغير بزاف ؟) دابزت انا وياه ودرنا حالا وليت انا نعلت بليس وقلت كي يجي الوقت يفرجها ربي و بلاك يهديه ربي
حبيتكم تنصحوني واش الندير

رانا كيفكيف انا تاني طفلة مع 3 دكور والله نحسهم ولادي صح خاطش اقل مني و ربيتهم مع ماما
المهم بالنسبة ليك انت وين تسكني خارج الوطن ؟؟؟؟؟؟؟
ديري agenda
واكتبي فيها من ضرك الحوايج لي راح تديريهم و كي توصلي تمة غير تكوشي على لي تخدمو و هكدا تنظمي وقتك و تحددي
مسؤولياتك
وزيدي قنعيه بلي يلاقوك في المطار
اوكي

[بليدية]

هههههههههههههههههههه
ولهي غير ضحكتني صباح الله انا تاني وحيد اا عند خواوتي
انا طفلة وعندي 2خاوتي عزبان واحد راح يتزوج مور العيد ولقتني نخمم
غير وحدي غير لى يقولي كوني واقف مع خواك بصح انا قريب منهم نقدر روح ونجي
نصحتي اصبري منا لهذاك الوقت وشوفي بالك يكون فى عطلة ويديك متتقلقيش
وتتصرعيش

[ام صفاء]

صباح الخير عليكم ياالبنات واش راكم توحشتكم انا راني في حالة عندي روطار 6 يام مت بالفرحة حللت خرج - ومبعد قلت نروح لطبيبة ونشوف وياريتني ما رحت قاتلي ماعندكش جوف وعندك بلوكاج و عندك الشحمة على البويضات ماتخليهمش يتلقحوا و البويضات صغار تعرفوا قريب تصرعت وليت نقول اللي من عند ربي مرحبا
وعطاتني دوفاستون نشربوا ومانع الحمل باه تريقليلي الدورة ديالي وقاتلي هادوا 3 شهر الجايين ماتستنايش الحمل
مكلي جيت وانا نبكي تعيشوا قولولي شكون كانت هكدا وحملت وربي يرزقنا كامل

[بليدية]

المشاركة الأصلية كتبت بواسطة ام صفاء

صباح الخير عليكم ياالبنات واش راكم توحشتكم انا راني في حالة عندي روطار 6 يام مت بالفرحة حللت خرج - ومبعد قلت نروح لطبيبة ونشوف وياريتني ما رحت قاتلي ماعندكش جوف وعندك بلوكاج و عندك الشحمة على البويضات ماتخليهمش يتلقحوا و البويضات صغار تعرفوا قريب تصرعت وليت نقول اللي من عند ربي مرحبا
وعطاتني دوفاستون نشربوا ومانع الحمل باه تريقليلي الدورة ديالي وقاتلي هادوا 3 شهر الجايين ماتستنايش الحمل
مكلي جيت وانا نبكي تعيشوا قولولي شكون كانت هكدا وحملت وربي يرزقنا كامل

واش راكي يا اختي ام صفاء متتقلقيش يا اختي اصبري درتلك سونار تاع المهبل
ونتي درتي تست وشفتي روحك
شفي لو سونار تاع المهبل صح يكشف كلش واش كاين فى الرحيم ام السونار العادي لى نشرب الماء هذاك ميبينش مليح
ونتي علاش مدرتيش تست وشفتي
ولاكان كلام طبيب صح واش راح نقول لختي اصبري كيفاش شحمة فى المبيض
بصح بدواء تذوب ولهي ملقيت منهدر يارب ويكون خير

[ام صفاء]

دارتلي صونار تاع المهبل يبين كلش قاتلي بلي البويضات كاينين بصح صغار
وقاتلي كاين شحمة مغلفة البويضات ماخلاتهمش يتلقحوا عطاتني دوا باه دوبهم ياخد 3 اشهر و قاتلي لازم نسقموا الدورة باه نظموها انا من الخلعة ماعرفت والوا مازالني صغيرة على هد الهدرة يا ربي عندي 22 سنة وانا حساسة بزاف والهدرة توجعني تاع الناس والله راني غير نبكي راجلي حتى صفار كي قتلوا مات بالخلعة هي قاتلي عادي نداوك بصح الطبة هكدا يقعدوا غير ياكلوا فالدراهم مانكدبش عليك راني في حالة
انا والله ماني سمينة قاتلي ديري ريجيم لازم تشياني قلتلها واش فيا باه نشيان
قاتلي لازم اعطاتني دوفاستون باه تحبتلي الدورة diane باه نرقليها و glucophage باه يدوبلي الشحمة هدي

[allmaza]

ربي يشفيك ام صفاء رانا كلنا نتقاسمو في الهم نقولو االحمدلله

[ام صفاء]

البليدية ختي واش راكي وراجللك ربي يخليهوللك والباقي ربي يهديهم
توحشتكم انا الي مزعفتني ومقلقتني هاد الدوا يشد 5 شهر وانا نتعالج ااااااااااااه صافي يلحق عليا العام الحجديد
كنت في دارنا ماقدرتش نشوف راجلي واش ندير ربي معايا ونشالله ربي يفرج عليا وعليكم

[ام صفاء]

البردقوش ؤهدا يتباع في الجزائر وعندمن عند الصيدلية ولا وين