احلى عراقيات حوامل ...... تفضلوا

طوق الياسمينة · 09-10-2013, 10:04 AM

صباح تلورد حنوشششششة
شلون النونو الحلو حبيبيتي شكرا على الدعوة الحلوة ويارب يوم نفرح بيج وبسلامة النونو ويكبر وتشوفين جهالة

طوق الياسمينة · 09-10-2013, 10:11 AM

صباح الخير اروى ويارب يتمم حملج على خير ان شاء الله
علاية لحبي لتخافين اني جنت كلشششششش خايفة طلع فد شي كلش سهل والحمد لله وانتي من تسويلج الاشعة الدكتورة لتباوعين عليها..اني الدكتورة انطتني ابر مسكنة قبل نص ساعة من الاشعة بس وراها بيومين بقى عندى لعبان نفس ودوخة بس الم ماكو والحمد لله ..كالت الدكتورة ماافضل يصير حمل بالهل شهر لان تاثير الصبغة موجود...بس اني ضايجة دكتورتي كلسع تكلي شي مرة تكول عندج ضعف بالمبايض مرة تكول عندج تضخم بالمبيض الايسر ومرة تكول عندج تكيس ومرة تكول لا بسيط...هسة انطتني منظم دورة+ كلوميد ..تحاليل زوجي الحمد لله مابيها شي..بس هو ديضوج كلما انروح للطبيبة لان يرجع من الدوام تعبان كلش وبنفس اليوم نطلع ومرات احسة متكاب..ياربي اني وياج تصير سهلة علينا ونفرح عن قريب ..ادعيلج من كلبي

طوق الياسمينة · 09-10-2013, 10:16 AM

مبروك سيلا على نجاح زوجج الامتحان مال شنو؟؟...تسلمين على الدعوة الحلوة ويارب تجيبين بالسلامة وتمام الخلقة يااارب

حلمي بطفلي · 09-10-2013, 10:24 AM

ياسه حبيبتي شكرا علدعوه الحلوه الله يرزقج بالولد الصالح هلشهر يارب بالنسبه انو كلتلج لاتسوين حمل هلشهر علمود الصبغه فماكو هيج حجي اني اعرف هوايه بنات سووها وبنفس الشهر صارو حوامل وجابو اطفال سليمين بعد وين هلحجي وثانيا هيه مطيتج كلوميد يعني لازم يصير جماع لان اذا ماصار رح تكون مكبره البويضه علفارغ وهلي موزين فاذا زوجج سليم وانتي بس عندج ضعف فهذا منشط وويه الصبغه باذن الله احامالية الحمل كلش جبيره فهلشهر لتفوتيه ويارب يصير حمل

طوق الياسمينة · 09-10-2013, 10:40 AM

والله حنوشة الدكتورة كالت هذا الشهر اسوي الصبغة والشهر الجاي اخذ كلوميد من 3 يوم بالدورة...بس اشو البارحة من رحتلها كالتلي احنة متفقنة هيج كلتلها انتي كلتيلي حتى ضجت من ناقضت كلامها..وكالتلي انطيج جدول حتى تعرفين الاوقات والبارحة كالتلي ماكو داعي كيفج ...بعد اني مراح اسوي هذا الشهر شي واخليها على الله من الدورة الجاية اخذ كلوميد...ويارب يكون شغلها مضبوط ويصير حمل سليم

redrose82 · 09-10-2013, 10:54 AM

صباااح الخير بنات. ...
خبر عااااجل. ..

امس منوش دزتلي رسالة خاصة بالليل. .تكول عندها الم ويمكن ولادة. .....
وماكدرت ادخل للمنتدى الخط انكطع. ....
ادعولها بنات. ..ولو هسة بلكت جابت. ..بس اذا بعدها ادعولها الله يسهل عليها

حلمي بطفلي · 09-10-2013, 10:57 AM

ياسه حبيبتي كلهن يشلعون القلب ويناقضون بكلامهم بس نصيحه الي تشوفيه صح سويه لتسمعين كلشي منهم وتصدكيه والله لو منج اخذه واسوي هلشهر مافوته لان شفتي ناقضت كلامها بس اني اعرف هوايه بنات والله بنفس شهر ااصبغه حملو فسوي الي عليج والباقي على الله

redrose82 · 09-10-2013, 11:11 AM

انا دعيتلها وخليت كف مريم بالمي بلكت تجيب بسهولة. ..... والله بالي يمها وكلش قلقانة عليها بودي لو اعرف رقمها جان اخابرها. ..

حلمي بطفلي · 09-10-2013, 11:22 AM

علايه صباح العسل عليج ... يا الله يارب بحق محمد وال محمد تجيب بالسلامة وساعة سهلة ومنسيه يارب

بس هاي شلون مال كف مريم متعلميني عليها وشلونها مجربه

redrose82 · 09-10-2013, 11:27 AM

هلو حنونة كف مريم عشبة يجيبوها الحجاج وياهم من مكة ويمكن موجودة عند الطار نخليها بالمي للمرة من تطلك واكو ناس يشربوها من المي حتة تسهل عليها الولادة وهي يابسة مثل ايد مسدودة ومن تتخلى بالمي ترجع تفتح مثل ايد مفتوحة. وتدعي. .....انا اخليها لخواتي من يجيبون ..وهسة خليتها لمناوي. ....والله كلبي يمها وكلش مامستقرة اتمنى اسمع خبر جابت بالسلامة وارتاح
بنات ادعولها وصتني اكولكم. ..ياربي يسهل عليها بجاه محمد وال محمد. .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حوامل السنه الجديده تفضلوا 2013 حصريا	حياتي توأمي	منتدى أعراض الحمل والوحام	67	04-25-2013 02:41 PM
وصلت المينى جلابيات الجديدة يا حوامل @@@تفضلوا	cute rouma	منتدى السوق التجاري	7	02-27-2013 12:12 PM
حزب حوامل شهر 12 تفضلوا ....	mama2013	منتدى أعراض الحمل والوحام	35	01-23-2013 01:25 AM
حوامل الشرقيه تفضلوا هنا	تــــرف	إستفسارات المستشفيات و عيادات نساء وولادة	22	07-18-2012 07:38 AM
حوامل تفضلوا نتناقش في لبس فترة النفاس ( الاستقبال )	سماء ثامنه	منتدى فترة النفاس	27	04-07-2011 02:38 AM