دردشة بنات العراق, دردشة حوامل العراق , تجمع بنات العراق

[عسل بغداد]

صباحكم خير وسرور ماشالله اليوم هاجمه الشطاره فد هجمه اني كاعده من وكت بس كلشي ممسويه بس ريوك

[عسل بغداد]

زنوبه حمدلله على سلامه زوجه اخوج ومبروك البنوته تتربى بعزكم ودلالكم *هاي ام الوكاحه متوب كل يوم مسويه سالفه ام الصلخخخخخخخ*رحوبه عاشت ايدج عالحلويات *

[زينب السعدي]

هلو فوفو وسجاوي شلونكم
حلوة سجاوي كاعدة من الصبح تالي ممسويه بس ريوك يعني مثلي ...اففففف احس روحي كسوله وورايه كومة شغل بانتظاري
فوفو اليوم حلمت انتي مسويه فطائر باللحم ومنزلة صورها بالمنتدى بس شنو تخبل تشهي ماكو هيج وكانه زوجي كاعد يمي وشافهن اتخبل عليهن وكالي هسه تسوين مثلهن ههههههههه تالي هسه من اجيت هنا بالحقيقة شفت امونة مسويه فاطئر جبنه بس لو عدها صور ياريت لو تنزلها
امونة سويتي العجينه نفسها مالتج الخيالية لو غيرها ؟؟؟؟؟؟
رحوووووووووووووب تجنن حلويات تعيش الايد العملته والفم الاكلها اموت عالدارك جوكليت

[زينب السعدي]

تسلمين قلب ام علاوي يوم اللاج تكومين بالسلامة انتي والبيبي
صدك سويتي اختبار جنس الجنين مال المقص والسكينه دسويها خلي نشوف شيطلع

[عسل بغداد]

الله يسلمج حياتي يوم الج ماكو احد يمي حتى اسويها وزوجي اذا اكله هيج يضحك عليه يكلي هاذي كلها خرافات

[فوفو العراقية]

هلوووووووووو زنوبه حب
شلونج
احلامج حلوة بيها اكل شكلج نمتي وانتي مامتعشية زين
بعكسي البارحة انتخمت
واليوم حرمت ههههههههههههه
مممممممممممم فطاير لحمة لو فطاير لحم دجاج اطيب لان ماحب لحم الاحمر

عسوووووول هلو قلب لب
شلونج؟
صباحج فل وياسمين
شلونج ام كرش هههههههه
مثلي ممركزة الا على اكلات رحوب ههههههههه

[ام نورهانه]

ها ولجن هلهلن واخيرا كعدت نورهان خانم العوبة متكعد الا ويا اذان الظهر
وصديقتي خابرتني كالت هسة اجيج ولسه ماكو


زنوبه تتربي بعزكم البنوته الجديدة وحمد لله على سلامة زوجه اخوج هي والبنوته

[مجنونة بحبها]

مره ثانيه صباح الخيررررررررررررررر



ايه هلو قلب الله يفرج همج ويفرح كلبج
انا رجعت من يوم السبت بس انتي ماكووووووو
شلونج وشلون يوسف حبيب قلبي




رحااااااااااااااب يله انا مااحب افارق بنتي يله خلي يجي هنا محمد كعيدي عوووووووووووع
اشكد اكره الرجال الكعيدي بس يله انسويلهم مشتمل ونكعدهم بس اذا كتلت محمد
انا مالي شغل بنتي وكحه وكحه مووووووووووووووووووت

وشنو هاي الحلويات ووووووووووووواو مبدعه بس ماتكولين تخافين نحسدك
الف عافيه على قلوبكم


ام نورهانه ياريت لو يمي واطبخلج اطيب باميه بضلوع غنم وانا هم سويت وياها لبن
وخضرورات وحامد يحبها تشرررررررررريب يمي يمي


زنوبه حبي حمدلله على سلامه مره اخوج ويارب يوم اللج
ونفرح بيج
اي العجينه هاي الخياليه بس الفطاير مصورتها لان من الفرن كبل قدمتها
لحامد وكماشه بس تخبل صارت ولهسه انا متخومه منها رغم اني اكلت قليل بس هيا تشبع


عسوله شلونج قلب اخبارج


فوفو تعالي انطيج شويه ركي لان بنونه تحبها ومتقبل انطي منها هع هع هع


مي حبي شلونج وحمدلله على سلامته بروره
الحمدلله من اطمئنيتي عليها
وعن كماشه وبنتها فطنشيهم كلهم هيج وداعتج
هاي بنونه وهاي صورها وهما بس يعيبون عليها وانوب يسموها
وصيفه يكولون مادري عليمن طالعه سوده هههههههه
رغم اني انا وابوها بشرتنه حنطيه وبنونه مثلنا
وانوب يسمنها القزمه وهنا وحدتهن طولها شبر
انا من يكولن قزمه كتلهن منين تطلبها من ابوها لو من عماتها ههههههههه
واسكتهن هع هع والتدخل حدث ولا حرج بلصغيره والجبيره
العام من رحنه لسوريا وجانت كماشه وبنتها ويانا بنونه صار عندها اسهال
خفت عليها وهنا يكولن مبيها شي وكضن وانطنه حبايه تمسك بطنها اتكرمون
بس مو مات اطفال مات كبار وانوب بنونه ماتت من البجي والالم
وابوها التحفه ميروح يحجي ويه اتخه لان شربتها اجه تعارك وياي يكول
شلون تشربيها الطبيب يكول زين مموتوا البنيه اوووووووووووف قصص
شسولفلج الحمدلله على كل حال
يارب يارب يشافي بروره وينطيج وينطيني الصبر

[مجنونة بحبها]

هلا نفوله انا بنونه تكعد من الصبح اليوم بالسته ونص كعدت
بس انيمها الساعه عشره حتى تاخذ قيلوله ولهسه نايمه شويه وتكعد

وهاي وين صارت صديقتج خاف لزمها ازدحام ههههههههههههه


صح اليوم سويت تمن بالباقلا وسمك ولبن وتمر وسلطه

[زينب السعدي]

خلي علاوي يسويلجياها لو الجيران لو من ترحين يم اهلج
اذا سويتيها انطينا خبل
صدك الحلقة والزنجيل طلعلج ولد لوبنت