دردشة بنات ليبيا , دردشة حوامل ليبيا , تجمع بنات ليبيا

[أم سعد]

حتى باربي غدوة تو نكلم صاحبتي نجيبلك النعتة كان ماحصلتيهاش من البنات

[ام معاد]

الحمد لله

[عيون زوجي]

المحل اسمه العالميه في نفس الشارع يلي فيه محل حنين متاع الاطفال في عمارة كبيرة فيها محل كبير للخزنات توقفي قدام هالمحل بالزبط وتسئلي لان محل العالميه لاصق في هالمحل بس يفتح على شارع تراب مش عالرئيسي
ويبيع في كل مايخص الكيكات باكوات وعجينة اللوز وعجينة السكر والالوان والشكولاطات وقطاعات وكل شي للكيكات

[ღॐ آية ღॐ]

يبارك فيك ام سعد وعقبال ما تفرحي بصغيويرتك

[ام معاد]

حقا يابنات امبكري شوي اختي دارولها عملية وطلعوا العيل وتوا هي اكويسة والحمد لله علي سلامتها

[ام وسونة]

عيون بالنسبة للماكياج سالت عليه قالتلي اللبناني ب65 والخليجي ب85

والنعتة في الظهرة في شارع خالد ابن الوليد بحدا ملعب البراوية متع الكورة مقابله الشارع

اللي تخشي منه لصالة الغزالة سابقا

[عيون زوجي]

مشكورات يا غاليات

[عيون زوجي]

السلام عليكم
اليوم اتصلت بمركز فاطمة شعيب والاسعار كالتالي
بوديكير و مونيكير ب 140
تنظيف بشرة ب 80
شمع وجه وحواجب ب 30
مكياج وتسريحة مدامات ب 300
...عروسة ب850
استشوار 30

مزين لمسات
بويكير ب و مونيكير ب 55
تنظيف بشرة ب 30
شمع وجه و حواجب ب 10
مكياج وتسريحة مدامات ب 100
عروسة ب 350
استشوار ب 10

حبيت نفيد البنات

[أم سعد]

أوكي عرفته .. جنب الصيدلية وفي صالة مناسبات غادي والا ؟؟ .... شن جربتي منه ... وشن تنصحيني مانشريش منه

وعجينة اللوز كيف يبيع فيها ملونة والا كيف ؟؟؟

[ام وسونة]

معناها محل العالمية في جنب محل خزائن جحيدر اللي مقابل عمارات المبيت سابقا