تجمع حوامل العراق واتمنى اكو احد موجود

[kokee]

ميخالف ايه بالهداوه كليلهم صلختو الجاهل مو هيج
وهاي حماتج اني منج احاجيها حتى لو بالشقه
ميصير هيج مباويتكم وكاعده ادري ماكو احساس
ولو هوه المفروض رجلج يحاجيها وهيه اخته يمون عليهه ويكله يلا خالي تدعبلي منا
رجال ومرته شو نابصه بالوسطه

[توتايه]

بعده مطلع تعيينج؟

[kokee]

محد مرتاح كل واحد همه لون
منين تجي راحة البال ياربي

[توتايه]

اوووووووف خليتها على الله

[kokee]

لا والله ايه كلشي ما طلع
حاولت واسطه دفعت فلوس ردت عالجت كلشي ماكو
المصيبه حماتي تداوم بغير بالحله تجي ب3 ونص تنام لل7 بليل انوب تلزم الارضي تدك فج تلكه عشاها حاضر تتعشه تكوم موبايلهه تلعب بي وتنام
والمره تداوم لان مشرفه تجي ب2 تلكه الغده حاضر تغده تنام تكعد العصر تطلع لو لسوك لو اهلهه لو اختهه تجي بليل تلكه الشعه حاضر لان عمي رجال مريض يريد عشاه من وكت وفواكهه ابني ماطيني مجال ابد يبجي يريدني مكابلته وكاعده
وداعتج محد مرتاح وماكو احساس

[توتايه]

زين ماطول مشرفه ليش متشوفلج تعيينج؟

[kokee]

وحده من البدايه تشرط بيت وحدهه عسى ما 50 متره وتكعد وحدهه راسهه بارد هواي احسن من العيال ومن دوختهم

[kokee]

يا تشوفلي تعيين هيه ترديني ابقه بالبيت من وره النق مالتهه حتى تعييني ما يطلع

[kokee]

البارحه كعدت الصبح من كابوس كانما افتر بالمكبره خلصت الحلم افتر بالمكبره وشفت ناس دفنوهم كدامي من ضمنهم امي واني ابجييييييي
كعدت مخروعه نزلت البيت هوسه وطافيه الكهرباء وابني يبجي
بجيت بجي لحد ما نشف مي راسي
كلت الحمد لله ياربي من دلال اهلي جنت اكعد ب3 الظهر هاي تاليتي

[توتايه]

يبووووووووووووووو هاي شلون لغوه اي عفيه دخيلج حتى لو 50 متر المهم الواحد راسه بارد واكله زين