دردشة بنات ليبيا , دردشة حوامل ليبيا , تجمع بنات ليبيا

[ام معاد]

هي لتعبها وتشحيطها بكل لكن منظرها يهبل , اسمعي ياعيون كيف ننقل موضوع من منتدي لمنتدي وفيه صور درت النسخ واللصق لكن الصور مايبوش يطلعوا وسامحيني كان وجعتلك راسك

[أم السنافر]

صحة صحة السلاطة المشوية اللى طيبتوا اليوم

انى ماطيبتش عشى بنمشوووها خفيف خخخخخخخخخخخ انى من اللى حملت نقصت عشى على خاطر يتضايق فيا ههههههه

الصورة متع القفطان انزله غدوووا ام معاد ان شالله لانى لابساته توا ههههههههههه قيسته ومعاش حولته ضرورى يشوفه الاستاد اللى عندى

وبالنسبة للمكان شريته من شارع ايوان بن عاشور من محل اسمه دريم و125 دينار

والمناسبة عندى لمه غدوا

خههههههههه تقرير كامل

[عيون زوجي]

المفروض يطلعوا بس النت عندنا اضعيف حتى اني امس صارلي هكي نحسابه كتيبه بس بعد 10 دقايق طلعوا الصور بروحهم

[أم السنافر]

[عيون زوجي]

مبروك اعليك وتبيديه بالهني مع انه احني الليبيات ما انبيدوش لبسه واتنين ويلبسه الدولاب لين اطيح موضته

لازم غدوة انخش النت نلقى الصورة قدامك حي اعليك كان تنسي

[ام وسونة]

صحة ياعيون لكن نبيك تبعتيلي طريقة الكب كيك عالخاص وطريقة الكريمة

مادخلنيش فيك هههههههههههههه

[عيون زوجي]

هدا الكب كيك يلي درته اليووووووووم ان شاءالله يطلعوا الصور وما يتكرروش هلبه مرات نزلتهم على صفحتي عالفيس ومنها انسختهم اهنايا

[عيون زوجي]

طريقة الكب كيك لازم يكون عندك طاجين زي هذا قبل كل شي

[عيون زوجي]

مش كاتبه الطريقه لين تقولولي شنو رايكم؟؟؟

[أم السنافر]

من عيووونى يا عيوووون

لكن ماشالله الكب كيك شكله يهبلللللللللللللل

مانحصلووش طرف