دردشة بنات ليبيا , دردشة حوامل ليبيا , تجمع بنات ليبيا

[شموسه 88]

ماشالله عل افكارك الحلوه جيجي ربي ايهنيكي بيه اتا المخطاطات هذينا ان شالله انديرهن لما نبني بنيت العمر ان شالله تو مازلت في شقه 3 اديار او صاله اوصالون او مربوعه مطبخ او حمامين وانحس في روحي كل مره نبي انغير حاجه يعني مازلت ماشبعتش

[شموسه 88]

اليوم نضت بدري او زوجي جاه صاحبه في صبح درتلهم فطور "سفرة الصباح يا سوسو" هههههه مالحقتش اندير بسبوسه زوجي تاكا خذا فاكهه اوعصائر اوخلاص او تغدينا فلف محشي او بطاطا امبطنه او رز بلتقليه :بلبصله" او في العشيه مشيت انا اوصبيتي "العروس اكيد حفضتوها اه صبيتي يعني اخت زوجي مشينا لمرا لي اتدير في موالح اليوم دايره تشكيله قالتلنا تعالن ضوقن روحنا ابطبق كاملا بجد اشكال حلوه اوغريبه روحنا لعند توا اخترنا 3 انواع سلايط او 3 انواع موالح او 3 مقبلات او شيز كيك وابجد حاجه حلوه مازل حلو لقهوه او خشينا لمحل الفيلوات تفرجنا عل الفيلوات الله يابنات اسهفت عل الفيلو جاني شعور غريب مش عارفه ليش بس مازلت ما شرتش

[جوهرة ليبيا]

السلام عليكم ورحمة الله وبركاتة

كيف حالكم اليوم كلكم ان شاء الله بالف خبر ياااارب

[جوهرة ليبيا]

حذفت الرد لاني حسيت اني موصلتش اللي نبية وانحس بية مع اني كتبت اللي نقدر علية

بنات انا انسانة حساسة بدرجة كبيرة يعني تتوقعوا نبكي لو حد كتب رد عادي ايحرجني حتي لو مايقصدش


سلام

[شموسه 88]

المشاركة الأصلية كتبت بواسطة جوهرة ليبيا

بنات انا توة عرفت علاش راجلي مايبينيش انصور حوشي وقفاطيني تجنبا ان يقعد في خاطر وحدة وبغض النضر علي ماديات كل وحدة لاني انا نفسي انسانة بدخل متواضع لكن ممكن وحدة تحرم نفسها باش تقدر ادير الحاجات وانا والله مانبي هكي
وكان نلقي كل وحدة ادير افكاري واحسن بهللللبة ويااااارب منكونش قصرت اوضايقت وحدة واعذروني

السلام عليكم ورحمة الله وبركاته

ربي ايهنكي ابحوشك او قفطينك بلعكس نحنا انحبوا نستفيدوا من افكارك بس علاشان الوحد لما يبني بنيت العمر يتعلم اويستفيد من افكارك
مفهمتش شنو لي خلاك اتحسي انك ضيقتي واحد اوحسستيها ابضعف حالتها المايده او نحنا الصبايا ديما انحبوا التغير في الاثاث والديكورمهما كانت الحاله المايده بس كل مكان له حاجه اتناسبها

[شموسه 88]

[QUOTE=جوهرة ليبيا;3183714]حذفت الرد لاني حسيت اني موصلتش اللي نبية وانحس بية مع اني كتبت اللي نقدر علية

بنات انا انسانة حساسة بدرجة كبيرة يعني تتوقعوا نبكي لو حد كتب رد عادي ايحرجني حتي لو مايقصدش


سلام
انتمنى انك ما اتزعلش روحك ياجيجي انتي كتبتي وانا رديت عليكس بحسب ما عطاني ربي من عقل اصلا الغرض من التجمع الاستفاده بلعكس انا انحب الحاجات هذينا او جو تصميم والديكور اونا حبيت افكار اوعجبني ان شالله ربي يعطينا وانديروا زيك

متزعلش روحك واردبالك تبكي يابكايا

[جوهرة ليبيا]

جنودة افكارك روعة وان شاء الله في ميزان حسناتكم

بنات لو تتفكروا اول ماسجلت قلت اني عندي شهادة من الاوقاف في حفظ نصف القرآن (الكهف)
ووصلت في الحفظ الي ثلث ارباع القرآن (الاعراف) يعني شوفو قداش مازالتلي ونختم لكن تزوجت وتوحمت علي طول والجامع بحدا حوش بوي هي مدرسة قرانية كبيرة في سوق الجمعة والحمد لله عندي اكثر من شهادة في مسابقات كبيرة وتقدير ممتاز لكن هذا كلة بح بعد الزواج والله يابنات توة لما نراجع نلقا في نفسي ناسية هلبة ايات لكن احكامي الحمد لله نتمني نلقا وحدة تراجع معاي عالاقل الربع (يس)

وربي ايقدرني علي مراجعتة وكل مانتذكر عقاب ناسي القرآن يقشعر جسمي وانحاول انراجع

الحمد لله حتي راجلي حافظ لنصف القرآن ويتقن احكامة وتلاوتة كامل
لكن صعب انراجع علية نقعد نضحك ونرتبك ونغلط وووووووو


ادعوا لي بنات ربي يقدرني علي مراجعتة والعمل بية ياااااارب

[شموسه 88]

الحمد لله لياكم اليوم مااتجش ال9 الا وانا نايضه اليوم الصبح غسلت فرشه المطبخ او نزلت الستاره اوغسلتها اودرت برمه عل الساس اودرت غداي كسكسي بلخضرا وامسير اممممممممممممم اوفي العشيه بلكي نبي نمشي لعزا مرات صاحب زوجي متوفي بوها

[ام معاد]

السﻻم عليكم

[جوهرة ليبيا]

وحسستيها ابضعف حالتها المادية<<<شموسة

انا هالجملة حسستني اني مغرورة وان فيكم من حالتها ضعيفة مع اني كتبت بغض النظر عالحالة المادية واني انا من الدخل المتواضع جدا
ونتمني الناس كلها احسن مني في الدين والماديات وربي ايزدني في طاعتة واللقمة الهنية ياااارب