تجمع حوامل اللي موعد ولادتهم في شهر جمادى الثاني1433 ‏ه

[fufualmoon]

المشاركة الأصلية كتبت بواسطة حزن الليل

طبيعي جدآ...
الله يعينك
على قولت الحريم الكبار
الي وحمها يطول للرابع ولد
الله يقومك بسلامه
بما انه اختفى اسبوع انشاء الله بيختفي قريب

تسلمي يا الغلا
والله حتى انا حااسة انه ولد
وزوجي يقولي لا بنت
ان شاء الله الشهر الجاي بتأكد من الدكتورة

[fufualmoon]

بنات السوق كلله لبس شتوي
وانا موعد ولادتي حيكون دخول الصيف
ما يحتاج ابد اشتري ملابس صوف او قطنية يادوب المهاد بس
متى يخلصو هذه الدفعة من الملابس
ويجيبو حق الصيف ؟؟؟

[مخملية عين]

مرحبااا بناات اناا ولادتي حتكون في شهر 5بإذن الله ..


حبيبتي لاتستعجلين بدري على التجهيز .

جهزي على لين دخلتي السادس ..

وتوونا ماراح تنزل الصيفي الا بعد شهر 3اتووقع..

[حزن الليل]

انتظري الى السابع بعدين جهزي لان رح تنزل الملابس الصيفيه

كلها شهرين وينتهي الشتاء يازين البرد

اما الصيف الجنوب يموووووت حر

[fufualmoon]

مخملية _ حزن الليل
شكرا ع الرد :)

[نمولة]

مرحباااااااا
كيفكم وكيف اصدقاااء جنيني
انا الحين كملت اسبوعين من الرابع
مارحت راجعت في الشهر الثالث بروح بعد اسبوعين وان شاء الله تقول لي عن جنس الجنين

اما من ناحية السوق مريت كم محل اتعرف على البضاعة والاشياء
شريت(ملف - ثلاث بروبتوزات - ومشط جمييييل اعجب زوووجي والا ياخذه وقلت له اخذه عن نفسك هههه- واي لعبة تعجبني اخذها على طول -ووو)
وبس

الاماكن الي رحتهم في الدمام
مولودي:اعجبني سرير قلت يمكن اخذه من عنده مستقبلاوعجبني عنده اطقم مفارش الاطفال قمااش اسباني وخياطة المحل بس كل اقمشته رسومات وانا نفسي في مقلم وسادي ان شاء الله
بيبي هاوس: فيه غرف كاملة بس احس مايساهلون سعرهم
وعنده اطقم حاملات وملفات وجلابية وقبعة كلهم اسباني قلت باخذ واحد
واخذت منه ملف هندي
ورحت جود بيبي - وكم محل ما اذكرهم

بشكل عام اغلب بضاعتهم سوري اختي جربت طقمين بسرعو يختربون ويكبون صبغ فصرت ادور الاوربي والهندي والتايلندي والماركات الصينية بعد الامتحانات بدور في المجمعات

[حزن الليل]

نموله مشاء الله عليك

جهزي حبه حبه ههههههه لا تطفرين وتفلسين زوجك

اما الملابس افضل القطنيه 100% مريحه لجسم الطفل حتى فلغسل

انا المره هاذي مو متحمسه اقضي الا لما اتاكد من جنسه جنيني

بسابع او سادس ابدا اجهز

................


بنات هاليومين فيني ارق مو طبيعي انام بس 5 ساعات او 4 وصحى

قلق والله النوم نعمه

[fufualmoon]

حزن الليل كم لكي الحين
لانه نومي مثلك ما صرت انام كثير
انام الساعة 2 ولا 3 في الليل
واصحى 7 الصباح واقعد اتقلب واتقلب حتى الظهر
فيني نوم وتعب بس ما اقدر انام

[حزن الليل]

لاحول الله نفس وضعي
والله اهلك نفسي بشغل البيت واخترع شغلات ابا انام هلكانه

بس للأسف استغفرالله
البارح نمت 3 وصحيت مع زوجي س8 لما داوم وعليها الى الان
ارق مو طبيعي

انا لي اسبوعين بالرابع مثلك تمامآ

سبحان الله كنت الثلاث الشهور الاولى انام من س12
ومن دخلت الرابع هذا حالي
مدري من الحمل والا نفسيا؟؟


يارب يسير لنا انا وانتي نومه هنيه

[fufualmoon]

المشاركة الأصلية كتبت بواسطة حزن الليل

لاحول الله نفس وضعي
والله اهلك نفسي بشغل البيت واخترع شغلات ابا انام هلكانه

بس للأسف استغفرالله
البارح نمت 3 وصحيت مع زوجي س8 لما داوم وعليها الى الان
ارق مو طبيعي

انا لي اسبوعين بالرابع مثلك تمامآ

سبحان الله كنت الثلاث الشهور الاولى انام من س12
ومن دخلت الرابع هذا حالي
مدري من الحمل والا نفسيا؟؟


يارب يسير لنا انا وانتي نومه هنيه

امين يااارب
حاولي تنامي كل ما يجيك النوم
انا صار يجيني نووم بع العشاء ولا العصر
استغلها وانام لي ساعة ولا ساعتين واقوم
صح انها غفلة تقومي منها مكسسسسرة من كل مكان
بس خلاص اروح اكل واتنشط شوية في الحوش
ارجع زي الفل
الله يسر لنا حملنا
وكل حاامل ان شاء الله