اهلا باهل الجود والكرم **اهلا بسيدات ليبيا**

[اوشي]

بكرة عندي لمة ومحتارة شن نلبس ..

وراجلي بكرة ماسك في محطة التحلية يمشي السبعة يروح 12 في الليل

يعني بنمشي علي كرعي هذا اذا كان الجو مش مطر

[اوشي]

باهي حبيباتي تصبحن علي خير

[جوهرة ليبيا]

مشكوره اوشتي عالنصيحه

وشكلها زي اختها تبي ترضع سنتين طبيعي وبس والحمد لله المهم صحتها كويسه واحتمال نرفعها الاحد نكشف عليها

عويناتي ياغاليه قاعدات ولله الحمد علي كل حال

هما حمر شوي ولما انركز في حاجه يتعبوا ومنحكش فيهم الحق

[جوهرة ليبيا]

وانتي بالف خير

نوم العوافي

[جوهرة ليبيا]

استودعكم بالله الذي لاتضيع ودائعه

والسلام عليكم ورحمه الله وبركاته

[جوهرة ليبيا]

السلام عليكم ورحمه الله وبركاته

اليوم اني ناااااااشطه فتحت التجمع





منو تشرب معاي القهيوه او نسكافيه

[جوهرة ليبيا]

يارب اتكونوا كلكم بخير

اليوم باذن الله غداي عصبان لعيون زوجي الغالي

مع اني مش امجهزه شئ بس لان خاطره فيه قلت عادي

وقالي خودي راحتك حتي ناكلوه في الليل

اليوم الجو ماشاء الله فتحت الدنيا كلها وكملت حوستي وبخرت الحوش وصليت وبدلت

وبنرقد جمون باش نفضي للمطبخ ورنو وزوجي قالوا بيسعدوني ههههه ربي يحفظهم

طولت عليكم


بننااااااااااااااات فيه صور حطيتكم قلت لاثري منين الحاجات الحلوه وماعلقتوش

طبعا هذاك كان عشي جمونه لكن الصوره الاخيره لاااااا درت بدلها كباب بالفطيره

وهلبه حاجات متعلقوش عليهم مع اني والله انعلق علي كل شئ وندعيلكم الا لو نسيت


لكن معليش معذورين <<<وحده حرجانه هههههههههههه انبصر

[fefe93]

السلام عليكم
كيف حالكم بنات
سوسو مبروك ماشريتي و تبيدهم بالهناء
جيجي انشاء الله لاباس عليك
عندي موعد يوم اتنين المره هادي الدكتوره بتشوف ادا عندي سكر الحمل اولا
تعرفوا بنات وليت انحس في روحي تقيله وندهش بسرعه هدا قاعده في سادس مش عارفه كيف بيكون وضعي في تاسع انشاء الله خير
ماما قتلي تعالي جيبي في ليبيا بس اني قتلها لانه انحس في ليبيا مايهتموش هلبه بالي اتجيب لكن اهني في المانيا اهتمام هلبه اني لما نمشي للموعد متعي نبدا مرتاحه والممرضات مهتمات بيا و حتي الدكتوره لما درلي في جهاز تبدا مهتمه وتوري فيا في كل شي

[هدية الخالق]

السلام عليكم ورحمة الله وبركاته
كيف حالكم اليوم
كيحالك جيجي وكيف حال البنوتات الحلوات وصحتين العصبان علي قلوبكم
سامحيني بالنسبة للتعليقات والله العظيم في بالي منقولك علي جمونة ان شاء الله خير والله ماعندي عليها فكرة لانه اني عندي سما مدمنة شيشة فمانقدرش نفيدك اكيد بس ان شاء الله ترجعلها اريح
وكلا عالعشي والله الا ناوية منكتبلك لاني عرفته عشي اللمة طول من لما قلتي لاثري عليه وعرفته من خلال الاصناف ذكرتيهم قبل وتعرفي حتي سفهتني السلة الحارة ودرتها هههههه لكن بقوالب الكب كيك علي شكل وردة لاني ماعنديش قوالب السلة
المهم ماتحرجيش والله العتب عالذاكرة زهايمر مبكر علي قول فروسة وزايدة شيرتي مدهوبة من سوما سلامتها زي توا نكتب وهي تعيط وتشح فيا مش عارفة حتي الكتابة شن شكلها صح والا
شادة فيا من وراء وتبي تاكل شعري ههههههه ولما ماخليتهاش قعدت تعيط مش عاجبها الاخت هههههههه الله يهديها وخلاص
فيفي كيف الحال ان شاء الله لاباس عليك ديما اول حمل تحسي بتعب وثقل كأنك في الشهر الاخير لانه جديد عليك مش مجربة قبل تو في الثاني ان شاء الله يكون عادي الوضع متعودة ...علي اساس مجربة الثاني اني هههههههه هذا كلام راجلي ليا
اوشي كيف حالك وكيف حال الصغار وشن صار مشيتي للمة اليوم سامحيني امس سلمت وطلعت عالقة امس نحوس عالعشي مدايرة رشدة كسكاس اني دايرتها في الحوش مش واتية دهشت وضهري انكسر من التطبييس عليها وزيادة دايرة هلبة رياضة امس ماجاش الليل الا اني هلكانة عالاخر
وسلمك نشادة علي سوما باهية والله شن منحكي قاعدة حركية سلامتها زي قبل واكثر مع انه راجلي يقول في العكس يشوف فيها هادية قلتله انت وين تشوف فيها كان في الليل اكيد بشوفها هادية لانها تعبت من الشقاوة في النهار هعهههههه مافوق حتي العشي نتعشوا والسفرة في حجرنا ياويلنا لو فكرنا ناكلوا عالوطاء تجي تتجري والله لينا شهور علي هالحال نجيب السفرة ونقعمزوا عالكنبة والسفرة في خجرنا والا علي رجلينا وشوفي المنظر عاد والله مانحس بيه العشي الحمد لله وخلاص
وطبعا تعودت عالنوم جنبنا وانوض الصبح نلقاها نازلة من السرير بروحها وطالعة للصالة لبوها اليوم استغربت خيرها قاعدة جنبي في الدار اني نسقد فيها من باب الدار نبيها تمشي لبوها في الصالة وهي توليلي وتمتد جنبي ولقيتها واخدة اللوشن امتاع الجسم نحط فيه جنب السرير ندهن بيه في الليل لقيتها طايحة فيه لحقتها في اخر لحظة قبل ماتاكله استغربت وين بوها ماجاش اخداها مني طلعت للصالة لقيته ماشي بكري سلامته واحني راقدين
فروسة كيف حالك اليوم والحمد لله اللي حصلتي رقدتي طيب فيك والله الا صعب قلة النوم كان الواحد قدر يقاوم يومين وبعدين ينهار عاد كل شي الا النوم كيف بتقدري تعولي علي عويلتك كان مش راقدة ومرتاحة ربي يآجرنا وخلاص
سوسو مبارك ماشريتي وماشاء الله تدهويرة حلوة ان شاء الله دوم
حتي اني اليوم خاطري منطلع منتفق مع صاحبتي الليبية ومنمشيلها في جنبهم مول كبير نكسدوا فيه شويةحتي سوما قالقه ليا فترة معاش رفعتها للروضة تطلع معانا كل نهاية اسبوع وخلاص
خولة كيف حالك انستي وين هالغيبة شن صار فيك في اي شهر انتي وقررتي شن بديري في اللمة والا
ربي يعاونك ان شاء الله
اثري وجنودة وامولة وشموسة كيف حالكم ان شاء الله تكونةا بخير
اني سلام توا معاش قدرت نكتب سما تضايق فيا تبي الرضاعة والتغيير طبعا الساعه عشرة ونص كيف حليت عيوني جيتكم طول قلت قبل مانلهي في مشوار الصباح المنوع
هي سلام توا نتلاقوا بعدين

[fefe93]

اهلا هدية الخالق تسلمي و انشاء الله خير مدامه نبي الحمل توا نتحمل هههههههههههه