تجمع الجزائريات المتأخرات في الحمل و أهلين بالتونسيات الغاليات

[om anes]

الحمد لله مريومتي
المرة لي فاتت تقلقت عليك واش قالتلك الطبيبة

[مريم13]

طبيب ماش طبية
قالي البيبي هابط بزاف و برخلو يخبط في رجلي (عرق) علابيها السطر و رجلي تحبس قالي لازم ترتحي و حدو يحكم بلاصتوا

[om anes]

الحمد لله ريحي وحافظي على روحك حنونتي
أنا تاني بالاك غدوة إن شاء الله نروح للطبيبة الدورة الشهرين هدو راهي تتأخر وماعرفتش السبب

[حياتي قمراتي]

اهلا ام انس وشك مزالك في جيجل ؟

[om anes]

أهلا خولة
لا راني في تسمسيلت

[مريم13]

قريت وحدة من لبنات فالت بلي الدورة كي تبدا تهبل معناها الرحم يحوس على الحمل
ربي معاك

[بليدية]

سلام عليكم يابنات بلادي بليدية ترحب بيكم من جديد
اسمحولي كنت غايب لى ضروف
تمنيت نبشركم بي حملي بصح مكتبوش ربي وجاني خارج الرحم
عندي قريب شهرا وانا نسوفري حتي درت العملية نتاع المجهر ونحوهولي
ربي يعوضني انا وكل وحدااا

[اترج]

المشاركة الأصلية كتبت بواسطة مريم13

اتهلاي في روحك و سلمي على داركم

ما زالني معاكم ما خلانيش نروح الليلة
قال ما قال صايمين و ما كانش شكون يدير الفطور

[بليدية]

توحشتكم كامل لبناااات

[مريم13]

المشاركة الأصلية كتبت بواسطة اترج

ما زالني معاكم ما خلانيش نروح الليلة
قال ما قال صايمين و ما كانش شكون يدير الفطور

قوليلو علاش غير انا واقيلا انت طباخة السلطان
انا درك زادت بلوكات رجلي و الله راني في حالة قتلة زعما روح عند يماك اتعشى خاطر قريبة
و انا ما عندي والو ناكلو الطمع راخ يقول درك يفيق و يجيبلي حاجة ناكولها بصح عقلي اللي يعرفوا علابالي ما يديرش عليا و فوق هاد الشيء يجي يحكيلي واش تعشا