دردشة حوامل القطيف- تجمع بنات القطيف

[دلوعة ولد عمها]

شكلة مافي الأاني

ياالله أخليكم أجل بحاول أنام اليوم الأربعاء يعنيورايي قعدة وطلعة من الظهر :)

[ودي اسمع كلمة ماما]

صباح الخير
كيفكم اليوم
كنت اقراء السوالف اللي فاتتني
يارحمة الله الواسعه لا تفكري في الموضوع علشان لاتتازم نفسيتك انا في الشهر اللي حملت فيه كنت حاطه في بالي انها بتجي كل مره احط في بالي اني حامل ويخيب املي لكن الشهر اللي كنت شايله الموضوع من بالي طلعت حامل كنت انتظرها وابو الشباب كل مايرجع من الدوام يقول شكله صار شي الين ماتاخرت 5 ايام واحنا نقول لا يمكن متاخره او مخربطه في الحساب بعدين رحت اخذت تحليل من غير مايدري و حللت تقريبا يوم 10 وقلت له خطين واهو توه جالس من النوم ومو فاهم ويش اقول يقولي شو يعني خطين وانا اقوله خطين وهو مو فاهم قلته يعني حمل قال تمزحي وطلع على الدوام واهو مو مصدق ولمن رجع العصر اول مادخل قال متاكده وقال تدري خلنا نحلل في المستشفى طلع اقرب مو عد بعد 3 ايام واهو على اعصابه ساعه نروح مستشفى ثاني ساعه ناخذ تحليل ثاني وانا اصبره واقوله عمرها ماتاخرت 10 ايام فاكيد هذا هو وذيك الفتره انا كنت مره مشغوله بزواج اخوي فماكنت افكر بالموضوع سبحان الله الدكتوره قالت اهم شي النفسيه وصحيح طلع
المضحك في الامر
ان لما كنا مخطوبين كنت اقوله مافي عيال الابعد سنه والحين صار يقولي اكيد مااخذتي شي لان الشهر اللي كملت فيه السنه الحمد لله صار فيه الحمل خخخ
فلاتحطي الموضوع في بالك وان شاء الله الله يرزقك ويرزق كل وحده تبي يااااارب بحق محمد وآل محمد

[همس الامومه]

هلا كروشات
اخباركم ؟؟؟

شوكليته
واني اقرئ واني شوي وباصيح صحيح تخوف الولاده
بس ان شاءالله سهاله من الله وتجي بنوتتي
الحمدالله على سلامتكم انتي وفطوم

باقي الكروشات
فهوم وشادن ميرندا حتى لي مادكرت اساميهم ابغى اضيفكم <<تقلد هههههه

[مشمر زري]

بس اخلص طبخ باسولف وياكم وحشتوني

[مفاهيم الخجل 2]

المشاركة الأصلية كتبت بواسطة دلوعة ولد عمها

صبااااااااااااااح الخير على الجميع

وسناء ومفاهيم ورحمة الله الواسعة وشاادن تم الأضافة :)

باقي ميرندا ومشمر وشكولاتية ياالله أيميلاتكم بسرعة

اللي رسلو ليي برسل أيميلي بعد أشوي :)

شكولاتية عشت الجو وية القصة صحيح ساعات اضحك ساعات اتغبن
الله يخليهم لش أن شاء الله يارب

مفاهيم غناتي لاتهلوسي واتعبي حالش من هاالمنتديات لة

روحي المستشفى وأقطعي الشك بااليقين

بنااااااااااااااات بجد ضايق خلقي اليوم ماادري علشان اليوم نمت أربع ساعات بس وداني قاعدة
لو ويش سالفتي

يااااااااااارب فرج:(

هلا غناتي ماوصلتني موقلت لش مايوصلوني اضااافااات يقهرني
بس دكوا ضفتش ان شاء الله يجيش الدعوه

[حساويه عسل]

بناات اخباركم .. خواتي حبيت اسال عن ام حسين الدار

لها فتره غايبه عن المنتدى اللي عندها اخبار ياليت تطمني عليها

[مفاهيم الخجل 2]

هموسه اخبارك واخبار البنوته
حتى اني خفت من الولاده بس من شوي اقول يارب متى تجي هلحضه والله مشتاااااقه الى ولدي خلاص ابغاه ابغى اسمع صياحه ابغى احمله يااعمرررري

ميرندا وينش مابينتي يله دخلي

[مفاهيم الخجل 2]

حساويه
والله ام حسين مامرتنا احنا بعد نسأل عنها بس مادخلت واللي تجيب لينا اخبارها ولدت

[همس الامومه]

المشاركة الأصلية كتبت بواسطة مفاهيم الخجل 2

هموسه اخبارك واخبار البنوته
حتى اني خفت من الولاده بس من شوي اقول يارب متى تجي هلحضه والله مشتاااااقه الى ولدي خلاص ابغاه ابغى اسمع صياحه ابغى احمله يااعمرررري

ميرندا وينش مابينتي يله دخلي

الحمدالله بخير والبنوته قاعده تلعب
بس متعبتني النومه على جنب
كله انسئ وانسدح على ظهري احس خلاص بختنق وارجع على جنب مره نومتي معفوسه البارحه
ان شاءالله سهاله من رب العالمين ويسهل عليش وعلينا وان شاءالله مافي شي صعب

[وسناء]

سلام حلوات كيفكم اليوم جبت لكم دعاء لتسهيل الولادة ولاتخافون ربي وأهل البيت معاكم
تراها حلوه مثل شكة الأبرة خخخخخخخخ

يقرأ هذا الدعاء على ماء ثلاث مرات ثم تشرب منه ويصب على الكتف والثدي لتسهيل الولادة (ملاحظةإذا بغيتوا تروحون المستشفى مو من الحين )
(بسم الله الذي لا إله إلا هو الحكيم الكريم ,سبحان الله رب السموات ورب العرش العظيم,الحمدلله رب العالمين ,كأنهم يوم يرونها لم يلبثوا إلا عشية أو ضحها)
_و يعلق عليها (مريم ولدت عيسى ,هو الذي خلقكم من تراب ثم من نطفة ثم علقة ثم يخرجكم طفلاً ثم لتبلغوا أشدكم ثم لتكونوا شيوخاً) و(إن مع العسر يسرا إن مع العسر يصلى )(وصلى الله على محمد وسلم تسليماً)