دردشة بنات المدينه المنوره - تجمع حوامل بنات المدينه

Mon · 12-31-2011, 01:43 PM

مساا الخير ياحواات الف مبررروك للي ولدوا
وعقبالنا يارب نولد بسلامه
انا الاسبوع دا اخلص التاسع بس موحاسه فبوادر ولاده،مادري عشاني بكريه بس احس بالم زي الدوره نفسي اولد بالسلامه دا الاسبوع

مشتاقه لكلمه ماما · 12-31-2011, 03:19 PM

سلام انا عضوهجديده
ومن اهل مدينه الرسول
متزوجة من 3 سنوات ولم يحدث حمل راجعت عند الدكتورة راويه ابو العزم في عيادات محمد كافي وطلع عندي قرحه في عنق الرحم وتكيس مبايض ايش رايكم في الدكتورة راويه ابو العزم الرجاء الرد

الياسمين12 · 12-31-2011, 03:28 PM

السلام عليكم ورحمة الله وبركاته

مساء الخير

ربي يقومكن بالسلامه واللي ولدوا ألف مبروك

اخر طلبيه

مهاد وردي اكثر طلب

وهذا الفستان يلبس من3-6 وممكن اكثر

سعر الفستان130 ريال

زوروني ع مواضيع

احلى ليان · 12-31-2011, 04:33 PM

زحمة مشاعر .. الف الف مبروك ربي يتمم عليكي حملك ويرزقك بالذرية الصالحة انشاء الله واهلن بيكي معانا في كروشات المدينة .
ومنسية بس شقية .. لا تخليهم يكشفوا من اسفل كل ما رحتي اللي اعرفه انو الكشف ده بس في التاسع اما طول فترة الحمل ما ينفع .لانو في حملي الاول من 5 او 6 اسابيع مابان عندي الحمل وكانت الدكتورة حقت الاسعة تبغى تكشف من اسفل وقلتلها لأ.. ولمن رجعت البيت كلمت امي وقالتلي اياكي تخليها تكشف عليكي من الاسفل ممكن يسبب اسقاط او نزيف لا سمح الله دا ما يسير الا في التاسع ومن يومها وانا ماشية على كلام مامتي الله يحفظلي هيه ." طمنينا لمن يطمنك الدكتور "
نسمة بحر .. ماعندي خلفية والله.

احلى ليان · 12-31-2011, 05:33 PM

مووون .. انشاء الله تولدي بالسلامة لا تستعجلي البكرية تطول شوية.

Mon · 12-31-2011, 11:11 PM

مشتااقه لكلمة ماما ماعرف الدكتوره بس يمدحوا بعطيات فالعقالي
والله يكتبلك الحمل السليم عاجلا غير اجلا وتقري عيزك فيه
احلى لياان اميين يارب الله يسمع منك ويسهلنا كلنا

احلى ليان · 01-01-2012, 12:05 AM

امين .. موووون
الياسمين 12 .. تقدري تسويلي زي الفستان ده بس يلبس 3 سنوات.. بس حتزيدي السعر عليه ولا زي ما هو ؟؟
وياريت ترسليلي ايميلك عشان ابغى ارسلك صورة فستان ابغى اسوي زيه عشان نتفق على التفاصيل وتسلمي يا قمر..
غنج .. فينك غاطسة ولدتي ولا ايه ؟؟ طمنينا عنك..

sooma1 · 01-01-2012, 02:05 AM

غنج وينك ههههههههههههه شكلك ولدتي مشاء الله مختفيه اليوم
الله يسسسسسسسسسسسسسسهل لها يارب ويساعدها

صبااااااايااا اخباركون

جوري المدينه · 01-01-2012, 03:13 AM

السلام عليكم انا عضوه جديده وحبيت انضم لتجمعكم
وان شاء الله افيد واستفيد

جوري المدينه · 01-01-2012, 04:17 AM

بنات مين تعرف ارقام شغالات لان هذا شهري ومحتاجتها
وكم اسعارهم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممرخه ممتازه في المدينه المنوره	مااايااا	منتدى علاج العقم و تأخر الحمل	6	12-27-2011 06:11 AM
بنات المدينه ابي خبراتكم ..	بعثرة الوان	منتدى علاج العقم و تأخر الحمل	7	02-14-2011 02:35 AM
عين على طيبه الطيبه (( المدينه المنوره ))	نورا	المـنـتـدى الـعـام	4	02-09-2011 07:06 AM
لاهل المدينه المنوره	نسمة بحر	منتدى السوق التجاري	5	01-23-2011 01:39 AM
يافراشات المدينه المنوره تعالووووو...	فداك عمري يازوجي	منتدى علاج العقم و تأخر الحمل	7	03-21-2010 12:56 AM