دردشة بنات العراق, دردشة حوامل العراق , تجمع بنات العراق

[روضانيه]

هلوووو حبيبتي فوفو انتي شخبارج
اني تمام
انتي ش اتحبين يكووون النونو بنت ولا ولد وش رح اتسميهم
اني احب تطلع عندي بنوووووته

[فوفو العراقية]

بالنسبة لكبر البطن اني كبرانة شوية
بس عبالك كرش وقوية كلش
هههههههههههههه قبل شوية سمعت دكات قلب الجنين يجهازي المنزلي
فدوة لقلبه يرفس ودقات قلبه واضحة كلش مو مثل قبل لان كبر حبيب او حبيبة الماما.

زينب متشترين جهاز دقات قلب الجنين مثلي لان بالسويد اكيد اكوو
لو تردين دزيلي ايميلج على البريد الخاص واني ادزلج عنوان مشتريات حوامل بالسويد او انتي سوي بحث بجوجل.

كلش يفيدج وتفرحين بي.

[فوفو العراقية]

والله يا روضانية الحمد لله على عطيت لله
بس اني اتمنة ولد حتى يكون اخ لمحمد ابني لان واحد وعنده 2 خوات من ام وابو و خت وحده من اب
وزوجي يريد بنت لان يحب اول طفل يجي بنت مثل اهلة واخوانة وهذا المتوقع لان عائلة زوجي اول طفل بنت
ومتوقعين ان البيبي بنت ف محضريلهة اسم (رونق) والولد بعد ممحضرين عود نلكاله اسم هههههههه

[White angel]

اي روض حبي تره اعرف بس اشتياق الامومه والاشتياق اله وهوساتهم

فوفو أني موعدي بشهر السادس وع الدوله لا حبي ماكو خاص جان رحت
بس غير حظي
لاوالله حبي مسامعه بي يعني مااتصور اكو
بس والله هسه ادزلج ايميلي ودزي لي اياه

[توته حيدر]

مرحبا بيكم خواتي عندي مشكله واريد اطرحها وممكن اعرف رايكم بيها تاخرت عليه الدوره 14 يوم وحللت بالدم وطلع سلبي باليوم 5 من تاخرها واعطتني الدكتوره ابره زيتيه اذا حمل اتثبته واذا بالعكس ينزل بس صارلي من ضاربتها 9 ايام ولهسه مابينت شنو الحل

[فوفو العراقية]

توته حيدر
اهلا بيج حبيبتي
سوي تحليل من جديد الاسبوع الجاي وشوفي النتيجة
ولو مابين شي وطلع سلبي ف لازم ترحين طبيب وياخذلج سونار ويتأكدون من النتيجة
ان شاء الله ربي يفرحج يارب,

[ام نورهانه]

هلااااااا حبايب شلونكم
والكم اني البنبونيه مالتي مبينه من هسة كلش عرمه لكم داقتني اي كعده اكعدعها تسوكني بجلاق خبلتني كلشي ميعجبها اليوم ثكلت بالاكل وراها ضلت تدفرني على معدتي الى ان زوعت لان كلبتها المعدتي بنت الزفرة

[فوفو العراقية]

هههههههههههههههه ام نورهان
يعني لو تطلع وكحه غير على امها؟
بعدين شعليج بيها خليهة تتحرك
مو احسن من الدب مدري الدبة العندي
مكضيها شخير؟

[o فرح عمريo]

مساء الخير والعافيه على عيون الكل
يسلمووو ع الترحيب الرائع ياغوالي
طبعا صارلي يومين اقره بالصفحات لحد ماانحولن عيووني خخخخخ
بس صدك سوالفكم رووعه وتونس
الله يحفظكم من كل شر ويحقق الي ببالكم امين يارب
ودي

[o فرح عمريo]

ام نورهاته .. فوفو
الله يتمملكم على خير ويرزقكم بالذريه الصالحه المعافاة ياربي

اني اسمي فرح متزوجه من 8 اشهر وقبل 3 اشهر حبلت
بس سقطت(اسم الله ع السامع ) بشهرين ونص لأن لزمتني كحه قويه لمدة اسبوعين وخفت اخذ اي علاج
وقبل 3 ايام اجتني الدوره مال اربعين بس كلش غزيره وشايله هم لأن اول مره تصير عندي هيج
ادعولي الله يعوضني بالحمل السليم الثابت ويرزق كل محروم