تجمع حوامل ليبيا

[ام وسونة]

وخيه ليبيا تسلم ايديك على هالحاجات الحلوة

[يقين]

السلام عليكم
كيف حالكم وحال سنافركم
ليبيا يروروروروري طلعتلي كتيبتك وكيف حالك وحال بنيتك مشالله عليها ديريلها توكات احسن من الطاقيه ربي يحفضها حلوه
تمر حنه هادا ياحنه جو سلفي مليح وبيرح جو في الفريره علي قولت حناي ما تقولش طياره تقول فريره عنده حق ما هو تفر المهم بالنسبه للهدايا حماتي جابت ولد نبي نبعتلها حاجات وسلفتي حتي هيه جابت ولد نبي نبعتلها حاجات ونبي نبعت لعزوزتي حاجات بسيطه مثلا رايحه او عبايه صلاه او اي حاجه بسيطه لان سلفي واخذ هدايا هلبا وقاللنا راكم تكثروا عليا ويطلع عليه وزن زايد ويحصل وبعين احني مزال لما نروح تو ناخذلهم هدايا
ليبيا بال

[ام وسونة]

هده شوية فساتين يستاهلوكم

[ام وسونة]

[ام وسونة]

وخيه يقين كيف حالك وكان على الهدايا ابعتي

حاجات بسيطة لين تروحي ارفعي معاك هدايا

تسترك .. شوفتيها بنت ليبيا قلبي ماشاء الله

ربي يحفضها كبرت

[ام وسونة]

[ام وسونة]

توا نستادن روحي على قولة تمورة قصدي زيتونة

هههههههههه

[تمر حنة]

السلام عليكم ورحمة الله وبركاته
عدنــــــــــــــــــــــــــــــــــــــــا
هذا بنحكيلكم يوم اللي عزمت المصرية ياسيدي هي قالت بتجي المغرب وهي بتهدرز وراجلها بيطلع مع راجلي هم يبوا يمشوا زيارة لمصر المدة الجاية وراجلها اصحابه في مصر موصيينه على حواسيب واجهزة الكترونية من ماليزيا على اساس بضاعة يابانية واصلية مشي راجلها يبي راجلي يمشي معاه للمحلات لان راجلي عنده خبرة في المجال هذا بحكم تخصصه المهم حوالي الساعة 2 الظهر كلمت جارتي التونسية اللي قلتلكم عليها يومها جابت بالعملية اتصلت عليها وقلتلها عندي صديقتي مصرية تبي تجيني الليلة تعالي تعرفي عليها وهدرزي معانا قلت انا مسكينة حتى تغير جوها وتوسع خاطرها شوية حتى هي لا طلعة ولا خشة المهم قلتلها وفرحت ورحبت قالتلي باهي تو انجي بعدها انا بعثت رسالة للمصرية وعطيتها علم انها حتلقى معايا جارتي من تونس وحتى هي رحبت وقالت ماذا بيا نتعرف عليها اففففففف لخبطتكم صح .. تونسية ومصرية ومصرية وتونسية...ههههههههههه المهم درت انا العشاء طيبت رز بلاو وشربة وكفتة وامبطن وسلاطة وبسبوسة باللوز وحوالي الساعة 6 جتني التونسية مسكينة جابت معاها بوريك واكلة تونسية اعتقد اسمها الكمونية وهي عبارة عن لحم وخضرة المهم تحشمت منها الحق مع اني انا ماقصرتش معاها في نفاسها لكن حسيتها بايخة نبيها تهدرز قعدت اطيب المهم كسدت انا والتونسية الحق هي طيبة وانا انحبها من قلبي دمها خفيف المهم حوالي الساعة سبعة ونص جت المصرية ضيفتها وعرفتها على التونسية وانسجموا مع بعض في الهدرزة وانا في خاطري انقول باهي لقيت من يسايرها لاني ماخاطريش فيها بسلامتها وبعدها جبت العشاء شهقت المصرية وقالت هذا كله علاش قلتلها الاكلتين هادو مدايرتهم جارتي التونسية وهي طباخة ذوقي منهم ... التونسية طبعا تاكل من اللي انا مطيباته وانا بطبيعة الحال لازم ناكل هاذيك الكمونية والبوريك متع التونسية لانها الحق انا عاشرتها وشفت حوشها الحق نظيفة بمعنى الكلمة وحريصة هلبة وعيافة بشكل المهم المشكله انه المصرية مابتش حتى تذوق ماكلة التونسية وهي قعدت تعزم فيها عليها وهي تقول باهي تو ناكل تخيلوا اللي انا درته كله مسحاته ماشاء الله حتى السلاطة ومتع التونسية مابتش اتمسه مشي التونسية تغيرت ونحس في دمعتها مسكينة في عيونها وانا ناكل في الكمونية ونشكر هههههههههه وعيوني بيطلعوا المهم مشيت الحال للساعة قريب 11 روحوا الرجالة ومشت المصرية روحت والتونسية قعدت تبكي قلتلها خيرك درت روحي مش عارفة قالتلي خيرها ماكلتش وخيرني انا شن مش نظيفة والا مانعرفش انطيب وجو مش عادي دارتهولي قلتلها عادي وهي شبعت وماتدوريهاش لكن قعدت مضايقة لين روحت والله ضايقتني وندمت اني ناديتها وكله من المصرية الحرفة سكرت راسها بالقفل وآمس كلمتها التونسية بالهاتف حسيت بها باهية لكن انحسها غلطتي وانا المذنبة
بالله عليكم شن رايكم في هالسلاطة وانا لما اندير روحي طيبة لاااااااازم اتجي على راسي ونندم

[تمر حنة]

يقيــــ أم فروتي ــــــن ربي يوصل سلفك بالسلامة ويجمعك بأهلك على خير وفي مناسبة سعيدة يارب
ام وسونــــــــــــة هههههههههه عادي كان على زيتونة هانم تو انحباها ياما حبينا بلا نية ههههههه لكن البصل لااااااااا مش حتنازل عنه ابدا مهما ايكون

[تمر حنة]

شوفولنـــــــا ميمـــــــــونـــــــــــــــــــــة وينهــــــا
انا نبي اندير اضراب ومش حندخــــل ثاني لين تدخل هـــــــــــي