تجمع الحوامل اللاتي سيلدن بشهر ربيع الاول 1432 ‏

[خلوني على صبري]

مساكي ورد يافقيره ياهلافيكي

[مبسم الروح]

اهلين السلآم كيفكم بنـــآت

يوه تحطم قلبي حآسبه ولآدتي بالغلط على بالي ادخل التاسع بنهاية 2

طلع توني مادخلت الثآمن يبنآت فيني بكيه تعبت دوآم بالكليه والحمل

لآ المشكله مآفي احد ماقلتله اني دخلت الثآمن هع والله مدري وش احس فيه مستعجله مرره

الله يسهل عليييينآ...

يآبنآت الحمل هاذآ معذبني ظهري مررره متعبني حتى النوم بالموت ارتآح على وضعيه

في احد مثلي؟

صح بعد الحين كيف تعرفون لمآ ينزل راس الطفل؟

[كآبتشينو]

فقيره باهلا فيك بالتجمع ..
ههههههههههههه حالك من حالي حارمه عمري من القهوه وتوابعها ,, مالنا غير الصبر وانا اختك
لا انا مو بكريه هذا ثاني حمل لي ,,
انتي بكريه ؟ وباي شهر انتي ؟

[أم ماهر]

اختي صارلها مثلك بنهاية الشهر التاسع جاتها بكتريا والدكتوره عطتها تحاميل ونظفت البكتريا وولادة على طول تقول البكتريا ماتخلي الرحم ينفتح...

بنااات بطني بطني من تحت ماني قادره اتحرك منه اي حركه قبل شوي جاتني كم طلقه والحين مره مشدود حتى ماني قادره اتنفس ...

[كآبتشينو]

هلا والله ميسسم ..~
اخبارك واخبار التعب والثقل ؟

يوووه ميسم انتي حاسبه لعمرك غلط ولا حساب دكتورتك غلط ؟

والله ياميسم الجسم كله بالحمل متكسر وتعب .. انا اغلب التعب عندي اسفل البطن وثقل وتعب الله ياجرنا بس

راح تعرفين وضعية الجنين لو كأن راسه فوق او تحت لمن تسوين سونار ..

[خلوني على صبري]

يبنات في احد مثلي احس اني كارها شكلي ومهما اتصلحت بشعه ووجهي باهت صايره احسب الايام عشان اولد وارتاح

[كآبتشينو]

ام ماااااااااااااااهر

ياويلي ضيقتي صدري .. يعني الحين هالبكتريا هي اللي مأخرتني
ياحسره بس .. غريبه الدكتوره اليوم ماقالت لي هالكلام
وش رايك ام ماهر وش اسوي .. اروح لدكتوره ثانيه بس والله طفششششت من هالمستوصفات
ولآ انتظر لين الله يفرجها

[كآبتشينو]

خلوني .. ايه انا مثلك تلوع جبدي لمن اقوم البس ودي ابكي ماعرف وش البس
ورقبتي صارت اغمق من وجهي

[فقيرة وأرجيه]

هلا والله خلوني .........
كابتشينو ... انا بالأسبوع الأول من التاسع وهذا ثالث حمل لي ... لكن تصدقين كل حمل تحسين بثقل أكبر من اللي قبله ... الله يعين بس ..
خلّوني .. انا مثلك وظهر عندي الكلف ولمّا بديت استعمل الإسكنول والزبدادي وماي الورد بدأ يفتح وجهي وظهر الكلف أكثر لأن الوجه فتّح ... الله يعين بس ونطلع من الأربعين تمام ان شاء الله ..

[أم ماهر]

كابتشينو والله ماهوقصدي اضايقك وربي اختي على طول فتح عندها الرحم بعد مااستخدمها ونظفت البكتريا اختي كان عندها طلق بس الرحم ماهو فاتح واخذتها بالليل وجابت ولدها باليوم الثاني ...