دردشة حوامل القطيف- تجمع بنات القطيف

[ليلى محمد]

هجوسة
خطأ مطبعي اول شي اشوي الدجاج (نصف ساعه ) وليس ربع

[ميرندا فرولا]

فهوم،، خلاص لا تهلوسي كل ماقرا كلامك
اقعد ادور بصدري عفسته فوق تحت ادور شي
مو من عادتي المسه اصلا
خلاص خليه عنك وشغلي نفسك بشي ثاني
بدال هالخربطه ولا تخوفي نفسك
امم مدري وش كنت بقولك نسيت

وسناء ,, عندنا نظام شغالات بس اكرهم كره العمى
ماحبهم والله لما كنت اجيب تقرفني ونكرف ونا لاحقها
وعلمها الشغل ياربيه يقتلو الواحد
ورجعها ع مكان تنظفه عشر مرات ولا تنظفه بعد
ماعلى نظافة وطهارة صاحبة البيت

ام نور,, يصير ع نفس الشارع يعني وانتي داخله العواميه
اول بتلاقي لبنان الاخضر بعدين سيييده
ع ايدك اليمين تلاقي بيت الجود
هو مطعم انا احب اخد منه صاج دجاج لذيذ
مع ورق عنب ان شاء الله يعجبك

اف صار نفسي بمحموص
ورحت اطلع دجاجه تذوب طلع مخلص الدجاج هوع
والحين قلت لابونا جيته من الشغل يجيب دجاج عشان اسويها
ولا مره سويتها بحياتي اليوم بجرب ان شاء الله تستوي مثل اللي يوزعوه*

[الهاجس]

المشاركة الأصلية كتبت بواسطة شآآآدن

الحمدلله بخير و اني شخبارك و اخبار النونو مدري بنت لو ولد ههههههه

الله يبارك لبنت عمك و يوفقها

الحمد لله بخير وعافيه..وبنوتتي بعد الحمد لله زينه تسلم على خالتها ..

الله يسلمش شدونه ويوفق الجميع..

[مفاهيم الخجل 2]

المشاركة الأصلية كتبت بواسطة ام نور علي

على عمري احسه يصيح من قلب
واني اشوف الفيديو امسح على بطني واكلم حسون اعذرني اذا ازعجتك حبيبي بس هادي الدنيا يوم تضحك ويوم تصيح

اللهم صلِ على محمد وآل محمد
بس ساعات الواحد يصيح غصبا عنه < تذكرت بداية حملي كيف كنت اصيح من قلب على أختي الله يقومها بالسلامه وريلي يهديني ويقول لا يصير شي في الي في بطنش واقعد اصيح مو بيدي هادي اختي مالي غيرها

إن شاء الله نترك الأكتئاب والهموم ورى ظهرنا ووننتبه الى أجنتنا كفاية خمسة اشهر كنا نصيح فيها نعوضها بالاشهر الجايه كله فرح ومانكدر حالنا

ان شااااء الله ربي يسمع منك ونقضي شهورنا افرااح وخيراات يارب ونشوف ولادنا بحضانا يااااااااااااارب

[الهاجس]

المشاركة الأصلية كتبت بواسطة ليلى محمد

هلا الهاجس
كيفك ياعسل والله كلكم شمامات ووردات وشمعات :))))

طريقتي بالمندي
ابهر الدجاج بالليمون والثوم والخل والفلفل الاسود والاحمر والكمون ( طبعاً كل وحده حسب رغبتها)
اشويه في الفرن بدون مااغطيه تقريباً ربع ساعه
ملاحظة: اضيف الى الدجاج شوووووية زيت وماي عشان ماينشف وهو مشوي وينزل طعم الدجاج مع الماي

الرز: احط في محضرة الطعام بصله وفليفله وفلفله حارة وجزرة صغيييرة وطماطم صغيييره واخلطهم مع بعض مع شوية زيت بس يذبلوا اضيف البهارات الصحيحه والرز يكون مغسول ومنقوع من قبل استعمل للمندي ( الماس او الوليمه) واحركة مع الخلطه واضيف الماي والملح وبس يبدأ يغلي اول غليه انزله الفرن على حرارة 400 واخذ الماي الي نزل من الدجاج واكبه على الرز واخلي الرز في الفرن من تحت والدجاج في الرف العلوي عشان ينضج برواق خلال ربع الى ثلث ساعه بالكثير يكون الرز ناضج والدجاج بعد
اخر شي شوية زيت وفحمه للطعم المميز

واحياناً اسوي طريقة شدون احط الدجاج فوق الرز وينزل طعم الدجاج على الرز مباشره
اممممم وتقدري نفس الخلطه بدون ماتحمسيها مع الزيت وطوالي الفرن بس مع التحميس راح يكون اطعم

طوووولت وعليكم بالف صحة وعافيه

تسلم ايدياتش ليول..

بس في كم سؤال عشان الاستيعاب يصير عدل ..

اذا حطيتي الدجاجه عشان تشويها تشغلي عليها من فوق بس صح ؟؟ وتحطي الفرن على كم ؟؟

والبهارات الصحيحه اللي تحطيها مسمار ودارسين وقناد بس لو في بعد ؟؟

وبالنسبه حق الرز الكاس منه كم كاس ماي يحتاج؟؟ لأني مااعرف اسوي العيش الا مشخول واذا سويته كبسه كل شوي ياازيده ماي او اشيل منه ..

واذا حطيتي الرز والدجاج في الفرن كيف تحطي الدجاج على الشبك والا في قصدير؟؟

ههههههه هالمره اني اللي طولت عليش بالأسئله ماعليه تحمليني ولا مره سويت مندي ><

[مفاهيم الخجل 2]

المشاركة الأصلية كتبت بواسطة الهاجس

الله يعافيش ويدوم عليش السعاده والخير ياورده..

غدايي ياطويلة العمر والبقا ربيان وطماط ..والحين ماباقي شي ويستوي هههههههه طبخه سريعه ..

تفضلو ويايي..

عليكم بلعافيه غناتي اي والله طبخه بسيطه وسريعه

[مفاهيم الخجل 2]

المشاركة الأصلية كتبت بواسطة ام نور علي

الي صار سر مابقول به بس يضحك لانه خلاني افطس ضحك تقولي مجنونه تضحك

مع انه دابحني الفضول بس يله عليش بالف عاافيه يالغاليه دووم ان شاء الله تضحكي وتضحكي حسووون الغالي
اللهم صلي على محمد وآل محمد

[miss sweet]

مراحب صبايا

اخباركم ؟؟

منوره الدردشه واخيرا رجعتو زي قبل ^_^

انشاء الله دوووم وعسا اللع لايفرقنا *_^

[مفاهيم الخجل 2]

مسس منورة بوجوددش غناااتو

[وسناء]

المشاركة الأصلية كتبت بواسطة الهاجس

وسناء..بكره خطوبة بنت عمي بتاخد من سيهات ..
سوي بحث على عشبه اسمها سداب او سذب..زينه حق كل شي اذا غسلتي فيها البيت او تسبحتي فيها..
!!

الهاجس يعني بكرة سيهات بتنور بصفوى
بعدين بقولج شي
بسألج ليش العشبة