دردشة حوامل دولة الجزائر- تجمع بنات الجزائر

[بليدية]

المشاركة الأصلية كتبت بواسطة ريحانة امها

صباح النور بنات بلادي اتمنى ان اكون كالنسمة في منتداكم صراحة..لي فترة و انا متتبعة لاخباركم ولكن قصة الاخت بليدية اثرت بي كثيرا اليوم فقررت الا ان ادخل لاقول لها اختي الغالية انا اشاركك الاحساس بما تعانيه لاننا جميعا في مركب واحدة ما يحس بالجمرة غير اللي مكوي بيها لكن الومك والوم نفسي ايضا لانك انت المسؤولة عما يجري لك فكما تعلمين هدا قدر الله ادا لايجب اعطاء الوضع اكبر من حجمه فحياتك في بيتك انت من يوجهها وعليك انت ايضا وبدكاء الا تهولي من حجم الماساة بل حاولي دائما ان تميزي الوقت المناسب لفتح هده المواضيع فالرجل الجزائري وعكس ما يظهر عليه من قوة حساس جدا امام هته المواضيع اعيدي اختي ترتيب حساباتك قبل فوات الاوان فالحياة لا تنتظر احدا ....ارجوووك فكري قبل اتخاد اي قرار ربما ضغطك ادى الى انفجار زوجك....سلملم

السلام عليكم ورحمة الله وبركاته
كيف اخباركم اختي الله يفرح بلي راكي متمنياااا
على اهتمامك بي بنت بلادك وداك نيف عليها ودخلتي على جلها وان شاء الله يكون هذا التجمع خير عليك وتربحو عليه
المهم شوفي اختي انا عندي اربعة سنين وشهرين زواج انا كي تزوجت منيش معاول
نطلق ونولي لدارنا انا خيرت حياتي وهي نصبر معها بي الحلوي ولامرة صح
شوفي منكذبش عليكم انا عشت مع زوجي احلي ايام عمري ونحب بزاف مام لامكتبش ربي معاه هذي سنة الحياة واحد وراه ضمن روح ولا ربي كاتبها واش رايح يدير الواحد شوفي مكتوب ربي منهربوش منووووو
المهم انا زوجي خيرني من بين لبنات وانا تاني حبيتو وهو يعرف بلي نحب درجت قتلو روح اتزوج معليش وخلني معاك
انسان ميكونش اناني ويحب غير نفسوو ولهي غير ربي شاهد على كلامي
وانا نعرف عقلية زوجي ونعرف وقتاش نهدر معهااا هذي عشرة يا اختي
زوجي كي يشوف الدورة يولي كي مهبلو نكذيب عليك قبل متنزل الدورة يولي
يمسلي فى بطني ويقول وليدي راه هناي
تعرفي قلبي يتقطع مداخل
المشكيلة عندو خياتو يعمروه وانا زوجي منوع لى يتعمر وكمال لله
المهم زوجي فى العامين هذو تبدل ماشي كيما كان ولايسمع كلام خياتو بزاف
وانا زاعف فيه كاين وحد تحب تخلي دارها بيدها
مكاش غير بنت حرام لى تقول روح نعيش حياتي خلني من هذا الزواج راني نعرفهم
ونحكيلكم البارح قالي وجدي روح نديك لداركم منكذبش عليكم وجدت روحي وخلاص وبقيت نستناا فيه وكتاش يجي تعرفو مدخلش لدارحتي لليل لقاني موجد العشاء وحطيتو وانا رحت رقدت ورقدت وحدي بعيد عليه مهدرت معاه ومهدر معيااا
واليوم خرج صباااااااااااح المهم راني مخليتهاااااا على ربي واش كاين من المساء ربي عالم ربي يجيب الخير(بصح كاين حاجة نديرها فى راسي وهي زوجي تغير من جهتي مشي كيما كان ) انا حاجة محبتش تدخل راسي علاش محبش يروح لطبيب

[بليدية]

ام صفاء يا اختي الصغيرة حلوي
ولهي غير راني فهمتك ختي ربي يفرح بي الذرية ان شاء الله
حتي انا تونس معكم ومنيش ديرتكم صديقات راني ديرتكم خيات
ولهي غير راني صابرة وندعي لربي لليل ونهار
ميموووو تاله ام ميسون نهي جزائرية المازة ربي يفرحكم كيما وقفتو معياااااااااا
وكل وحد تنصحني فى الخير

[بليدية]

بنات لوبناات عرفت سبب هيجان زوجي البارح انا كنت اتابع مع بنات فى المنتد اعراض الحمل وكل وحد تعطي طريقة لي كشف الحمل قبل الدورة وبعدين قالت وحد حطي البول (اعزكم الله) فى كاس نيلووو او قرورة صغير وخليها 10ساعات انا جبت قرورة وحطيت فيها البول (اعزكم الله) وخليها فى الدوش فى بلاكر
المهم شفتها بنت اخت زوجي وراحت لىخلتها وقتل( وكلت عليهم ربي)
المهم عيطتلو فى تلفون ختو وقاتلو بلي شوف واش دارت مرتك (صبحان الله صبحان الله صبحان الله) ايه ومبعد جاي راجلي لدارو وجهو مبدل فى قلبي زاعف الدورة وزيد راك مشنف الله يعجل الخير
واش قالي فى بالكم قالي اليوم مرنيش مليح بطني راه يوجع وانا على نيتي قتلو بالك كاشم كليت بري قالي مكليت والو غير عندك وهو يشوف فيها
اومبعد قالي وراهي قرعة لى كنتي مخبيتها فى دوش حشاكم تاع البول
صبحان الله شكيت بلي نغزة
المهم قتلو علاه ومبعد خرجهلي طايطاي تسحريني فى البول حشاكم تعرفو لحمي عرش
وليت نقول يا لطيف يا لطيف يا لطيف واش راك تقول الله يهديك وليت نبكي غضتني بززاف قتلو تشك فيااااااا بلى نسحر امعد قالي ايه وهذاك البول منين حشاكم اي وجدي روح تروحي لداركم وانا وليت منضويش قتلو ربي يهديك اروح لبيتي ونهدر ومبعد وريتلو المنتد ودخلت وين مشركين لبنات وقتلو شوف هذي تجرب باه الوحد تعرف روح بلي راهي حامل براك ومبعد كلي حشم قتلو علاش نسحرك قتلو لى تسحر رجله تقول روح اتزوج ومبعد قتلو اتئكد ومبعد احكم على الواحد مشي تزدم بسب وشتم ونت مركش فاهم والو
ومبعد وليت نقول حسبي الله هو نعمي الوكيل عليهم وقتلو (سارق كيما يسرق كيما يشك فى صاحبوو)
انا عرفت بلي بنت ختو وختو قلت علاش مجتش ليا ونفهمها بصح هوما راهم يحوس يخرجوني مدار
بصح منسمحلهمش واش دارو فيااا انا وكنان نحكي لزوجي واش دايرين فيااااا بصح انا منحبش نشعل النيران نقول خليني منهم غير مشاكل برة تكفيه بصح هوما ميفهموش
وكيلهم ربي المهم هذي هي قصتي تاع البارح ومع الدورة زادت تخلطت وربي يجيب الخير
انا راني مفوض امري الى الله لى كتبها مرحب بيهااااااا
بااش تقول بلدية مشي صبوووووووورة راكو غلطين واش رايكم

[allmaza]

ربي يهدي سركم بليدية والله دخلت نشوف حالك المهم عرفتها و قتلك هدي تحريشة لانو الراجل ما يتبدلش بين نهار و ليلة من راسو
ربي يرزقك ويعمر حجرك

[بليدية]

الله يسلمك اختي العزيز ومشكور كثير لى تعاونكم معاي
ولهي الواحد معندو وين يفضفض على قلبو لقيت غير نتوما نحكيلكم وتفهموني
بصح وكلت ربي عليهم ضلموني
راني قاعد لارحت راني رحت ولاقعدت راني قاعد المهم نشوف ربي واش راه كاتب
ونتي شعال عندك زواج

[allmaza]

عندي 3سنين بصح راجلي هو لي ظهر عندو دوالي ودار عملية
يعني ما قاسيتش منو ولا من اهلو لكن من الناس يقولولي قلانة تزوجت وراك ب2 ولاد و فلانة جابت هك و لخرة هك و كي نولي نبكي راجلي ما يحبش يقلي اصبري و خلاص بصح انا و ياه تفاهمنا من قبل الزواج لوكان ما نجيبوش ما نسبلوش في بعضانا سواء العيب مني و لا منو
والحمد لله على كل حال

[محبوبة ميمو]

بليدية فرحت كي لقيتك والله لفرحت واش درتي فيها البارح الحمدلله ربي كان معاك كنت كل ما نتفكرك ندعيلك ربي يصبرك ويجبر بخاطرك ا رب ............

[بليدية]

المشاركة الأصلية كتبت بواسطة allmaza

عندي 3سنين بصح راجلي هو لي ظهر عندو دوالي ودار عملية
يعني ما قاسيتش منو ولا من اهلو لكن من الناس يقولولي قلانة تزوجت وراك ب2 ولاد و فلانة جابت هك و لخرة هك و كي نولي نبكي راجلي ما يحبش يقلي اصبري و خلاص بصح انا و ياه تفاهمنا من قبل الزواج لوكان ما نجيبوش ما نسبلوش في بعضانا سواء العيب مني و لا منو
والحمد لله على كل حال

اختي مشكيلة تاع زوجك بسيط تعرفي كانت مشارك معنا صديقتناااا اسما اسماء
كان زوجها عند نفس المشكلة تاع زوجك وحمد لله كي دار العمليت وبرا
قعد وقيل 6اشهر بعد العملية وحملت ربي يثبتله حملها يارب
وكان راهي تدخل تقصري معها وتحكيلك بصح نت عندها راه مقطوع متقدرش تدخل
المهم شعال عندو زوجك ملي دار العملية
ونتي مليح معندك حتي مشكيلة واسماء كان عندها ضعف فى تبويض صبحان الله وحملت
وكلام الناس ميرحمش وكان الواحد يعندهم راه يضربها بهبلة
راني طولت عليك تعرفي البردقوش

[ريحانة امها]

سلام بنات سلام بليدية راني قريت ردك ما تزعفيش اد قتلك راجلك عندو الحق هدا رد فعل اتوماتيكي توجد تكنلوجيا للكشف عن الحمل ادا و في مثل حالتك ومع اسرة مثل اسرة زوجك لازم تكوني حدرة.....عمرك ما تقولي لراجلك تزوج لانك رايحة تفتحيلو وتفتحي على نفسك باب ما تقدريش تغلقيه ....لانو وبكل بساطة ررااجل والحل و الربط بايديه تصوري ادا كان العيب منو هل كان يقترح عليك الانفصال .لالالالالا....بانانية الرجال يشدك و يقولك ..اصبري..شدي في ربي و مام اهلو يبداو يحكولك حكاية اللي حملت بعد10.و 15 وحتى 20سنننة.لهدا ادا قررت البقاء فبكرامة و ادا كان الانفصال في مصلحتك عسى ان تكرهو شيئا و هو خير لكم انا عمري ما سمعت مراة ماتت بعد الطلاق ..صلي استخارة و توكلي على الله و ربي يجيبلك و يجيبلنا الخيييير....سلملم

[بليدية]

ميمو ونصير و المازة وهادية تعرف البردقوش
مقلتلكمش بلي اسماء صديقتناا كان عندها ضعف فى التبويض وصبحان الله حملت بي فضل الله والبردقوش تعرفو نسيت باه نقولكم عليه كنت لتيا
المهم ادعولي ربي يهديه زوجي ويخلني راني شريت البردقوش ونويت نشرب اليوم عندي يومان من الدورة نبداه اليوم مليح لى هرمونات يرقلها اي راني طولت عليكم