تجمع حوامل ليبيا

[عيون زوجي]

جووووووووووووو الليله كساد ورجالاتنا لاهيين

[أم مُحمد]

نسكن شقه بروحى حى بعيد عن اهل دارى
شقتى كبيره مربوعه وحاشاك احداها حمام
و3 ديار وصاله كبيره ومطخ وحمام و2 بلكونى

[عيون زوجي]

بعد ما تجيبي على خير تعالي لطرابلس واتفضلي عندنا باش يكون عندك اصحاب من سوق الجمعه ومرحبتين بيك
حتى زوجي عنده بعثة لبريطانيا توقفت نتيجة الاحداث ومش عارفين رح يصير منها والا تلتغى لان المدراء معظمهم تغيروا
بالك يصير نصيب ونسافروا مع بعض ونتعرفوا برا ليبيا

[ام وسونة]

والله المرواح مازال مش معروف

وتسلميلي يارب....

[ام وسونة]

اني راجلي متخرمد في جنبي من الصقع

واهو مكسدين عالسمينسة السوادء التونسية هههههههه

[أم مُحمد]

انشالله يسير من البعثه ونمشو معا بعضنا
وطرابلس ديما رجلى فيها انشالله انجيك غادى ونتعرف عليك
وكان ع راجلى لما يجى من العمل اصحابه يغلى عليهم الزرادى والاعراس

[hatoo]

اهلين ام محمد اناقاعده كساد حاليآ معنديش نت في الحوش لما نجي عند هلي نخش علي النت وانتي شنو اخبارك واخبار النونو ها وليد ولا بنيه , وانا ياعيون نسكن جمب هل داري لاصقه فيهم وحوشي صغيييييييييييييييير وعندنا قطعه ارض ناويين نبوا فيها ان شاء الله كان ربي سخر واهلين ام وسونه
آ

[أم مُحمد]

اهلين ام وسونه من بكرى انقول كنها مختفيه
نسالك شن اسمها وسونه
عييييييييون شن اسم اوليدك اوبنتك ربي يخليهم لك

[عيون زوجي]

انتي وين في تونس يا ام وسن؟
ام محمد انا الحمدلله راجلي بطبعه مش متاع صحاب وطلوع هلبه عنده زوز اصحاب قريبين منه ويخدموا معاه في الشركة معناه مع بعض كل يوم من 7 الى ال5 العشيه وبعدها خلاص يصبح ملكا لي وحدي ولله الحمد
كان زردة والا طلوع معاي انا وصغاري بس

[ام وسونة]

من الكساد كل وحدة تخش تحط صورة شامبوها وبلسمها