تجمع حوامل الأشهر الأخيره(السابع,الثامن,التاسع)

[جرة عسل]

بنات وحدو الدعاء لورقه خريف ماراح تطول انا صارلي نفس حالتها وجلست يوم بس وولدت
الله يسهل عليك حبيبتي ويهون عليك الطلق ويمتعك بالنظر لطفلك سليم معافى يارب

[جرة عسل]

زمرده الالم يكون زي الشيء الي يدخل من ظهرك بعدين يتوسع في بطنك ورجلينك ويروح
يعني الالم وقت الطلقه بس
نصيحتي لكم يابنات لما تحسو بالالم هذا لاتشدو انفسكم حاولوا تدفعون لتحت لان الجنين يساعد ع فتح الرحم
اسال الله لكم الولاده السهله الميسرة

[جرة عسل]

الحلم
قلبي معاك وفي انتظار خبر ولادتك ع خير يارب

[جرة عسل]

والله يابنات اخاف تولدو وبعدها نتفرق مرة تعودت عليكم وحبيتكم وقضيت معكم مشوار طويل وجميل
اسال الله ان يجمعني واياكم في الفردوس الاعلى ويرزقكم الذريه الصالحه البارين بكم يارب
ويهدي لكم اولادكم ويسخر ازواجكم يارب

[بنت ادم]

الله يقومه بسلامه ياررررب

تدرون بنات اني من حاملة الي الحين مامره سالة الدكتوره عن وزن الجنين

مابي اساله وتقوالي نقص

بس الحمد الله كلشي عن الجنين اوكي تقول

[منى العين]

الله يقومه بسلامه ياررررب

تدرون بنات اني من حاملة الي الحين مامره سالة الدكتوره عن وزن الجنين

مابي اساله وتقوالي نقص

بس الحمد الله كلشي عن الجنين اوكي تقول

بالعكس عشان تطمنين عليه وتعرفين ان الوضع تمام


اما انا يا بنات صرت اخاف من الافرازات الا تنزلي بكثره
وانا حولت تأميني على مستشفى ثاني زوجي بوديني الخميس الصبح
للمستشفى الجديد ما اعرف فيه شي بس سمعت انه زين وآخر مره
قالت لي الدكتوره ان فيني الاتهاب ويزيد مع اني اخذت علاج بس ما فيه فايده
قالت لي يمكن من افرازات المهبل ومن بعدها ما رحت لها انا خايفه عالبيبي

[شوق الامومه]

المشاركة الأصلية كتبت بواسطة أحلى بنوووتة

أهلين بنات

لساتني جايه من عند الدكتور وقالي كل شي تمام وضعه كويس ووزنه كيلو و100 بس نسبة الدم عندي شوي نازله قالي لاخذتي حبوب الحديد شربي معاها عصير برتقال او ليمون علشان الجسم يمتص الحديد كله

وقلتله اني اروح الجامعه واصعد الدرج الى الدور الثالث وان خايفه يصير فيني شي قال عادي مارسي حياتك طبيعيه

أقوله أخاف يجيني طلق مبكر يقول عادي اذا ولدتي نحطه في الحاضنه شهرين بعدين نعطيك إياه

الله المستعان على كل شيء

هلا الله يكون بعونك اختي اذا تحسي بالم زي الدوره تروح وترجع عليك او افرازات بنيه خذي حبوب مثبت اما اذا مافي هالاعراض حاولي تصعدي الدرج بشويش لاتسرعي
وارتاحي اذا تعبتي الله يتمم عليك لو قدر الله جاك اعراض الم لاتخلي نفسك سوي موعد وقولي لدكتوره واطلبي ابرة الرئه عشان بسرعه يطلع وميتعب بس لاتخافي ان شاء الله تولدي بالتاسع انتبهي لنفسك بس حبيت انبهك اذا جاك الم لاتخلي نفسك وانتبهي تخلينهم يكشفون تحت انتبهي افضل روحي لعياده الدكتوره

[خلوني على صبري]

اخباركم ياكروشات ساانظم اليكم قريبا لكم مني اجمل تحيه والله يهون على كل من جاتها الولاده وعقبال الباقين

[أحلى بنوووتة]

مشكوره شوق الامومه على خوفك علي وعلى النصائح

انا مسويه ربط واخذ ابر مثبت كل اسبوع وحدة وأخذت ابرة الرئة حق البيبي علشان اذا صار ولاده مبكره

لأني سقطت ثلاث مرات

ان شاء الله يثبت حملي وحملكم يااااااااااااااااارب
قولو امين

[منى العين]

انا مسويه ربط واخذ ابر مثبت كل اسبوع وحدة وأخذت ابرة الرئة حق البيبي علشان اذا صار ولاده مبكره

لأني سقطت ثلاث مرات

ان شاء الله يثبت حملي وحملكم يااااااااااااااااارب
قولو امين

يا حبيبتي ما عليه الله يثبت حملك وتقر عينك بشوفته يارب
هاانت يا قلبي باقي كم شهر وللمعلومه شريطك يمشي مع شريطي
يمكن نولد اذا الله كتب لنا عمر في نفس اليوم