دردشة بنات العراق, دردشة حوامل العراق , تجمع بنات العراق

[عسل بغداد]

الف الحمد لله والشكر البارحه رحت للدكتوره كالت المي مال النونو زايد شويه صاير 5سم يعني انشالله ما اجيب هالشهر كلللللللللللللللللللللللللللللللللللللللوووووش البارحه احساسي مينوصف من الفرحه

[زينب السعدي]

صبااااااااااااح الخير بناااااااات شلونكم رويدة الحمد لله انشالله امورج زينه ويارب ولادة طبيعيه وبدون خياط ومن اول صوت هههههههه شنو هاي كلش سهله لعد..بسالفة الحلم والبجي ذاك اليوم اني ورجلي نايمين وغافيين واني كلش متعمقة بالنومة جان زوجي يلطمني ببوكس ع خشمي يعني بالحقيقة هو ونايم محاس وانطاني بوكس وتخيلو كعدت ع بوكس ع خشمي وكعدت ابجي من الخرعة والوجع هو متعود عليه ابجي اني ونايمة لان مرات اشوف احلام تضوجني فهو كد يسكتني هو ونايم يكولي مصار شي عباله داابجي بالحلم محاس ع روحه الاخ ولف راسه ونام فمن كعدنا من النوم اني مااحجي وياه ومقهورة منه لان هم انطاني بوكس وهم سكتني قشمريات ونام وكتله تدري انت هيج سويت بي كام يضحك ويحلف يكول والله ولا حاس عبالي تحلمين خطيه حضني وكام يعتذر كتله والله صرت عصبيه ردت اركعك بكله بس نعلت الشيطان ههههههه
سجاوي خو ش خبر حلو يااااااارب انشالله خير ويزيد اكثر كولو امين
بقية البنااااااااات كلكم زينيين ..اروح اقره الصفحات لان مقريت شي وانت مسولفين هواي واني مخبوصة بخطاري طلعت روحي البارحة

[زينب السعدي]

قريت الصفحات واجيت
حبي امونة الف الحمد لله ع سلامتج وانشالله ايديهن شفاء عليج وخير وانشالله تحبلين بالولد الصالح عاجلا غير اجلا ...بس هذا مو حل يعني لو منطيج اشياء تحفز الحمل يعني هم تكعدين تنتظرين وتتعبين شنو الفايدة
لج عيني مي الله يساعدج ع عمتج شكد متسلطة الله يسامحها ويهديها شجاها متخاف الله يطلعها بيها لو ببناتها ..اني عمتي من اجتي يمي واجوني خطار كامت هي تركض ويايه وطبخت مع العلم كانت مسويه عمليه وكان موقفها كلش حلو ويايه
بس البارحة كله وحدي وهلكت هلاك بس اتمركض بس من اجوي الخطاروانعجبو باكلي وكامو يمدحون بي كلش ارتاحيت ونسيت التعب ووانطيتهم هم سفري للبيت ههههههههه
يلا اروح اخذ شاور وبعدين اصلي ونلتقي انشالله

[ام نورهانه]

هلااااا حبايب سجاوي حبي الف الحمد لله والله طمنتيني ياله ان شاء الله يزيد بعد ويبربع الببو بيه وتكومين وتصير ولادتج على التاسع ان شاء الله وتجيبين احلى نونو
ام الوقه هلو قلب ضحكتيني على طلوكه على الصامت ابشرج البكريه ماعدها طلوكه على الصامت واذا تصير متعرفها لان تبدي مثل الم الدورة وتزيد خخخخخخخ وضحكتيني على ابو الوقه عايش الدور نسه انتي حامل وبشهرج اني كان رجلي مينام واني انام يخاف لا اكوم اطلك وميحس عليه بحيث كان معقدني اي حركه حتى لو اجر نفس يمدلي راسه ها اجتج طلوكه وتخيلي كان لازم انذار هههههههههه

زنوبه عينج ربج على التعب مال بارحه وصدك حلوة من تحسين بقيمة تعبج تفرحين وتنسين كلالتعب
ههههههههههههههه ضحكتيني على الكله هههههههههه لو منج اني هم اسطرة بوكس بحجه نايمه لعد خلي اضحكج مره حلمت اتزوج عليه وكعدت ابجي من الحلم لكيته بصفي يشوخر سطرة راجدي من هذا التمام وضليت اضرب بيه هو كعد حظني ولزم ايديه واني ادفر بيه اريد اكتله بعد ومن كعد الصبح لزملي العودة مال ماسحة ويضحك يكولي بس فهمني على شنو ملختيني من الكتل البارحة حجيتله وهم كمت ابجي ذب العوده وكعد يحضن ويبوس واني ابجي من كل عقلي

[ام نورهانه]

ها صدك اني البارحة سوينه وكاحه بس بهدوء كلش وتكرمون كمت غسلت لكيت روحي ذابه دم شويه يعني قليل كلش وبعد ابد مذبيت اجيت كتله هو اخترع واني كنت شاربه سوائل ومي هوايه علمود كليتي فكل شوي تكرمون اروح للحمام وكلما ارجع يمدلي راسه وهو مطفي ها خو ما بعدج اتذبين كتله لا ماكو شي نام وتقريبا 3 مرات كلما اروح يفز بالرابعة عطت بيه كتله شبيك نام خبلتني حتى حمام بعد مااروح ههههههه هو اني انقهرت عليه لان كل شوي يفز عاد حظنته ونمت

[ام نورهانه]

يله حبايب كافي كوم سولفت وانتوا ماكو خلي اروح اسوي الغده علمود اشطح للدوام

[رويدة_ أم ألق]

هم هلاااو حبيّبات

سجاوي ألف الحمدلله حبيبتي ربي يطمنج على كل شي عزيز بحياتج
ويتمملج على خير

زنوبة وفلة ضحكتوني والله على مغامراتكم
اني دائما يجيني عكس مو بوكس وبالبداية كنت أضوج وأكول اهووو بصوت مسموع
عود إلا أريده يكعد ويدري بنفس اللحظة وهو ولاااا كأن هههه
بعدين تعودت استلم العكس وأسكت.


بس فلة تعالي هنا من خلال كلامج اكتشفت أنه أبو نورهانة من النوع الحنين والحريص
شكو بعد يومية كّالبة خلقتج وتبجين
كااسري حبابة حطي الايجابي والسلبي كدام عينج مو بس السلبيات
ربي يتمم عليج ويجمعكم على التفاهم دائـــــما


رحووبة الغالية امنحينا شوية من وقتج ميصير ليل ونهار جهال
مشتاقة لسوالفج

عذورة ليش تضوجين؟ حاولي تشربين ليمون فرش فعلا يهدي النفس
احتمال غياب أبو هدى سبب بشعورج هذا ... بوساتي لهداوي

زينة شلونج؟ انتظري دجاجة حوراء تبيض وسوي كيكة مضبوطة هههههه

حوري أم الدجاج شلونج؟ شايفة الدجاجة الكوجن شكد حلوة جنها طوبة
هسة تصيرين مثلها ان شاءالله بعد شكم شهر


فادية مشكورة على الدعوات الحلوة وبالعافية المساجات
الله يكتبلج السلامة.

[رويدة_ أم ألق]

مي شلونج؟ أبرار الوكحة شلونها صدك هاي رموشها الحلوة عليمن؟

إيمان الحمدلله على السلامة يارب تكون سفرتج خير عليج

هباوي كلما أكون غايبة أنت تجين .. من اقرا كتابتج أحسج وكأنما تسولفين من صدك مو كتابة
والاسم اللي مختارته حلو عاش ذوقج

أم سيف شلونج عيوني؟ طبعا ابنج يكسر ازرار الكومبيوتر طالع على أمه نشط هههه

كل البنات تحياتي الكم

وياريت نشوف يمتى ومها وكوكي وبيداء وتوتة وهند اشتاقينالهم.

[فوفو العراقية]

رحاب هنا؟؟؟؟؟؟؟؟؟؟
يامرحبا يامرحبا
حياتي شلونج
شخبارج قلب؟..


عسولة
ولج ام كرش تضحكين علية مو؟؟؟
الا اراويج اليوم كيكي وعمايل ادية وحياة عنية.


ام نورهان
اويلي على الرومانسية
زوجج مبين كلش يحبج ودليل هذا انه مانام وممكن يحس بالذنب
لان زوجي هيج لما يصير شي
بس على كيفكم بلا تهور
في التأني السلامة هههههههههههههه
ربي يخليكم البعض ويفرحكم بطفالكم والله انج تستاهلين كل خير.

ام ايهومي ماكو صار فترة
اكو وحده تعرف عنها شي؟

[فوفو العراقية]

تسلمين حبي رويده
والج بالمثل ياقلبي
ربي يسهل عليج ويكومج بالسلامة
شايلة هم لولادتج
لان البجر ولادتها شوية اصعب من غيرها

بس شنو راح تاخذين مسهلات للولاده لو تخليها بدون ؟
والله هوة يرادلج ابرة الضهر ... الله يسهلها يارب ومتحتاجين ولا شي ومطولين اللهم امين.
سؤال ثاني ههههههههه منو راح يدخل وياج وقت الولادة؟