دردشة بنات ليبيا , دردشة حوامل ليبيا , تجمع بنات ليبيا

[أم ورد]

هيا سلامات بنمشي انصلي وبنوتي الغدي نتلاقوا على خير

[يقين]

فطرت بنتي وتغديت وجيت وينكم

[أم ورد]

السلام عليكم

[أم ورد]

صحة فطورك وغداك يقونة إنت وفروتي

[يقين]

ام ورد سلمك واعطيك الصحه ولي شن غداك

[يقين]

يا لهوييييييييييييييييييييييييي دنا لوحدي في التقمع

[يقين]

خلي حتي ني انوض ماريت عليش مقعمزه
عيوني وينك اليوم ان شالله المانع خير
ام معاد وينك اليوم ان شالله المانع خير

[عيون زوجي]

الـــــــســـــــلام عليكم ياغاليااااات


رغوووودة وام ورد ويقين ضحكتوني اضحك الله سنونكم اخخخخخخخ جوكم اليوم مش عاادي

رغووووودة ماشاءالله لاقوة الا بالله على مساحة حوشك هذا قصر مش حوش يارب اتخشيه على خير وتتهني فيه
وانتي يافالحه زي من طير الطير ويجري تحته خليتي زوزك سافر وتوا نادمه واعلاش اركحي واهفتي والهي بصغارك وخدمتك كانك فالحه راك معاه من مول لمول ومن مطعم لمطعم اتصوري واتنزلينا واحني ريقنا ايسكسك اخخخخخخخخخخ خيرها في غيرها بس الامارااااات غير اخخخخخخخ

يقونه مبروك اعليك العتبه الجديدة ونصيحه مني اطلعي كل يوم ومايصيرلك شي ولدي محمد نسرفت فيه في المانيا من الصبح للمغرب واطلع زي الغزال ماتخافيش بكل وعيشي ايامك تو تروحي ليبيا وتنخمدي زينا والدليل الاكبر لخمدة الحوش رغودة اخخخخخخ انزيد فيها على مابيها
والله ليا اسبوع اندور على غسالة صحون ماركة مالقيت كلهم صيني وتركي وتايواني حتى الاسم تلقيه طلياني زي اريستون او بنزو او الماني زي بومان تلقي التجميع تركي وصيني بلاد الفقر فيها غير الغش والخنبه هذا فاش فالحين ويلي يوجعك مافيش وكيل معتمد لاي ماركة عالميه فلوسك تحتك وماتلقيش شنو تاخذي غير الصكه والعافن اندمت اني ماجبتش معاي وحده من المانيا ياندايمي وخلاص هادي غساله هكي صار فيا امالا بنبدوا البني في الصيف ان شاءالله شنو بيصير فينا ربي يسخرلنا الحال ويسترنا يارب

اللهم احفظ بلادنا وعمرها وابعد عليها شر الخنابه والحساده واللقايفيه يارب

[عيون زوجي]

ام ورد شنو غداك انا اليوم فطرت اماخر درت افطيره اتهبل بنتها جربت طريقتها من النت جزء منها حشيته مربي والتاني زيتون وجبنه ومعاها شاهي وحليب شبعتنا لتوا العيله شبعانه والعشي بندير فروبي فراوله وسحلب لزوزي وصلي الله وبارك على سيدنا محمد

[عيون زوجي]

مرة واحدة شينة هلبا
متجوزة
واحد تكرهه
كل يوم الصبح
توقف فى المرايا
... ... ... و تشوف لروحها
و تقول :
.
.
.
.
.
.
.
.
.
يستاهل :